السلام عليكم يا اخوان
انا عندي سؤال لاهل الخبره فالنجد بالذات
عندي طلي صغير عمره شهر بالظبط وعشر ايام الطلي ابوه طيب بالحيل من ناحية الانتاج يطلع مزاين ولكن الطلي بالنسبه لكل مافيه مواري زين براص وضخامة راس وطول وجرم وعظمه زين بالنسبه للصغار اللي مثله لكن فيه حاجتين استغربتها اللي هي ذنبه عصلوب ما ارتكز مثل باقي الطفال والشي الثاني خشم الطلي ما انعكف من هالحين الطفال الصغار اللي كبره عندي انا خشومهن عكف من صغرهن لكن هو امه رخل مزيوووووووونه بالحيل مشريه من غنم مزاين وابوه كذلك كل انتاجه زين وبناته يباعن بالثلاثه الاف
عموما سؤال يا اخوان / هل ذنبة الطلي تعتدل بعدين وترتكز وخصوصا سبلة ذنبته تلف يمين او يسار بعدين او يبقى كذا ؟؟؟
هل عكفة خشمه تبين بعد اشهر او من صغره وهو بالسن ؟
علما يا اخوان ان بعض الحلال وهو صغير يكون مزيون بس اذا كبر تراجع زينه وبعض الحلال ما يملى العين وهو صغير واذا كبر طلعت مواريه كلها
ارجو التفاعل الجدي يا اخوان وجزاكم الله الف خيرالمصدر: منـتـديات أغـــنـامhsjtshv lk hig hgofvi thgk[]
المفضلات