البهيمة تون بصوت مسموع

[ولد سهيل]

البهيمة تون بصوت مسموع

السلام عليكم يا اخوان توني رميت وحدة من الغنم دفيع وشكلة واحد من البهم بيلحقها الحالة بدة من 3 او 4 ايام لاحظة ونين او زحار مدري شلون لكن في صوت يطلعة كنه متألم النعجة اللي ماتت وديتها للبيطري قالي اسهال واعطاها مغذي وملتي فيتمين واليوم الثاني ماتت مع اني مو متأكد انها فعلا مااتت من الأسهال عشان هي كانت تمااااام بس خلال يومين بان عليها التعب الى درجة طاحت بالأرض اما الونيين كان زي ماذكرت من قبل 3 او 4 ايام
يا اخوان وحدة من البهم عادها من الصنف بس اشوفها بعد تون اذا حد عنه حل يفيدنا او مرة علية الحالة

المصدر: منـتـديات أغـــنـام

---

hgfidlm j,k fw,j lsl,u ek,

[ابو ربى]

المولتي فيتامين يضر للمسهل ياخوي وارجو وصف الحالة بدقة اكثر من ناحية عرج او سخونة او غيره

[ابو زيـد]

الونين من اعراض ابو رمح

لكن نبي وصف اكثر للحاله عشان نقدر نحكم

[لحظه لو سمحت]

هــذي أعراض ابو رمح الله يبعده عنك أمكن حلالك بعزل المصاب وعالجها وعط الي ماهو مصاب سلفاثلاثيه

تراه خبيث يقضي على الحلال خلال 48ساعه

[وليد خالد]

تسمم معوى

اسهال

انين من الام البطن

تحصين انتروكسيميا ( معوى ) باسرع وقت

[خالد المحيوري]

أبو رمح أعراضه :
ارتفاع بالحرارة.
حشرجة بالصدر وكحة (تحس فيها بلغم)
خروج مخاط من الأنف.
النفوق عادة يكون للصغار دون الكبار ..
لكن هذه الأعراض أظنها أعراض تسمم معوي مثل ما قال الأستاذ وليد
أعتقد الأفضل الذهاب إلى بيطري جيد .. لأني وجدت معظم البيطريين اللي عندنا عملهم بالظنون وليس على أساس علمي وفحص طبي ..
مجرد هقاوي ..
الله يكون بالعون ..

[د.بخيت]

اخوي ولد سهيل
اضافة الى كلام الاخوان احتمال يكون معها تسمم حمل خصوصا اذا كانت في الشهر الرابع او الخامس من الحمل ..
ونبي نعرف نوعية العلف ..

علاج سريع :
محلول كالسيوم جلوكونيت تحت الجلد والافضل ان يتم اعطاءها في الوريد عند البيطري
ميثايونين لحماية الكبد من التلف
كيتوسايد محلول احمر في الفم تجريع مقدار 60 مل

[اابومشعل]

والله انا حصلت عندي نفس الحاله
بس من غير اسهال عزكم الله عندي
عنز دافع وكانت تون وباخر يوم صارت
تتنفس مع فمها وتلهث ماطول الموضوع
ساعات وماتت

[ولد سهيل]

بالضبط يابو مشعل جبتها نفس الوضع عشان كذا تحيرت يوم شفت الحال نفسة عند البهم

اشكر ردودكم يا اخوان ماقصرتو بس ابي اعرف انتو كيف تعاملتم مع المرض
دكتور بخيت بالنسبة للعلف صراحة الأسبوع اللي فات مادري كيف تهورت واشتريت 100 حبة برسيم رطب غير جاف اخضر قلت يقلل من استهلاك الجاف وارخص فصرت احط الصبح من الرطب والمسا من اليابس مع الشعير والذرة املجروشة والوافي
لكن انتبهت تغير او تعفن للعلف الرطب وتفاديت الموضوع تخلصت منه مادري هو اللي عدم الغنم والله يوم الجمعه اللي فات خذيت 6 من الغنم للبيطري واحد يبول دم والثاني فية بو هجير يمشي ويضلع وحالته ضعيفة توه ميت اليوم والثالث مكسورة قرونة والرابع عمي الا شي بسيط وهي الدفيع بعد تون اللي ماتت والفحل يتنفس بقوة ويالله يقوم وكلهم كوم والفحل كوم خلوها مع الله تعبت كثير ولا يوم جيت امشي من البيطري تعطلت السيارة تبهدلت
ادعولي ياشباب

العلاجات اللي احين استخدمتها السلفا بالموية
واعطيتهم كلهم مضاد التالوزين
المكسور قرونة بودرةمع ابرة مضاد الألتهابات مع بودرة
الفحل ملتي فيتمين مع تترماسين
البهم اللي بول دم شيكت على دبرة ولا فية دود وتركتة

شكلي بغير موضوعي الى قاموس امراض الغنم

[خالد المحيوري]

الله يكون في العون ..
العلف الرطب عادة يكون مرتعاً للمايكروبات والفيروسات والديدان، إضافة إلى خاصية التعفن التي تجعله ضاراً ويسبب الأمراض ويقلل من كفاءة الجهاز المناعي لخلوه من كثير من الفوائد .. وأعتقد أن له علاقة فيما أصاب حلالك ..
نسأل الله أن يعوضك خيراً .. وتدارك الوضع .. خسارة البرسيم ولاخسارة الحلال .. ونصيحة لوجه الله .. لي ولك ولكل صاحب حلال :
لا تراخصون العلف .. ترى اللي نوفره من حق العلف نصرف مقابله خسارة بعلاجات وتعب وخسارة أكبر بالحلال نفسه ..
هذا أمانة بأعناقنا .. إن أكرمناه أكرمنا الكريم سبحانه وبارك لنا فيه ..

خالص التقدير ،،

[ولد سهيل]

جزاك الله خير

[د.بخيت]

اخوي ولد سهيل
بالاضافة الى تعفن البرسيم اشوف ان كمية الحبوب كثيرة ( شعير وذرة مجروشة مع وافي ) هذا يعمل على زيادة نسبة البروتين في الجسم وهذا له مردود سيئ على الصحة العامة .. استخدم واحد منهم مع البرسيم اما شعير او ذرة او وافي وتكون الكمية للراس ما تتعدى النص كيلو في حالات الحمل اما الحالات الطبيعية فتكون من 250 جرام الى 400 جرام بالكثير..