نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا


[  ] [ عدد مرات العرض 320516664 ] [ عدد النقرات 63517 ]

صفحة 1 من 2 12 الأخيرةالأخيرة
النتائج 1 إلى 15 من 20

الموضوع: عندي جدري بالمعزا وعندي لقاح اطعم السليم ولا لا ؟؟ ارجو الافاده قبل فوت الاوان

سلالام عليكم .. ياهل الخير والخبره ابي رايكم بكل صدق وامانه ومن واقع الثقه والتجربه عندي عنز مصابه بالجدري وتم عزلها وانا شاريها لي تقريبا اسبوع من مراح

  1. #1
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0

    عندي جدري بالمعزا وعندي لقاح اطعم السليم ولا لا ؟؟ ارجو الافاده قبل فوت الاوان

    سلالام عليكم .. ياهل الخير والخبره ابي رايكم بكل صدق وامانه ومن واقع الثقه والتجربه

    عندي عنز مصابه بالجدري وتم عزلها وانا شاريها لي تقريبا اسبوع من مراح في اصابه ولكن لم اكن اعلم ولا راعيها يعلم بالمرض ومعها اربع خواتها بعد وضميتهم معا حلالي

    الان بعد فحص الدكتور لهم كلهم حصلنا وحده فقط مصابه وتم عزلها واعطاها بنلسين مرتين باليوم على فترتين 5 سم

    السؤال هل ممكن ان تظهر اصابه لباقي الحلال في الايام القادمه وماهي اول علامات الاصابه ؟؟ او بمعنى اصح هل ممكن انهم مصابات كل الي بالمراح لكن ما يبين حاليا الا بعد كم يووم ؟

    ولله الحمد وفقت باخذ لقاح من الزراعه ولا تسالون كيف وانتم ادري بها الشي

    الان هل يجب وضروري او يفضل تطعيم باقي المعزا ؟؟ هل يجب تعيم صغار المعز ا والمشكله المعزوله معها ولدها وتم عزل ولدها عنها وهل ممكن اصابته عن طريق الحليب .. لانه تم فحص صغارها وهي سليمه ولله الحمد ؟

    قريت الكثير ناس تقول اعزل وعالج بنسلين وخافض حراره ولا تتطعم الباقي السليم

    وناس تقول طعم واعزل ولا بد تطعم

    وناس تقول المعزا لتطعم لانه اصلا للغنم

    واحترت يا اخون ابي المفيد والصحيح وجزاكم الله خير


    uk]d []vd fhglu.h ,uk]d grhp h'ul hgsgdl ,gh gh ?? hv[, hghth]i rfg t,j hgh,hk hgsgdg dov[ tkj


  2. #2
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0
    معقووله يا شباب ما احد يقدر يفيدنا ..؟؟ ولا حتى الدكتور بخيت ... او الاخ جامع الاخبار تكفون يا شباب نبي الحل ؟؟ وفيه شي مهم نسيته المضاريع نطعمها ضد الجدري ولا لا سمعت انها تصعد ويموت جنينها اذا طعمت ضد الجدري هل هذا صحيح ؟؟

    وينك يا جامع الاخبار الفزعه يالطيب بالحل والاجراء المفيد ؟؟

  3. #3
    من كبار الكتاب
    تاريخ التسجيل
    24.09.2007
    الدولة
    الأحساء/الهفوف
    المشاركات
    6,425
    معدل تقييم المستوى
    20
    اخوي خاااد..
    المعذرة على التاخير ،
    اذا مرت 10 ايام ولم تظهر عندك اي اصابات فتوكل على الله وقم بالتحصين للسليم ومن عمر 3 شهور فما فوق .
    المضاريع لا تحصن ..
    في هذه الفترة استخدم المضاد الحيوي اما حقنا او تضع لهم في الماء ويشرب منه الجميع ..
    ايضا قبل التحصين بمدة 3 ايام ضع لهم الفيتامينات في ماء الشرب لرفع المناعة عندهم..
    التحصين اللي في الزراعة ينفع للغنم والضان..
    دائما اكشف في المناطق الخالية من الشعر وحول الضرع ، والوجه فهي تظهر اول علامات المرض مع الخمول وقلة الاكل والابتعاد عن القطيع ..

  4. #4
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0
    يعطيك العافيه اخوووي دكتور بخيت .. الي فهمته من كلامك انا ما اطعم حاليا الا بعد مرور عشر ايام اذا يصاب شي جديد ؟؟ طيب لو كان فيه اصابه جديده كيف يكون الوضع ؟؟

    وليش ما نطعم الا بعد عشره ايام مثل ما تفضلت بالذكر اعلاه ؟؟ وايش افضل مضاد حيوي وافضل مجوعت فيتامينات ؟؟

    شاكرا لك اهتمامك و جزاك الله خير

  5. #5
    كاتب نشيط
    تاريخ التسجيل
    05.09.2010
    المشاركات
    85
    معدل تقييم المستوى
    11
    اخوي خاااد انا طلع عندي وصار مثلك شريت عنز من برى وانتشر عندي بالباقي ورحت للبيطري وقال عطها بنسلين هو احس شي وعطاني معها علاج والله مدري ايش هو بس يقول البنسلين هو افضل شي
    مع ان الحلال عندي كله مضاريع ولا ودي اعطيها شي بس افضل شي عطى الحلال كله بنسلين لانه اذا ما نفعها ما ضرها وابشرك طلع منها الحين اخوي والله يبارك لك في حلالك

  6. #6
    من كبار الكتاب
    تاريخ التسجيل
    28.04.2009
    المشاركات
    1,877
    معدل تقييم المستوى
    14
    اخوي اول شي اعزل المريضه بعيد عن الحلال وتكون في اتجاه عكس الهواء الأتجاه الشرقي جنوبي

    انا مع الدكتور بخيت لا تطعم اذا المريضه وحده فقط

    المريضه عطها 4سم بنسلين طويل المفعول ركز على طويل المفعول يعني يكون مكتوب على القاروره la مره واحده في اليوم
    وعطها 4سم خافظ حراره مره وحده في اليوم
    وهذه الوصفه لمدة خمسة ايام وخلها بعيده عن الحلال لا يقل عن عشرين يوم واكرمها في العلف


    الحلال الباقي اكرمه في البرسيم
    وحطله ( ملتي فتامين ) فنجال شاهي في كفر الماء ولا تزود الماء على قد الحلال الأيام هذي شتاء والحلال ما يشرب كثير
    كل يوم تحطله لمدة سبعة ايام

    واذا تبي تكون في الأمان اذا كان الحلال قليل
    تعطي الحلال كله جرعه واحده من البنسلين طويل المفعول كبيره صغيره دافع مضرع اوغيره ما يضر ابدا

    الكبير 4سم
    وسط 6شهو 3سم
    صغير4 شهور2سم
    صغير 2شهور 1سم

    وابلغنا بالتطورات اول بأول والله يرفع الضرر عن حلالك

  7. #7
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0
    جزاك الله خير اخووي جامع الاخبار ونفعك بك اخواني المسلمين اجمعين ... وتوكلنا على الله قبل كل شي وسوف اعمل على توجيهاتكم انت ودكتور بخيت والاعضاء

    ولكن استفسار بسيط واعذروني على الاطاله عندي بهم عمر اسبوع من ظمنهم عيال المصابه .. هذووول الصغار كم الكميه المناسبه لهم من البنسلين ؟؟ وكم يوم يعطي البنسلين لباقي الحلال؟؟

    وهل ازيد مع الفيتامينات سلفا ثلاثي 100 ولا ما يحتاج مابي ابخل على حلالي بشي اقدر اسوويه ؟؟ ويعطيكم العافيه جميعا

  8. #8
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0
    اقتباس المشاركة الأصلية كتبت بواسطة نادر نادر مشاهدة المشاركة
    اخوي خاااد انا طلع عندي وصار مثلك شريت عنز من برى وانتشر عندي بالباقي ورحت للبيطري وقال عطها بنسلين هو احس شي وعطاني معها علاج والله مدري ايش هو بس يقول البنسلين هو افضل شي
    مع ان الحلال عندي كله مضاريع ولا ودي اعطيها شي بس افضل شي عطى الحلال كله بنسلين لانه اذا ما نفعها ما ضرها وابشرك طلع منها الحين اخوي والله يبارك لك في حلالك

    الحمد الله على كل حال وعسى الله يبارك لك بحلالك ان شالله وجزاك الله خير اخوووي نادر وسوف اعمل بنصيحتك ان شالله

  9. #9
    من كبار الكتاب
    تاريخ التسجيل
    28.04.2009
    المشاركات
    1,877
    معدل تقييم المستوى
    14
    اخوي ما فيه مشكله الصغار من عم شهرين الى عمر يوم واحد 1سم

    اما السلفا اذا خلصت من الفتامين حطها 3او4 ايام

  10. #10
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0
    تم عزل المريض بعكس اتجاه الهواء .. وتم اعطاء بنسلين طويل المفعول حسب توجيهاتك اخووي جامع لجميع الحلال 4 سم للكبير و1 سم للصغير واعطاء جميع الحلال ملتي فيتامين 4 سم للكبير و1 سم للصغير زايد اعطاء فيتامين سي وخافض حراره في الماء

    هل ما سبق ما ذكرته لك اخووي جامع صحيح ومفيد

    وكم استمر على هذا الاجراء من يوم ؟؟

  11. #11
    من كبار الكتاب
    تاريخ التسجيل
    28.04.2009
    المشاركات
    1,877
    معدل تقييم المستوى
    14
    بالنسبه للمريض خمسة ايام متتاليه

    اما باقي الحلال خلاص لا تعطيه بنسلين جرعه وحده تكفي

    الفتامين والخافظ من 4 الى 5 ايام
    وبعدها وقف واستخدم السلفا الي عندك

    وما قمت به صحيح وبأذن المولى ماتشوف الا كل خير
    واي حاله او عارض لا سمح الله عندك خبرنا على طول

  12. #12
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0
    يعطيك العافيه اخووي جامع وسووف اوافيكم ان شالله بالاخبار الطيبه والمفيده ان شالله

  13. #13
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0
    اخواني اعضاء المنتدى واخووي جامع الاخبار ودكتور بخيت ...

    الموضوع تطور شووي فيه اصابه جديده لعنز ثانيه اصبح عدد المصابات 2 مصابات بالجدري
    ولحد الان التطعيم موجود عندي ما استخدمته ..على حسب احد المجربين والدكتور بخيت انه الافضل عدم التطعيم الا بعد عشرت ايام في حاله عدم اصابه جديده

    والان اصابه جديده... والمصابات كلهن معهن عيالهن يرضعون منها وعزلتهم عن امهاتهم

    السؤال هل اطعم الحلال كله كبير وصغير ومضرع وحيل ؟؟ بعد زيادت عدد المصابات لانهم كلهم كانو سوا بمراح واحد والبهم معهم؟؟

    والان بلشت بحليب البهم وامهاتهم مصابات .. هل اطعم عيالهن واحطهم معا امهاتهم؟؟ .. هل احلب منهم حليب وارضعهم من الرضاعه ؟؟

    والمشكله ان البهم مختلط معا بهم ثاني وفيه مضاريع ومعاد ادري شسوي خايف على البهم والمضاريع وبلشت بالحليب والامهات مصابات

    شرايكم ياخوان افيدوني وشورو علي بالاجراء الصحيح ولا تبخل علينا اخووي جامع ودكتور بخيت بالراي بها الوقت .. وجزاكم الله خير

  14. #14
    كاتب متألق الصورة الرمزية abujood
    تاريخ التسجيل
    28.12.2006
    المشاركات
    764
    معدل تقييم المستوى
    14
    أخوي جامع الأخبار أسمحلي أسميك جامع التجارب محب الخير الله لايحرمك الأجر

  15. #15
    عضو جديد
    تاريخ التسجيل
    26.11.2010
    المشاركات
    44
    معدل تقييم المستوى
    0
    للتحديث وانتظار مشورت الدكتور بخيت وجامع الاخبار وكل من لديه الخبره

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •