نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا


[  ] [ عدد مرات العرض 320545572 ] [ عدد النقرات 63536 ]

النتائج 1 إلى 7 من 7

الموضوع: سالفه راح تعجبكم

بسم الله الرحمن الرحيم والصلاة والسلام على افضل الخلق سيدنا محمد وعلى اله وصحبه اجمعين السلام عليكم ورحمة الله وبركاته ...................... هذ سالفه راح تعجبكم ومضحكه بس لاتحاولون تسون

  1. #1
    من كبار الكتاب الصورة الرمزية محب للخير*
    تاريخ التسجيل
    23.06.2009
    الدولة
    دار بو متعب
    المشاركات
    2,261
    معدل تقييم المستوى
    14

    سالفه راح تعجبكم


    بسم الله الرحمن الرحيم
    والصلاة والسلام على افضل الخلق سيدنا محمد وعلى اله وصحبه اجمعين
    السلام عليكم ورحمة الله وبركاته
    ......................
    هذ سالفه راح تعجبكم ومضحكه بس لاتحاولون تسون مثلها
    يوم من الايام مداوم وكنت في دوره لغه انقليزيه وكان اليوم هذا يوم اربعاء وقال المدرس اخر حصه ونبي نسولف بلا مراجعه بلا بطيخ,نبي نتعرف عليكم وعلى هواياتكم, ودياركم,,وتخبرون ندور السوالف والوناسه..المهم من فلان سالفه وفلان سالفه ,,قال المدرس الله يذكره بالخير ابي اعلمكم قصه صارت قبل شهر مع احد الجيران.. طبعا الكلام هذا قبل حوالي سنه ونص..
    المهم اسلم يابو رجاء ..قال.يوم من الايام طق الباب والله وافتح الباب الا وهذا جاري حياك الله تفضل ..قال , مستعجل بس ابي منك خدمه..
    قال ابشر ..
    الله يسلمك يابو رجا ابي عده اذا كان عندك عده محتاجها عندي شغله بالبيت ومحتاج كم مفتاح وسكروب وزراديه..
    قال ابو رجا.. ماعندي لكن خابر عند اخوي عده بالسياره واخوي مسافر عنده دوره بالامن بالرياض.. وخلى السياره معي ابي اشوف واذا لقيت اجيبها لك بس انتظر دقيقه..
    قال الجار زين..
    رجع ابو رجاء وجاب شنطه عده مايدري وش اللي بالشنطه
    من سيارة اخوه.. واعطاها جاره
    ورجع بيته.. يقول ابو رجا يوم خذيت بعد ساعتين او 3 ساعات الا ويدق الباب
    ويفتح واحد من العيال قال يبه هذا جارنا يبيك
    طلعت للرجال ولاحظت ان الرجال ماهو طبيعي كأنه منحرج ولا صاير عليه شي .
    قال يابو رجا الحق علي .. وش بك يابن الحلال عسا ماشر والرجال يضحك ومنحرج بالحيل ..علمني وشبك تضحك .. قال العده اللي جبتها لي ..
    لقيت بها يابو رجاء كلبشات شرطه..
    قلت ايوه.. قال ..ياخوي بعد مااستخدمت العده وخلصت اخذت الكلبشات ومسكت المره((زوجتي)) وكلبشتها .
    ابي امزح معها وطقطق عليها واعلق عليها ..ويوم جيت ابي افتح الكلبشات
    قلت اكيد تنفتح بسهوله او القا المفاتيح حقتها .. وحاولت ادور بالعده يمين ويسار .. مالقيت لها مفتاح ابد.. وحاولت بالمفكات والسكروب لكن ماقدرت افتح الكلبشات..وانا منحرج منك..وجيتك ابيك تشوف لي المفاتيح اكيد انها بالسياره..
    بالشنطه ورا او بالدرج .. يقول ابو رجاء انا مت من الضحك طول مالرجال يعد السالفه.. ورحت ادور بالسياره يمين ويسار ورا وقدام المهم ماخليت من حيلتي شي .
    ورجعت للرجال وقلت والله انها بلشه مالقيت مفاتيح الكلبشه..المهم قمت اتصلت على اخوي .. ومارد على الجوال لانه كان نايم ويوم صحى على وقت صلاة العشاء تقريبا الا ويتصل بي اخيي عسا ماشر لقيت لك عشرين اتصال
    ..قلت له يابن الحلال السالفه كيت وكيت وكيت .. يقول ابو رجاااااء
    اخوي فرط من الضحك وجلس يتخيل الموقف ويعلق وانا اقول له اخلص وشلون الدبره الحين ..
    قال اخوي ..
    يابن الحلال المصيبه ان المفتاح بقسم الشرطه والضابط الفلاني مستلم ولازم اتصل عليه وتروحون له عشان تاخذون المفتاح..
    المهم اتصل عليهم ورد لنا قال روحوا للقسم الفلاني وتلقون ضابط خفر
    والضابط رتبه ملازم اول
    دخلت عليه انا وجاري وعرفته على نفسي وعرفته على جاري ورحب بنا الرجال وقام يضحك الضابط لانه عرف السالفه من اخوي
    وقال اصلا غريبه ان المفتاح يكون بالقسم لانه دايم مع نفس الكلبشه لكن الشباب ينسون وهذي عجيبه
    يقول ابورجاء اخذنا المفتاح ومعنا عسكري .. ودخل جاري البيت وفك زوجته من القيد((الكلبووووش)) وسلمت العسكري الكلبش والمفتاح
    م-ن- ابو عمر



    shgti vhp ju[f;l fydj;l


  2. #2
    كاتب متألق
    تاريخ التسجيل
    05.03.2010
    المشاركات
    556
    معدل تقييم المستوى
    11
    شكرا لك000000000000

  3. #3
    من كبار الكتاب الصورة الرمزية ابو سعود المسافر
    تاريخ التسجيل
    28.09.2010
    المشاركات
    3,566
    معدل تقييم المستوى
    13
    اضحك الله سنك ابو عمر دمك خفيف وطرحك مخيف

  4. #4
    كاتب مميز
    تاريخ التسجيل
    03.06.2010
    المشاركات
    360
    معدل تقييم المستوى
    11
    بغاها مزحه صارت رزحه


  5. #5
    كاتب مميز
    تاريخ التسجيل
    25.10.2010
    المشاركات
    326
    معدل تقييم المستوى
    10
    باركـ اللهـ فيكـ

  6. #6
    كاتب مميز
    تاريخ التسجيل
    21.12.2009
    المشاركات
    412
    معدل تقييم المستوى
    11
    هههههههههههه موقف محرج وممكن خطير لو المفاتيح كانت مع اخوك بس الحمد لله انها بالقسم

    الله يوسع صدرك بالعافيه

  7. #7
    كاتب مميز
    تاريخ التسجيل
    17.07.2010
    المشاركات
    388
    معدل تقييم المستوى
    11
    الله لايهينك على الموضوع هاذا يعلم معاد ندخل باغرض الغير حتى لو جاتنا بلغلط

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ماعندكم سالفه
    بواسطة مرداسي في المنتدى منتدى التغذية و الاعلاف
    مشاركات: 11
    آخر مشاركة: 08.12.2010, 10:11 AM
  2. خواطرر انشاالله تعجبكم
    بواسطة فهد((ابوسلمان)) في المنتدى الــمــنــتـــــدى الـــعـــــــــــام
    مشاركات: 12
    آخر مشاركة: 20.03.2010, 03:52 PM
  3. فلـــــــسفه اتمنى تعجبكم
    بواسطة لحظه لو سمحت في المنتدى الــمــنــتـــــدى الـــعـــــــــــام
    مشاركات: 3
    آخر مشاركة: 06.10.2009, 07:18 AM
  4. سالفه وقصيده للشاعر محمد الخس المطيري
    بواسطة ابونواف المطيري في المنتدى الــمــنــتـــــدى الـــعـــــــــــام
    مشاركات: 8
    آخر مشاركة: 15.10.2008, 02:00 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •