نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا


[  ] [ عدد مرات العرض 319940696 ] [ عدد النقرات 63217 ]

النتائج 1 إلى 14 من 14

الموضوع: وقفة رجل واحد لكل مسوق سعودي وعاطل

السلام عليكم ورحمة الله وبركاتة اخواني هذا اول موضوع لية واد ان اطرح لكم وجهة نظري ارجوا ان تساعدوا كل من يعرض سلعة وتشتروا منة

  1. #1
    عضو جديد
    تاريخ التسجيل
    21.01.2011
    المشاركات
    7
    معدل تقييم المستوى
    0

    وقفة رجل واحد لكل مسوق سعودي وعاطل

    السلام عليكم ورحمة الله وبركاتة

    اخواني هذا اول موضوع لية

    واد ان اطرح لكم وجهة نظري

    ارجوا ان تساعدوا كل من يعرض سلعة وتشتروا منة فقط من السعوديين ابناء جلدتنا

    فية اشياء انا وانت شارينها شارينها لانستغني عنها عطر ملابس فافظل ان تكون شبه حملة مقاطعة محلات التجارية وشراء فقط من ابناء جلدتنا

    والله انا لايوجد لية اي مصلحة الى فائدة لاخواننا العاطلين وفاقدين الامل وزرع الابتسامة لهم ولوا بشئ البسيط

    الحمدلله انا واعوذ من كلمة انا من متوسطي الدخل وموضف والامور تمام ولله الحمد ولكن اردت اطرح الموضوع

    لنتحد سويا افعل الخير

    مثال انا
    شاري شاري شهريا او كل شهرين عطرين لية ولزوجتي وملابس اطفالي كل شهرين تقريبا ولاوزم مكتبية ولاوزم بيت كل شهرين تقريبا يعني تقريبا 1000 ريال شهريا مخصصات مشتروات

    فوالله اني عاهدت نفسي لن اشتري الى من مسوقين السعودين فقط للاشياء التي لاتثقل علية والموجودة مع المسوق نفس اللي بسوق وخاصة مسوقين بالانترنت

    عندي يربح سعودي ولااجنبي ليس حسد فاولى بالمقربون ولاتعتبر حسنة ولاشئ فانا شاري شاري مثل مااخبرتكم

    واتمنى من الجميع ان يحذوا حذوي للاشياء البسيطة التي ينفع غيرة من اخوانة

    نعرف البعض لايملك فتح مؤسسة والبعض يمكن مايملك 1000 ريال ووو هم من احب اساعدهم وانتم تساعدهم بشراء منتجاتهم ومقاطعت الاجانب طبعا لسلع التي انت شاريها شاريها

    ورجاء لايدخل اي شك فيكم لاخوانكم المسوقين صفوا النية وادعوا لهم بتوفيق والله يغنيهم من واسع فظلة

    ملاحظة اجد من يكاسر صاحب السلعة بشراهه كانه سارقها ؟ فلمعقول معقول ولامعقول لامعقول

    قال الله تعالى: {وَلَا تَبْخَسُوا النَّاسَ أَشْيَاءَهُمْ}

    ودمتم بود


    اخوكم ابو ياسر


    ,rtm v[g ,hp] g;g ls,r su,]d ,uh'g gs,r H;g vog ,rtj


  2. #2
    كاتب مبدع
    تاريخ التسجيل
    26.02.2010
    المشاركات
    868
    معدل تقييم المستوى
    11
    كلام جميل لقد اعجبتني روحك الوطنيه فوالله امثالك قله اصبح الأجنبي مقدس لدينا والمواطن الكل يحاول ان يتهرب منه .
    ولكن فرج الله القريب إنشاء الله راح يأتي لنا زمن تخلو البلد من الاجانب بإذن الله ويكون الشعب هو من يقوم بكل إحتياجات البلد .
    اللهم بارك لبلدنا وشعبه وقيادته.

  3. #3
    من كبار الكتاب الصورة الرمزية اليابسي
    تاريخ التسجيل
    16.03.2010
    المشاركات
    3,179
    معدل تقييم المستوى
    14
    أخوي أبو ياسر أحيي فيك هذة الروح وهذة المعنوية العالية وكلامك كبير
    وينم عن عقل وحب للتعاون ومحبة لمساعدة أخيك المسلم وانا معك على ذلك
    مع العلم بأني عاطل لكني ميسور الحال ولكني اشتري وما زلت اشتري من المسوقين السعوديين
    الحمد لله البارح وصلني طرد من أحد المسوقين و وجدته مطابقا تماماً لما ذكرة والحمد لله استفدت منه الشئ الكثير

    ما راح نوقف الدعم عنهم أبدا ( واللي ما فيه خير لأهلة مافيه خير للناس ) يعجبني تفكيرك

    ولا تحرمنا من ابداعك

  4. #4
    عضو جديد
    تاريخ التسجيل
    21.01.2011
    المشاركات
    7
    معدل تقييم المستوى
    0
    اقتباس المشاركة الأصلية كتبت بواسطة المغترف مشاهدة المشاركة
    كلام جميل لقد اعجبتني روحك الوطنيه فوالله امثالك قله اصبح الأجنبي مقدس لدينا والمواطن الكل يحاول ان يتهرب منه .
    ولكن فرج الله القريب إنشاء الله راح يأتي لنا زمن تخلو البلد من الاجانب بإذن الله ويكون الشعب هو من يقوم بكل إحتياجات البلد .
    اللهم بارك لبلدنا وشعبه وقيادته.
    تسلم والله اخي

    انا لم اتكلم الى زعلت من بعض الاشياء

    ارى اخوان لنا يشترون من الاجنبي لا ولايكاسرة والمشكلة الاكبر غير مسلم .!

    ولما ارى سلعة معروضة لمواطن بلانترنت كل من دخل جاء طاير يكاسرة والمشكلة انة يكاسر من يكاسر اخاة بدل مايساعدة .! هل ترضى اخاك يمد يدة الى الغير او اخت تتسول وتتسول ايظا من احنبي يستغل حاجتها .!

    قصة حدثت مع اخي
    اخوي اشترى جمس جديد من خلال موقع النت وذهب لرجل ووجدتة متدين وابن حلال والله لم يكاسرة واقسم بالله ان جاء اخوي مربح 5000 الاف ريال

    طبعا نحنوا لانجهل الاسعار اي سلعة حتى الطفل لو تسالة لاخبرك

    مثال سعر تبحث عن سلعة معينة ابحث بسوق عنها واعرف كم سعرها ثم ادخل النت اذا وجدتها متساوية او اقل اشتر او مبالغ فيها اقولك لا

    ورغم اني والله اجد اغلبها رخيصة هنا والبيع اغلبة سمح وفوقها دعوها من انسان يبحث عن الحلال واجر

  5. #5
    كاتب نشيط
    تاريخ التسجيل
    04.12.2010
    المشاركات
    72
    معدل تقييم المستوى
    10
    بارك الله فيك اخوي
    وسدد للخير خطاك
    اتمنى لو أن مابداخلك يصبح بداخل كل مسلم ومسلمة
    أسعدك المولى ويسر لك كل عسير
    وجعلك من المسرورين بالدنيا والآخرة
    خالص دعواتي وفائق احترامي لك

  6. #6
    كاتب مبدع الصورة الرمزية اابومشعل
    تاريخ التسجيل
    13.10.2010
    المشاركات
    1,073
    معدل تقييم المستوى
    11

    A4

    ارفع القبعه لوطنيتك

  7. #7
    كاتب فعال
    تاريخ التسجيل
    08.10.2010
    الدولة
    عالي نجد
    المشاركات
    204
    معدل تقييم المستوى
    10
    كلامك والله زين
    بس السعودي يحس ان تعبة اكبر من تعب الاجنبي وما يقنعه الربح اليسير
    يعني انا ساكن بمسافة 50 كيلو عن مزارع الاعلاف هل هناك سعودي بيوفرلي حمولة دنة اعلاف مع التحميل بمبلغ 250 ريال للنقله ؟؟؟
    استريح يالغلا >>>السعودي الجلسة عنده بالاستراحة تسوى 500 ريال ^_^
    واذا فيه مسوق سعودي لاي سلعه ويرضى بالكسب المعقول تأكد ان الكل بيحرص يتعامل معاه وبعدين الدولة براسها هده الاجانب يبيعون ويشترون بكيفهم
    الشغل معبي الديرة بس وين سعوديك؟؟؟ يبي مكتب وشغل حكومة عشان يبزوط منه
    حنا اهلها وادرى بشبابنا >>> ومن كل قلبي اتمنى ان كلامي غلط × غلط

  8. #8
    عضو جديد
    تاريخ التسجيل
    21.01.2011
    المشاركات
    7
    معدل تقييم المستوى
    0
    اقتباس المشاركة الأصلية كتبت بواسطة انقر هنا مشاهدة المشاركة
    كلامك والله زين
    بس السعودي يحس ان تعبة اكبر من تعب الاجنبي وما يقنعه الربح اليسير
    يعني انا ساكن بمسافة 50 كيلو عن مزارع الاعلاف هل هناك سعودي بيوفرلي حمولة دنة اعلاف مع التحميل بمبلغ 250 ريال للنقله ؟؟؟
    استريح يالغلا >>>السعودي الجلسة عنده بالاستراحة تسوى 500 ريال ^_^
    واذا فيه مسوق سعودي لاي سلعه ويرضى بالكسب المعقول تأكد ان الكل بيحرص يتعامل معاه وبعدين الدولة براسها هده الاجانب يبيعون ويشترون بكيفهم
    الشغل معبي الديرة بس وين سعوديك؟؟؟ يبي مكتب وشغل حكومة عشان يبزوط منه
    حنا اهلها وادرى بشبابنا >>> ومن كل قلبي اتمنى ان كلامي غلط × غلط
    عدنا لكسر المجاديف .!

    يااخي ا وين انت عايش لاتزعل مني بهذة الكلمة وهل رئيت الاجنبي ترك لسعودي شئ .! وهل تعتقد انة يحبة .! وهل تعتقد ان مصروفنا مثل مصروفهم .!

    انا شاهدت الاجانب متحدين مع بعض صحيح يشغلك معة مؤقت ولكن مثل الفحل المستعار لاغير لايعلمك شئ ويعقدك لما كنت ادرس بالجامعة كنت اعمل بشركة تخيل اني ع البوابة حارس ليلي والمصري ع مكتب .!

    الان همنا انك تشوف اي سعودي يشتغل يبيع ويشري تعامل معة لاغير وشد من ازرة فهوا نعم الرجل واللي مااشتغل ولايريد يشتغل بكيفة هوا الخسران

  9. #9
    من كبار الكتاب الصورة الرمزية مقحص
    تاريخ التسجيل
    11.11.2010
    الدولة
    الرياض
    المشاركات
    3,012
    معدل تقييم المستوى
    13
    بسم الله الرحمن الرحيم
    على الله توكلنا
    اخيراً حصلنا شي اسمه تسويق في المنتدى وشي اسمه سعودي عاطل

    اسمح لي ياصاحب الموضوع والله يعطيك العافيه على موضوعك الشيــّق
    واللي فتحت لي مجال اني اتكلم عن شغله مقهور منها بخصوص ماهو الشعب السعودي كله ووقوفنا مع بعض
    فقط عيـّنه نسمع بها ونعاني جميعا ً من أجلها وكلاهم انتقدهم نقد بنّـاء إن شاء الله لمصلحتهم
    ( الدرجه الاولى المسوقين والمسوقات عبر الانترنت )
    كثير من المسوقين وخصوصا ً المسوقات مساكين ماهم عارفين الطبخه وماهم عارفين كيف يديرون التسويق عبر الانترنت وهم اللي يسوقون لصالح للشركات ومنتجاتها لأنهم يسرقونهم بالنسب
    مثال واقعي (يبيعون زبون زبنونين عن طريقها ويسحبون عليها بنسبتها على عشر زبائن )
    مثال تطبيقي ( شفت ان البنات كثير منهم مثل ما اسلفت فمره اذكر اشتريت تمر من احد الاخوات وكان بما يقارب الألفين وخمس مائة ريال في القصيم وكانت نسبتها 350 ريال وطلبت منها اسم صاحب المنتج لطلب الكميه منه تجنبا ً للنصب وصار اللي انصب عليه هي المسكينه من قبل صاحب المنتج سوداني ) وحدث ولا حرج

    (العاطلين في الدرجه الثانيه وما يواجهونه من قسوة ظروفهم المعيشيه )
    يا ابو ياسر بقول لك قصتي من البداية في نهاية كلامي وخلي الناس تفهم اللي فاهم الله يزيده وكثير مروا بوضعي وكثير للحين سعوديين عاطلين وشايف نفسه مايودي ولا يجيب ولا يقدر يحرك ساكن وهو غلطان
    من وجهة نظري مافيه انسان الا هو ناجح ومسآلة الفشل معدووومه واكيد بتفهم علي
    الانسان اذا مشى في مصلحته وحاول ينجح نجح في تجاره ولا غيرها
    حتى السارق انسان ناجح ليشش ؟
    لانه سعى ورى هدف السرقه وثابر وخطط ونفذ ونجح آخر شي في سرقته
    وغيره وغيره من الناس الناجحين
    والنجاح الانسان درجتين
    نجاح ايجابي
    ونجاح سلبي مثل السارق وغيره من اهل المعاصي لو خطط على معصيه مثلاً فكر وخطط ونفذ فهو نجح في ارضاء الشيطان ومعصية ربه بس نجاحه سلبي على نفسه في معصية ربه
    الشاهد في موضوعك بما أن نص المسوقين والعاطلين ان شاء الله بيقرون موضوعك ابيهم يقرون كلامي وكل واحد يستفيد ويحط بنفسه انه انسان ناجح مهما كانت ظروفه صعبه بس يكون ناجح نجاح ايجابي
    انا شخص كان يطلق علي سعودي عاطل والحمد لله إنه كان عام 1422هـ
    بعدها عرفت كيف بداية ً اطلع نفسي بشغل التكسي في المطار وما مديت يدي لأحد ولله الحمد غير أمي الله يخليها لي اللي استأجرت لي السيارة لمدة سنتين (سيارة خاصه ) وأسسدها انأ من شغلي شهرياً
    بعدها الوظيفه توظفت والحمد لله ونتيجة لأحد المعارف ركاب المطار توسط لي ولله الحمد ويجزاه عني خير
    يعني الشباب العاطلين لو اشتغلوا هالشغله بيعرفون وبيمرون في اللي مريت فيه بشغلي في المطار
    وهو زبائنهم في المطار ويخططون عليهم صح
    كان يركب معي الضابط وكان يركب معي أصحاب المناصب الكبيره في الدوله ومن هم تحتهم وكذلك التجار
    وكلهم فقط من نظره نظروها لي (إنك سعودي وأولى من الغريب وعارفين اني محتاج )
    وسؤال ووراه جواب مع ركاب المطار حد ما تعرفت على واحد وطلعني من المعاناة اللي اعانيها بالمطار من تعب وشقى .
    ولا ينسون الشباب بعد الي في خياله تجاره ويخطط على التجاره بيركب معه التاجر ويكلمه في المجال اللي يعرفه اذا هو صاحب ملابس او حديد او غيره ويساعده او يوظفه عنده واذا بيطلع كفو يموله في مجاله اللي ناويه وبيكون احسن للي هو يخطط عليه العاطل
    وأهم شي للشباب اللبس الرسمي السعودي ويكون مرتب ((مكشخ يعني))
    بدايتي
    للعاطلين فقط
    تخرجت من الثانويه بالرياض وكم شهر عاطل قاعد وحسيت نفسي جد عاله على اهلي بس الحمد لله ما طولت قعدت مع نفسي وصرت أدور وأدور وظايف
    من تكلم معي توظفت اقول له خلصت دراستي والثانويه معي عندك وظيفه ؟؟؟
    وقعدت وقعدت انتظر وسألت نفسي إلى متى كذا وضعي وانا عاطل ولا حد نفعني بريال غير امي الله يخليها لي تاج راسي
    خليتها تستاجر لي سياره ورحت اتكس عليها بمطار الرياض كل يوم اجمع لي قرشين لاخر الشهر احطها عندها
    واخر الشهر يطلع لي اربعه وشهر خمسه وشهر سبعه في الصيفيه
    واغلبكم عارف يمكن المطار ومافيه من خير
    ماطولت في المطار وزي ماقلت توظفت والحمد لله
    وجلست بوظيفتي حدود الثلاث السنوات ولا أزال والدوام مسائي والحمد لله
    فطبيعي بداياتي كانت كفاح وتحدي للظروف وما عجبني الوضع انه اكون على وظيفتي وبس
    حاولت ادخل مجال التجاره ولا قدرت لصعوبة الحصول على التمويل
    اتجهت لشغله أسهل وهي التسويق لبعض الشركات والمصانع لبعض المنتجات حقتهم والحمد لله قدرت إني اسوق والطلبات صارت ماتوقف على جوالي
    مع تحفظي بالمنتج لنفسي وليس لصاحب الشركه او المصنع (تسويق الحديد )
    ومع الوقت صرت اطلع خير والحمد لله
    هذي سالفتي في بدايتي وابي احد يستفيد من اللي عاطلين الشباب
    وانا مازلت امارس هالشغله ومواصل ولله الحمد
    واقدر افتح اكثر من مشروعين بس المشكله عندي هي الادارة عندي فاشله وبنفس الوقت ناجحه اشوفها
    لاني متعود اني ادير اي شغله اشتغلها أنا بنفسي
    فالحين من الشباب اللي يشوف نفسه عاطل وما يقدر يسوي شي ومايقدر يتوظف
    أبي بس معه سيارة ويكون موقعه الرياض - أو الشرقية والشرقية كل خميس وجمعه انا فيها أجي حد عنده واعطيه تفاصيلي كامله
    وانا برسله لشركات ومصانع يسوق على المنتج اللي عندي
    وبعطيه النسبه ان شاء الله اللي بينبسط فيها وشوي شوي حد ما يكون نفسه ويروح يشتغل لنفسه الله يوفقه
    بس مواصفات في الشخص اللي يبي يشتغل ماحب تكون فيه
    بعض الاقاويل يذكرها العماله في السعوديه
    ان السعوديين ماهم حقين شغل فياريت ثبت لهم إننا اللي حقين شغل وهم حقين النوم
    مثل راعي الغنم اللي عندي الحمد لله يقوم الساعه سبعه يشوفني من سته ونص او قبلها وانا انتظره
    وانا عارف ان شبابنا كلهم فيهم خير وبركه وفيهم طاقه اقوى من النووي
    بس الواحد يشد حيله ويفكر وزي ماقلت ابي شباب صادق في التعامل ويبشر بالخير بعد توفيق وارادة ربنا سبحانه
    ملاحظه
    ردي لاحد يعتبره انه مجرد كلام او فضفضه زي ما يقولون بالعكس ذكرتها بس على شان الشباب يعرفون ان هذي تجربة مريت فيها
    فأنا مابيكم ياشباب تمرون فيه وبعد سنتين ولا اربع الواحد يحصل خير وبعدها يتحسف والله العظيم على كل سنه فاتته في زمن البطاله
    واللي حاب يتصل فيني يشوف وش عندي انا مستعد
    يطلب رقم جوالي برساله خاصه واعطيه ونتفق على المكان ويكون واثق اهم شي نفسه ومظبط اموره وقبلها متوكل على الله
    واخيرا ً
    أنا جدا ً اسف لو خرجت عن صلب الموضوع وإني اطلت بكلامي
    أخوكم مقحص

  10. #10
    عضو جديد
    تاريخ التسجيل
    21.01.2011
    المشاركات
    7
    معدل تقييم المستوى
    0
    اقتباس المشاركة الأصلية كتبت بواسطة مقحص مشاهدة المشاركة
    بسم الله الرحمن الرحيم

    أنا جدا ً اسف لو خرجت عن صلب الموضوع وإني اطلت بكلامي
    أخوكم مقحص
    لا ياخوي ماقصرت انت زدت الموضوع واتمنى تفتح موضوع تشرح فية عن طريقة مساعدت اخوانك القريبين من الرياض او ساكن فيها ليبدا مشاورة

    فائدة الموضوع يكون مفصل لاي عضو

    وانا اشهد ماقصرت وانك بطل ورجال من صلب رجال انا اريد الموضوع هذا يشاهدة الجميع ويتكلم

    ورايح انزل موضوع كبير جدا وسوف يسعد الكثير وهوا خاص وحصري بمنتدانا لكن بعد اسبوع من الان او اقل

  11. #11
    من كبار الكتاب الصورة الرمزية مقحص
    تاريخ التسجيل
    11.11.2010
    الدولة
    الرياض
    المشاركات
    3,012
    معدل تقييم المستوى
    13
    لا ياخوي ماقصرت انت زدت الموضوع واتمنى تفتح موضوع تشرح فية عن طريقة مساعدت اخوانك القريبين من الرياض او ساكن فيها ليبدا مشاورة

    فائدة الموضوع يكون مفصل لاي عضو
    خلهم يطلعون الحين وربنا يسهلها وبيبشرون بالخير ان شاء الله

  12. #12
    كاتب مبدع
    تاريخ التسجيل
    26.04.2010
    المشاركات
    1,263
    معدل تقييم المستوى
    12
    المشكله ماهي بالشغل البلد ولله الحمد مليان فرص بس تبي الانسان الجاد العملي والله مايستصغر الشغله لان كل شغله قد ماتعطيها تعطيك

    وماعندنا مشكله بدعم الشباب من خلال مايسوقونه ولكن للاسف بعضهم اقول ((بعضهم )) مايعطي الشغله اهميه لانه يعتقد ان الشغله ماتجيب همها مع العلم ان لكل شغله اسرارها ومتى ماعرفنا هالاسرار اصبحت سهله وتدر ارباح عاليه باقل جهد فكل من سار على الدرب وصل

    الهمه ياشباب لاتخلون الاخرين يقولون عنا اننا شعب اتكالي وغير منضبط وكسول فكل شئ في بدايته صعب والله يوفق الجميع لما يحبه ويرضاه

  13. #13
    عضو جديد
    تاريخ التسجيل
    21.01.2011
    المشاركات
    7
    معدل تقييم المستوى
    0
    اقتباس المشاركة الأصلية كتبت بواسطة هويريني مشاهدة المشاركة
    المشكله ماهي بالشغل البلد ولله الحمد مليان فرص بس تبي الانسان الجاد العملي والله مايستصغر الشغله لان كل شغله قد ماتعطيها تعطيك

    وماعندنا مشكله بدعم الشباب من خلال مايسوقونه ولكن للاسف بعضهم اقول ((بعضهم )) مايعطي الشغله اهميه لانه يعتقد ان الشغله ماتجيب همها مع العلم ان لكل شغله اسرارها ومتى ماعرفنا هالاسرار اصبحت سهله وتدر ارباح عاليه باقل جهد فكل من سار على الدرب وصل

    الهمه ياشباب لاتخلون الاخرين يقولون عنا اننا شعب اتكالي وغير منضبط وكسول فكل شئ في بدايته صعب والله يوفق الجميع لما يحبه ويرضاه
    اشكرك ياخوي ماقصرت وان شاء الله سوف تتغير هذة الصفة عن كل سعودي

  14. #14
    كاتب فعال
    تاريخ التسجيل
    08.10.2010
    الدولة
    عالي نجد
    المشاركات
    204
    معدل تقييم المستوى
    10
    اقتباس المشاركة الأصلية كتبت بواسطة @ابوياسر @ مشاهدة المشاركة
    عدنا لكسر المجاديف .!

    يااخي ا وين انت عايش لاتزعل مني بهذة الكلمة وهل رئيت الاجنبي ترك لسعودي شئ .! وهل تعتقد انة يحبة .! وهل تعتقد ان مصروفنا مثل مصروفهم .!

    انا شاهدت الاجانب متحدين مع بعض صحيح يشغلك معة مؤقت ولكن مثل الفحل المستعار لاغير لايعلمك شئ ويعقدك لما كنت ادرس بالجامعة كنت اعمل بشركة تخيل اني ع البوابة حارس ليلي والمصري ع مكتب .!

    الان همنا انك تشوف اي سعودي يشتغل يبيع ويشري تعامل معة لاغير وشد من ازرة فهوا نعم الرجل واللي مااشتغل ولايريد يشتغل بكيفة هوا الخسران
    الله يبارك بعمرك وكلامك من حس وطني وكلامنا من حس وطني
    وانت بموضعك هذا تطلب الدعم والتشجيع للشباب السعودي والمفروض نوقف معاك ونتفق على هالنقطة الي هي دعم شبابنا العاطلين
    فا سجل دعم مني لكل شاب سعودي على طول الطريق باذن الله وربي يوفقهم وهذولا شبابنا لازم نستحملهم ونشد من ازرهم ومالنا الا هم ولا لهم الا حنا
    ياريت يالغلا تشوف الشباب الي راغبين بالعمل او خدمات التسويق او النقل او ما يبرعون فيه مع ذكر مناطقهم وارقام هواتفهم لسهولة الاتصال والتعامل معهم
    بالله التوفيق ومن ثم بجهود المثابرين
    تحياتي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. █ ● █ ● █ وادي الصفـــــــــراء █ ● █ ● █
    بواسطة عبدالغني المحمادي في المنتدى الــمــنــتـــــدى الـــعـــــــــــام
    مشاركات: 47
    آخر مشاركة: 29.01.2013, 01:11 PM
  2. مناظر من وادي الحفياء وبعض مناطق الجنوب
    بواسطة راعي الإبل في المنتدى الــمــنــتـــــدى الـــعـــــــــــام
    مشاركات: 17
    آخر مشاركة: 24.01.2013, 07:44 PM
  3. السعوديه تدعم بالمال والرجال من القدم
    بواسطة راعي الحلال في المنتدى الــمــنــتـــــدى الـــعـــــــــــام
    مشاركات: 7
    آخر مشاركة: 27.09.2011, 10:43 PM
  4. خبير سعودي زراعي يحذر أصحاب المواشي من أعلاف وادي الدواسر
    بواسطة نياف في المنتدى الــمــنــتـــــدى الـــعـــــــــــام
    مشاركات: 11
    آخر مشاركة: 29.07.2008, 01:04 AM
  5. انت سعودي
    بواسطة الشاهد في المنتدى الــمــنــتـــــدى الـــعـــــــــــام
    مشاركات: 7
    آخر مشاركة: 07.01.2008, 02:22 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •