نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا


[  ] [ عدد مرات العرض 283282163 ] [ عدد النقرات 47292 ]
[  ] [ عدد مرات العرض 269701161 ] [ عدد النقرات 0 ]
[  ] [ عدد مرات العرض 54302445 ] [ عدد النقرات 0 ]

النتائج 1 إلى 13 من 13

الموضوع: تكفووووووووووووون يا اهل الحلال افيدوونا

السلام عليكم تكفوووووون افيديوني انا قليل خبرة في الحلال شريت ضان عدد 62 راس الله يبارك فيها يااااااااااارب 40 منها قريب ولااادة وعشرين رخال عمر عشر شهوووووور

  1. #1
    كاتب نشيط
    تاريخ التسجيل
    21.12.2010
    المشاركات
    93
    معدل تقييم المستوى
    9

    تكفووووووووووووون يا اهل الحلال افيدوونا

    السلام عليكم

    تكفوووووون افيديوني انا قليل خبرة في الحلال

    شريت ضان عدد 62 راس الله يبارك فيها يااااااااااارب

    40 منها قريب ولااادة وعشرين رخال عمر عشر شهوووووور

    ابعرف بس كيف اعلفها وش اعلفها صبح ووظهر ومساء وكم الكمية

    المنااااسبة بالتفصيل

    وايضا الادوية ومتى اعطيها الدووواء وكل شي يفيد


    ارجوو من اهل الخبرة الرد وعدم التجاهل واسال الله ان يبارك لكم حلاااااااااااااااااااالكم


    j;t,,,,,,,,,,,,,k dh hig hgpghg htd],,kh htd],kkh


  2. #2
    كاتب نشيط الصورة الرمزية راعي لوله
    تاريخ التسجيل
    09.01.2011
    المشاركات
    103
    معدل تقييم المستوى
    9
    الله يباركلك فيها

    كلنا في الهوا سوا

    ونترقب اهل الخبره

  3. #3
    كاتب مبدع
    تاريخ التسجيل
    15.01.2009
    المشاركات
    886
    معدل تقييم المستوى
    11
    وعليكم السلام ورحمة الله
    62 وقريبا بتكون خلفات
    قل
    كيس شعير +ربطتين برسيم
    البرسيم وجبتين الصباح بدري والعصر كعشا لها
    والشعير خله على الساعة 11

    وفقك الله وبارك لنا ولك

  4. #4
    كاتب نشيط
    تاريخ التسجيل
    27.04.2010
    المشاركات
    114
    معدل تقييم المستوى
    10
    الله يبارك لكم
    انا اشوف تعطيها حبتين برسيم الصبح والظهر نص كيس شعير ومساء حبتين برسيم وعطها فيتامينات في الماء مثل ملتي فيتامين وهاسيليوم علق لها الاملاح البلك
    واذا ولدت عطها خمسه سانتي بنسلين في العضل لمدة يومين ولا ثلاثه والطفل عطه واحد سانتي بنسلين في الفم مرة وحده واللي تمرض ودها للبيطري واعزلها لاتعدي باقي الغنم
    والله اعلم

  5. #5
    كاتب مميز
    تاريخ التسجيل
    16.11.2008
    المشاركات
    467
    معدل تقييم المستوى
    12
    اعطها الشعير تدريجيا لان الاكثار منه يمكن يسبب لها اسهال
    وممكن يسبب لها انتفاخات ممكن تؤدي الى الوفاة لاقدر الله
    بالنسبة للبرسيم اعطها بقدر ما تبغى لان ما له تاثير تقريبا

  6. #6
    كاتب مبدع الصورة الرمزية اابومشعل
    تاريخ التسجيل
    13.10.2010
    المشاركات
    1,073
    معدل تقييم المستوى
    11
    الله يبارك لك فيها

  7. #7
    كاتب مميز
    تاريخ التسجيل
    03.06.2008
    المشاركات
    468
    معدل تقييم المستوى
    12
    اذا تبغا القدر بدون زياده ربطتين تبن مع كيس شعيراووافي الصباح بدري

    ااخر النهار ربطتين برسيم

    ملاحضه اذا الغنم اكلت الشعير الصبح تجرر عليه لأخر النهار ومايطلع مع دمنها اعزكم الله

  8. #8
    كاتب نشيط
    تاريخ التسجيل
    11.01.2010
    المشاركات
    61
    معدل تقييم المستوى
    10
    حسب طريقتي في اطعام حلالي واللي أفضلها

    عطها ثلاث وجبات في اليوم

    الوجبة الأولى في الصباح يعني على ستة ونصف ( كيس شعير كامل ) ولو إني اشوف انه واجد عليها
    لكن بامكانك تعطيها ثلثين الكيس وتشوف اذا ما أكفاها زدها بس لا تعطيها اكثر من كيس واحد

    الوجبة الثانية بلكتين برســيم على الساعة 11 الصبــاح

    الوجبة الثالثــة والأخيرة بلكتين برسيم على الساعة 3 او أربع العصر


    بالنسبة للمــــــاء( بما إنا فالبرد ) .. لا تعطيها ألا مرة واحد فقط في اليوم .. ويكون مع الوجبة الثانية او بعدها ما تفرق

    بالنسبة للخلفــات .. في الاسبوع الاول من ولادتها اعزلها لحالها وأكرمها .. واللي ديسها قاسي عطها 2 سم بنسلين والبهم اللي ضعيف عطه حق الرخاوه او بنسيلين
    وهــي على حسب الحــاله .. طبعا البهم يبقى مع امه لين يشيل عمره .. وعادة يبقى مع امه من اسبوع الى اسبوعين وبعدها يصير يرضع مرتين فقط مره الصباح ومره العصر
    واذا تم ثلاث شهور خلاص اعزله نهائي عن امه مع ملاحظة إن امه بعد ولادتها بعشر ايام الى اسبوعين تطلعها .. واذا وضعت يقرعها الفحــل

    اما عن الأدويــة فمثل ما قيل : الوقــاية خير من العـــلاج .. اهم شي وانا اخوك المراح .. اذا كان نظيف صدقني راح يكفيك بعون الله من الامراض
    وعندك أدوية للوقــاية لابد تكررها كل ثلاثة أشهر لكل الحـــلال وهو :
    1 . البـازول باكستاني "حق الديدان" جرعتين بين كل جرعة والأخرى عشرة أيام طبعا يوضع في المــاء
    بعــدها
    2 . سلفا الاردني مره واحدة يومياً لمدة ثلاثة أيام
    بعــدها
    3 . فيتامين (هـاء ) مرة واحدة يومياً لمدة ثلاثة أيام


    أتمنى ان اكون افدتك والله يبــارك لك في حــــــلالك

  9. #9
    كاتب مبدع
    تاريخ التسجيل
    18.12.2009
    المشاركات
    922
    معدل تقييم المستوى
    10
    حبيت ابارك لك

    الله يطر ح لك البركه

    والاخوان ماقصرو ماشاء الله

  10. #10
    كاتب فعال
    تاريخ التسجيل
    22.09.2010
    المشاركات
    234
    معدل تقييم المستوى
    10
    السلام عليكم
    مساك الله بالخير
    اولا على البركه والله يطرح لك البركه فيها
    خذ الطريقه هذي
    اذا كان حلالك في البر ويسرح الصبح فكه لا تعطيه شي خله يفلي في الرمث واذا رجع للمراح الساعه 11 حطله ربطتين برسيم
    وخله يسرح ثاني مره الساعه 1 الظهر واذا رجع للمراح قبل المغرب حطله ثلاث سطول بويه شعير يعني كيس الاربع
    واذا كان حلالك في حوش مايسرح عطه الصبح برسيم وبعد الظهر تبن وقبل المغرب شعير بنفس الكميه
    والدفيع اذا ولدت اعزلها هي وعيالها وركز العلف عليهن لان الرضاع يتعبهن عطهن الصبح برسيم وبعد الظهر برسيم والعصر اخلط لهن شعير مع مكعب
    وبالنسبه للتطعيمات قبل البرد عطهن معوي وبعدها بعشرين يوم جدري وبعدها بنفس المده الهويجر وبداية الصيف عطهن دموي
    وخل البنسلين عندك على طول اي وحده من الغنم تشوفها تعبانه عطها خمسه ملي لمده ثلاث ايام الى اربع ايام
    وخل عندك بعد خافض للحراره
    هذا اللي يحظرني الان والله يبارك لك في حلالك

  11. #11
    عضو جديد
    تاريخ التسجيل
    17.01.2011
    المشاركات
    2
    معدل تقييم المستوى
    0
    الله يبارك لك فيهم و يزى الله كل خير للأخوة على ردهم لك و تسلم

  12. #12
    كاتب نشيط
    تاريخ التسجيل
    21.12.2010
    المشاركات
    93
    معدل تقييم المستوى
    9
    ما يهاب . جارمن . مساري . خالد العقيل . ابو رياض . ابو راشد


    شكرا لكم من كل قلبي .. وبيض الله وجيهكم .. على ما تفضلتوا فيه ..

    بارك الله فيكم .. على مررررووووكم ودمتم لنا ..

    لكن بسال عن العلاجات الوقائية . وش هي ؟

    نسيت اشكر اختي المشرفة الي باركت والله يستر عليك يا خيتو ..

    ابووو فرووحه .. كان هنا

  13. #13
    كاتب فعال
    تاريخ التسجيل
    02.11.2009
    المشاركات
    269
    معدل تقييم المستوى
    11
    في شي اخر اضافة على ماضافة الشباب
    الماء ارفعه عنها هالوقت ولاتحطة الا بعد الساعة عشر
    اذا دفئ الجو
    الماء البارد في الصباح يمكن يصعد الحلال
    والف مبروك
    ابو محمد

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. (( وقـفـــات تربويـة مع أهـل الحـلال )) صـور ..
    بواسطة راعي حلال وقناصه في المنتدى الــمــنــتـــــدى الـــعـــــــــــام
    مشاركات: 52
    آخر مشاركة: 15.05.2012, 12:44 AM
  2. مركز توظيف غرفة الشرقية يعلن عن توفر عدد من الوظائف الشاغرة
    بواسطة بن ذيبان في المنتدى الــمــنــتـــــدى الـــعـــــــــــام
    مشاركات: 0
    آخر مشاركة: 20.12.2010, 08:41 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •