نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا



النتائج 1 إلى 2 من 2

الموضوع: ذبحني الأندومي

بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين ذبحني الأندومي -------------------------------------------------------------------------------- ذبحني

  1. #1
    كاتب مبدع
    تاريخ التسجيل
    26.02.2008
    المشاركات
    1,118
    معدل تقييم المستوى
    15

    ذبحني الأندومي

    بسم الله الرحمن الرحيم
    السلام عليكم ورحمة الله وبركاته
    الحمدلله والصلاة والسلام على رسول الله وعلى آله وصحبه أجمعين
    ذبحني الأندومي

    --------------------------------------------------------------------------------

    ذبحني الأندومي

    --------------------------------------------------------------------------------

    ذبحني الأندومي
    (دراما - تشويق - اندومي- واحد شاورما بدون مخلل)
    قمت من النوم فوجدت... ( حتى ظننت انني اعمى)....والسعابييل تملى ارجاء الغرفه (لأني نسيت لا اسكر فمي قبل ماانام )

    لقيت كيسة الأندومي قدامي....ايه نعم......فطوري اندومي....وغداي اندومي ... وعشاي اندومي ...
    هذا الواقع اللي مااقدر اغيره.....وهو انه من خشونة اظافري والفقر ملازمني..ماعندي مصروف شاورما بسبة الفقر الشديد .... وصرت اشوف الفقر في كل مكان....في الثلاجه....في مخباتي... حتى انه كان يطل علي مع الدريشه .... لدرجة ان الميانه طاحت بيني وبين الفقر......حتى انه صار يسير علي كل يوم......وصار يجيب خويه "الجوع" معه..... وصرنا افضل ثلاث اخويا.........حتى جاء "العطش" علشأن يكملنا رابع ببلوت<<<< اقول ماكأنها مصخت

    مسكت كيس الأندومي ...وافرغته في قدر (بكسر القاف واذا ماقدرت تكسره خل المنتشري ينبرش عليه ).....وبينما كنت مفهي والسعابييل توقطر في القدر.....طق باب الغرفه عندي.......يوم فتحته لقيت دحيم المارج ماسك كورة جمبه
    ولابس بدلة رياضه ضيقه عليه....حتى سرته قامت تويدز (تويق) علينا من تحت...وقال: هاه تجي تلعب معنا كورة في الملعب (تكفى ياستاد الملك فهد اشوى انها حارة مسورة )....قلت له: قدام بس اخلص اللي في يدي (الأندومي طبعاً )...ويوم بلعت الأندومي....جيت ركض عند درجي....واطلع البدله حقتي الخضراء اللي مخططه بأبيض
    ومكتوب على صدرها وزارة المعارف << تراه مايدري ان اسم الوزارة تغير
    وانزل للملعب....وسط حضور جماهيري كبير (المشكله ان الجمهور طبو في الملعب بعد)....طبيت معهم واقعد اشووت ذا الكورة يمين ويسار....انا ماادري مع من لكن اهم شي ان اجيب قوول بغض النظر عن مرمى الفريق المنافس
    طبعاً نمشي على القانون الصادر من الفيفا والمصدق من عند الأتحاد السعودي اللي يقول: اخر واحد حارس

    شوي الا توصل الكورة لدحيم...وهو اللي يشوتها فوق...وكانت رايحها لمرمانا...وانا كنت اخر واحد عند القول...قلت مابدهاش ان راح ارد الكورة....واجيك وانقز....واطلعها برجلي "دبل كيك" من حلق المرمى(طبعا نسيت اني انا الحارس).....واجيك محول على رأسي.....صحيح انه مؤلم.....لكن مايهم اهم شي اني خلصت الكورة من المرمى....ويجون افراد فريقي ويشيلوني على الأعناق....وسط تصفير وتصفيق من عيال الحارة....والبنات المعجبات يطلطلون من درايش بيوتهم... وقلت لهم خلاص رجعوني لغرفتي مابعد الدبل كيك شي... وراحو زفوني عند غرفتي ....وخلوني اريح هناك بعد ماسويت لهم الأنجاز الكبير .... من زود الوناسه نمت وانا مبتسم >>مو مصدق ابداعااااااااااااااااااااااااااااته

    صباح اليوم الثاني طق الباب...فتحته لقيت شخص لاعبه بوجهه الثعلبه...قلت له يالحبيب فلوس ماعندي..تبغى زكاة رح شف في اخر الشارع فيه هيئة اغاثة...كودك تلقى شي يسد حاجتك

    قال: ماعرفتني؟؟؟ انا "رومان ابراموفيتش"رئيس نادي تشيلسي الأنجليزي <<< احلف
    قلت له: الملياردير الروسي البطران ماغيره...يالله ان تحيه
    قال: قل ماشاءالله <<<< ايه هين قال كذا
    قلت له: بشرنا وش اخبار تشيلسي عساه طيب <<< يحسب ان تشيلسي رجال
    قال: اقول لا يكثر بس....انا جاي هنا علشاني شفتك امس بالجزيرة الرياضيه وحسيت ان فيك موهبه كرويه وحبيت اعرض عليك انك تنضم للفريق...لأن فيه مبارة ديربي بين تشيلسي وارسنال ابغاك تلعبها ....هاه وش قلت
    قلت له: قدام للصدام والريوس مفصول


    ياحرام هالمسكين(((رومان ابراموفيتش)))
    صار تقول واحد(ن) من هاللي يشحذون عند باب المسجد
    وصلت لندن ....واخذتلي اجره وعلى ملعب تشيلسي .... في الطريق حصلت اشياء غريبه ..... لقيت كتابات على جدران
    مثل Chelsea is high high and Arsenal is under my sandals ...ترجمتها : تشيلسي عالي عالي وارسنال تحت نعالي....بصراحه شكيت قلت انا بلندن ولا بالنسيم .....واللي زاد شكي ان حصلت قبل حديقة "الهايد بارك" خيام يبيعون "حطب نص استوى" للي وده يكشت في "الهايد بارك".
    دخلت الملعب.....لقيت المدرجات مليانه جمهور..... والشقر كثر التراب (بعذرهم ذا الأوربيين يلعبون زين....لاقين ذا الطخوم يستعرضون قدامهم....مهو بحنا الله يخلف علينا ....انتم جربو يالاتحاد السعودي وافتحو المدرجات للجنس الناعم....وشوفو كيف اللعب بالملعب والمدرجات )........لقيت تكارنه متجمعين في اخر المدرجات ويشجعون ارسنال ويقولون: We will eat u Piece Piece....We will eat u like Barshomy ...ترجمتها: ماني قايل ههههههههههههههههه


    المووووووووووووووووهيييييييييييييييييييييم

    بدت المباراة .......طبعا المدرب الله يخسه حاطني احتياط (ماعندهم اكرام الضيف ثلاث ايام)......تقدم ارسنال بهدف سجله تيري هنري.....وانا قاعد احاول بالمدرب يدخلني الملعب وهو رافض.....انتهى الشوط الأول ....بدء الشوط الثاني
    وانا مازلت بالأحتياط.....جاب هنري الهدف الثاني .....بعدها قفلت الأخلاق.....قلت للمدرب ياتدخلني ولا ترى ابذب البدله بوجهك .... قال المدرب: وش عنده رونالدو الغفله"قالها المدرب مستهزئاً ".... وبعد شد وجذب بيني وبين المدرب رضا هذا الأخير انه يدخلني...يوم دخلت الملعب ....تفاجأت بالحكم واقف قدامي ويمنعني من دخول الملعب!!!!


    قلت للحكم: خير وش المانع!.....قال الحكم: هماك سعودي؟...قلت له: لا اندونيسي منتهيه اقامته اكييد سعودي "قالها ابو شطب مازحاً غاضباً ".......قال: وش حيثكم بالسعوديه ماتلعبون الا ثلاث اجانب......قلت له: وانت وش حارق رزك ان شاءالله نلعب بربع لاعب دورينا وبكيفنا....قال:دام الدعوة كيف اجل جب ورقة من المرور (عفوا ) ورقة من الفيفا علشأن تدخل الملعب انا الحكم هنا بكيفي.....وبعدها صار الحكم يلعب برموشه مثل ...........

    وانا اطير زي البرق لسويسرا مقر الفيفا......واجيك وادخل على رئيس الفيفا بلاتر.....وارمي شماغي على مكتبه (مع اني ماكنت لابس شماغ!)....وقلت له: تكفى وترى تكفى تهز الرياجيل............؟؟؟؟؟؟!!!!!!!!!!





    في مكتب بلاتر
    قال بلاتر:خير ان شاءالله....قلت له: ابغى ورقة من عندكم مختومه عندي مباراة مهمه الأن والحكم مانعني من اللعب....قال:الحكم صادز(صادق) لازم ورقة بس مهو كل واحد نعطيه ورقه....قلت له: يعني تبغون شهود ومزكيين ولا وش السالفه...قال: لا مايحتاج مثلك عارف ياما وياما مشينا ملفات مهي بكامله وعقود لاعبين واهداف يعني لا يخدم بخيل (ملعون بلاتر )...قلت له: انت كم تبي بس لك مني شيك مفتوح (كله على حساب ابو ثعلبه ابراموفيتش)..يوم قلت له شيك مفتوح شفت سعابيله تقوطر على المكتب وعلى طول يطلع الورقة لا ومختومه بعد (اتوقع لو زدت المبلغ شوي كان هتكت عرض بلاتر )....اول ماخذت الورقة واحط رجلي....واسمع بلاتر يناديني: يابو شطب وين الحساب؟؟.....قلت له: الحساب يوم الحساب <<<< حركات عرابجة بوفيات النسيم






    جيت طاير....وصلت الملعب وباقي دقيقه على نهاية المباراة <<< ترى حنا في عصر السرعه لا تدققون كثير
    والنتيجه هدفين لهدف لصالح ارسنال.....واجيك واحذف الورقة في خشة الحكم....وانطلق واخذ الكورة....واجيك طاير متجه للمرمى.....يوم وصلت المرمى وهو ينبرش علي هنري بكبره <<< تراه مايعرف الا ذا اللاعب من ارسنال
    ويصفر الحكم عن ضربة جزاء....اول ماطحت مسكت الكورة وحضنتها وقلت مايشوت البلنتي الا انا <<< ابتدائي

    قلت هذي فرصتي اني ادخل بوابة العالميه.....اجيب هدف تعادل لفريقي من اول لمسه.....ولا وش الفرق بيني وبين بيكهام اساساً.....بس نفرق بالشكل اكيد ....طبعاً الطخامه لصالحي <<< يارجال يحلفون ان رونالدينهو اطخم منك
    يوم جيت ابسدد البلنتي احترت....ماادري اشوت يمين او يسار....بس قررت في النهايه اني اشوت وسط....اضمن انها اذا ماجت قوول فأنها راح تصفق خشة الحارس....يعني كسبان في النهايه

    واجيك واشوووت الكورة

    طااااااااااااااااااااااااااااااخ

    ..
    ...
    ....
    .....
    ......
    .........
    .............
    ......................
    ..............................
    .......................................
    ..............................................
    نكمل القصه




    شوي الا اشوف الأندومي منتثر في كل مكان بالغرفه .....والقدر مصقوع في الجدار ومنكسر ....واصابع رجلي متورمه وتصب دم.....اتضح اني شت القدر بدل الكورة
    يعني كل السالفه اللي فوق طلعت حلم يقظه ......يعني مافيه لا شهره ولا فلوس......مافيه الا اندومي....لا منتثر بعد

    اااااااااه يالأندومي.....ذبحتني يالأندومي

    theـنهايه- الأندومي اثبت انه افضل وجبه للعزاب....... لا بريال بعد

    -نطالب وبشده فتح المدرجات عندنا للجنس الناعم.....مع الأخذ بالعلم توسيع مدرجات الهلال <<< بينجلد






    وهذي

    سالفة قريتها واعجبتني حييييييييييييييييييييل<<<< قول والله
    وحبيت اشارككم فيها<<<<<< عسى ما تكلفت بس










    ملكووووووووووووووووووووووووش


    `fpkd hgHk],ld


  2. #2
    من كبار الكتاب الصورة الرمزية لؤلؤة الاعماق
    تاريخ التسجيل
    28.01.2007
    المشاركات
    3,180
    معدل تقييم المستوى
    18
    ههههههههههههههههههههههه....لا ...ومندمجه في القصه....وفي الاخير تطلع.........حلم من احلام.....الفقراءءءءءء.....هههههههههههههههههههههه....ذا كله من تأثير الاندومي...ههههههههههههههههههههههههههه
    روووووووووووووووعه ياراعي الاكحل....من رائع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الأندومي ينافس الوافي هل تصدقون ؟
    بواسطة عبدالغني المحمادي في المنتدى منتدى التغذية و الاعلاف
    مشاركات: 30
    آخر مشاركة: 10.03.2009, 12:05 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •