نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا



النتائج 1 إلى 12 من 12

الموضوع: ياناس نفسية غنمي تعبت وكل مالها من اسوء إلى اسوء؟؟؟؟

في البداية حبيت اشكر هالمنتدى اللي اعطى الفرصه لمربي المواشي وهواة تربيتها بالتجمع في مكان واحد وتبادل الخبرات بأيسر الطرق انا بصراحه هاليومين بدت تتعب عندي الغنم صار لها

  1. #1
    كاتب نشيط
    تاريخ التسجيل
    21.02.2007
    الدولة
    بب
    المشاركات
    74
    معدل تقييم المستوى
    15

    S1 ياناس نفسية غنمي تعبت وكل مالها من اسوء إلى اسوء؟؟؟؟

    في البداية حبيت اشكر هالمنتدى اللي اعطى الفرصه لمربي المواشي وهواة تربيتها بالتجمع في مكان واحد وتبادل الخبرات بأيسر الطرق

    انا بصراحه هاليومين بدت تتعب عندي الغنم صار لها فتره من ما تاكل شي واحس ان صابها اكتئاب شعيري
    :s21:

    طبعاً انا بطريقتي الخاصة وبحكم ان الراعي عندي دارس علم نفس حيواني اكتشف ان الإكتئاب تحول من عارض إلى مزمن وشديد الخطوره ممكن يؤدي إلى الإنتحار بالنهاية وذلك بسبب التذبذب في اسعار الشعير وعدم ردع التجار عن التلاعب بالأسعار

    وهيهات هيهات غيري من المربين الذين يعانون من هذا الإكتئاب ومنهم من حصلت عنده حالات انتحار جماعي لكن ما باليد حيله الجهات المسؤله عملها حماية التاجر فقط اما المستهلك في حرييييييييييييييييييييييييقه يعود على دمنت حلاله ويلعب فيه اطيب له هذا من منظورهم

    لكن ما أخفيكم بأني سعيت بجميع الطرق لكي اتجاوز هذا المطب لكن دون جدوى وتسكرت جميع الأبواب في وجهي لكن هنالك طريقه اخيره وهي ممكن انها تفيد بإيصال الصوت ولكن لا يمكن لشخص واحد ان ينجح بهذه الطريقه :s20:

    بمعنى ان الطريقه هي جماعيه بحته وهي انه لازم ان يكون صوتنا جميعا واحد ونتجه لحقوق الحيوان ونشتكي عليها صدقوني راح تفيد جداً لانها اول قضيه مصيريه تعرض على هذه الجمعية بس نبي الدعم ياخوان ويجب ان نرفع اصواتنا لكي لا تتطور الحالة وتصبح كارثه على مستوى العالم

    :s13:


    اتمنى من الإخوان التفاعل وعدم السكوت لأن السكوت يجعل التجار يسعبل مثل المهبول اللي فوق


    تقبلوا تحياتي وتقديري لجميع الأخوان المتواجدين في المنتدى:s7:


    dhkhs ktsdm ykld jufj ,;g lhgih lk hs,x Ygn hs,x???? hw,g y,g]


  2. #2
    من كبار الكتاب
    تاريخ التسجيل
    08.12.2007
    المشاركات
    2,119
    معدل تقييم المستوى
    16
    الارتفاع مرتبط بارتفاع الحبوب في البورصات العالميه

  3. #3
    من كبار الكتاب الصورة الرمزية ابواريام
    تاريخ التسجيل
    27.05.2008
    المشاركات
    2,472
    معدل تقييم المستوى
    16
    طيب انت بديت الموضوع حنا معك قلبآ وقالبآ شد حيلك والي تامر به حنا مستعدين

    اقول اش رايك نحط موقع حملة تصويت لانقاذ الاغنام من غلاء الاغلاف ونحط رابط اول ماتفتحه

    يوصل صوتك للمسولين وابشر بالشاويه والشقرديه

    موفق بإذن الله ... لك مني أجمل تحية .

  4. #4
    كاتب نشيط
    تاريخ التسجيل
    08.12.2007
    المشاركات
    64
    معدل تقييم المستوى
    14
    فكره ممتازه

  5. #5
    كاتب نشيط
    تاريخ التسجيل
    21.02.2007
    الدولة
    بب
    المشاركات
    74
    معدل تقييم المستوى
    15
    اشكر جميع من رد على الموضوع

    وصدقوني احنا مو لازم نسكت

    زي هاليوم وصل الشعير 35 ريال يعني رجعت حليمه لعادتها القديمه

    احنا بمجرد نثير القضيه وراح بإذن الله يكون لها صدى على التجار وممكن نقصي مدير الصوامع مره وحده

  6. #6
    محظور
    تاريخ التسجيل
    29.06.2007
    المشاركات
    546
    معدل تقييم المستوى
    0
    بسم الله الرحمن الرحيم

    ارتفع سعر الشعير ؟؟؟ متى ؟؟؟ عسى ما شــر ؟؟ انا شاريه اليوم بسعر 23 ريال و25 ريال

    الظاهر رجعنا لتلاعب خلو الدقيق وحولو على الشعير على العموم السعر هذا بالرياض وثابت مدري كانه تغير بعد ما كتبت انا الرد جايز و كل شي معقول يمكن التلاعب في المناطق النائيه . على العموم التاجر عندنا ما ابي اقول قليل ادب لكن ابقول قليل ذمه وما عنده رحمه ولاقي بلد وشعب يتجر ويكبر تجارته على حسابهم ومحد يقدر يرده وياخوفي يجي يوم التاجر يعلن اللي يبي شعير يبوس يدي ويدفع حقه و اعطيه شعير يعني فوق الدفع بوووسه .
    ياوطن حبنا حتى نحبك دافع عنا حتى ندافع عنك والله ثم والله لو كشرت ايران عن انيابها اول ما يفكر التاجر فيه يجمع امواله ويروح يعيش في قصره اللي في البلد الفلاني . يا وطن ترانا نحبك تكفى حبنا .

    وسامحوني لو أساءت التعبير .

  7. #7
    من كبار الكتاب الصورة الرمزية الهاشمي 2
    تاريخ التسجيل
    20.06.2008
    المشاركات
    5,183
    معدل تقييم المستوى
    19
    ولد نجد انت صح

    ولا عليك خلاف

    الجواب والاسباب يأخوان عندي

    وهو

    من أمن العقوبه اسأء الادب

    احنا مانشوف اي بوادر من قبل التجاره او الزراعه لحمياه المستهلك في هذا الاتجاه

    وسوف تستمر هذا المصيبه الى ان تصل اصواتكم الى خادم الحرمين الشرفين

    فلنكن يدأ واحده ونرفع برقيه الى موالى خادم الحرمين الشرفين

    ونحدد موعد نرفع فيه بريقيه كل عل حده من هاتف منزله على الرقم 969

    وشكرا على الطرح

  8. #8
    كاتب نشيط
    تاريخ التسجيل
    21.02.2007
    الدولة
    بب
    المشاركات
    74
    معدل تقييم المستوى
    15

    تفاعل جميل وان شاء الله بادره طيبه


    اشد على يدك ياخي الهاشمي ويجب ان لا نسكت وصدقوني الحكومه في صف المواطن لكن التجار قليلين الذمه هم اللي يتلاعبون بالأسعار وذلك بسبب سكوتنا وعدم ايصال اصواتنا للمسؤلين

    احنا لازم نكون صوت واحد حتى يكون الصدى مدوي وتظهر له نتائج

    اتمنى التوفيق لجميع الاخوان


    ودي ولكن كيف تحقيق ودي &&&&&&&&&&&&& عيا زماني لا يجيني على الكيف

  9. #9
    محظور
    تاريخ التسجيل
    29.06.2007
    المشاركات
    546
    معدل تقييم المستوى
    0
    بسم الله الرحمن الرحيم
    اليوم صبحت السوق من الفجر وحصلت الاسعار تغيرت من 25 و 26 و 27 ريال
    والسعر 23 اروبي الحين بـ25 ريال . الاسعار الجديده من 25 الى 27 ريال . سعر 23 ريال راحت ايامه
    برغم انه نفس الحموله اللي اشتريت منها واللي باعني يتذكرني وقلت له وش سبب التغير وانا شاري منك امس ونفس الحموله ضحك بوجهي وقال كل يوم سعر جديد . وما اشتري من الرياض الا بس بالقطاعي بالعشرة اكياس لانه عندي كم راس بالحوش .
    الحمد لله مخزن حمولة 15 تريله تكفي لمدة 6 شهور -اللي يبيني اسلفه كيس شعير حياه الله .
    الله يعين ويكفينا شر الغلاء والوباء . انه سميع مجيب .

  10. #10
    كاتب نشيط
    تاريخ التسجيل
    21.02.2007
    الدولة
    بب
    المشاركات
    74
    معدل تقييم المستوى
    15
    ماودك تستضيف غنمي عندك هاليومين مثلك عارف قيض وودنا نقربها للرياض المشاوير ذبحتنا

    تسوي فيها اجر ياخوي


    هههههههههههههههه

  11. #11
    محظور
    تاريخ التسجيل
    29.06.2007
    المشاركات
    546
    معدل تقييم المستوى
    0
    بسم الله الرحمن الرحيم
    قدم معروض ( طلب ) مع مرفق بسيرتك الذاتيه ؟ ونشوف يمكن نوافق ويمكن نعتذر .والزعل مرفوع والرزق على الله .
    تصدق مدري انت تحاسيني او تحاسي غيري . بس الظاهر دزعه ودزعين بالميه انت تقصدني اااي . لمازا لا تدور الرزق عند اهلك ؟ وتشوف اللي يناسبهم وتجلبه لهم . ترى كم مره اشوف واحد يحلف يمين معاد يطب السوق تضربه الشمس والشريطي يجلس فوق راسه يضحك ومبسوط حصل طرقي يجبره على البيع بابخس الاثمان حتى . يكسر حلاله وينتظر نيت البيعه تطلع من الضعيف حتى ولو بالقوه واذا ما باع ينقعونه بالشمس ساعه وساعتين وينجبر على البيع وخصوصا اهل المتابيع . والله لقيت شايب رافع العصاة على ولده زعلان مررره يقول انت اللي قلت خلنا نجي لرياض وش نبي في الرياض . والله قلت لشايب كم السوم ما كلمني زعلان مره وامسك الولد
    قلت كم السوم قال سامو الجمله 2500 ريال عدد 3 معزا كل واحد معها اثنين .والرابعه معها 3 متابيع والخامسه ما معها شي . قلت للولد والبيع كم ؟؟.والشايب يحتريني اروح ناوي يكسر راس الولد قلت تعال ياوالد ابيك ويجي الشايب يخش عرض بالسوالف طيبات بس السوق مخيس . قلت يا والد كم البيع حدها وانا شراي قال 4000 قلت شريت حتى ما كاسرته . واخذتها من الشايب وهو اخر روقان فرحان مره ويدعي بالربح وقلت له لا تجي الا وقت المناسبات زبونك المواطن مو الشريطي . واخذتهن واعطيها سوداني بالسوق وقلت عطني فيها 5000 ريال وبع على راحتك وحاسبني بعد يومين .وربي ارزقني وارزق مني .

  12. #12
    كاتب نشيط
    تاريخ التسجيل
    21.02.2007
    الدولة
    بب
    المشاركات
    74
    معدل تقييم المستوى
    15
    آآآآآآآآآآآآآآآآآآآآآآآآآي انا احاكيك بس انت داير ما تركز معايا انا حبيت امزح معاكا بس انتا فهمتا غلط

    انا عندي حريات لو يعطوني في الشاه 1500 ما بعت اغليهن واجد ومن سلاله طيبه ولو وصل الشعير الكيس 100 لأشتريه لهن

    بالنسبه للسوق ما اطبه ولا ابيع فيه زبوني يجي لحدي سواء من الرياض او من المنطقه الغربيه وبالسعر اللي انا ابيه

    بس انا قلت ما شاء الله عندك الشعير متوفر قلت خلهن يلعبن شوي بالمستودع وينظفنه لك بس الظاهر انك تراجعت في اللحظات الأخيره

    تقبل تحياتي وتقديري الخالص

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •