نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا



النتائج 1 إلى 10 من 10

الموضوع: الاخوان الخبراء في المواشي خاصة الاغنام ممكن مساعدتكم

اول شي السلام عليكم ورحمة الله وبركاته بصراحه يالغالين انا افكر اجيب لي كم راس واحاول اترزق الله فيهم وش تنصحوني فيه كبداية لواحد جديد على المشروع هذا

  1. #1
    عضو جديد
    تاريخ التسجيل
    26.12.2007
    المشاركات
    4
    معدل تقييم المستوى
    0

    الاخوان الخبراء في المواشي خاصة الاغنام ممكن مساعدتكم

    اول شي السلام عليكم ورحمة الله وبركاته

    بصراحه يالغالين انا افكر اجيب لي كم راس واحاول اترزق الله فيهم
    وش تنصحوني فيه كبداية لواحد جديد على المشروع هذا

    وصدقوني آرائكم بتكون مهمه لي جدا

    للمعلوميه انا مالقيت منتدى اكتبه فيه الا بالاستفسارات
    واذا احد الاخوان المراقبين له نظر بمكان الموضوع ماعندي اي مشكله
    ومشكورين مقدما


    hgho,hk hgofvhx td hgl,had ohwm hghykhl ll;k lshu]j;l


  2. #2

    تاريخ التسجيل
    20.01.2006
    الدولة
    القصيم - عنيزة
    المشاركات
    12,460
    معدل تقييم المستوى
    10

    وعليكم السلام ورحمة الله وبركاته
    حياك الله اخوي وشرفنا تواجدك
    تم نقل الموضوع للمنتدى العام عشان الاخوان يفيدونك

  3. #3
    من كبار الكتاب الصورة الرمزية سلطان الحربي
    تاريخ التسجيل
    14.07.2006
    المشاركات
    3,836
    معدل تقييم المستوى
    18
    حدد المنطقه كما تعلم لكل منطقه حلال يحبونه ويتوجد بكثره
    الهدف تجاري او ترويح عن النفس
    هل ربية اغنام قبل كذا اي هل عندك خبره

  4. #4
    عضو جديد
    تاريخ التسجيل
    26.12.2007
    المشاركات
    4
    معدل تقييم المستوى
    0
    الغالي تمام مشكور وماقصرت على نقل الموضوع للعام حتى يكون واضح للاخوان



    الغالي سلطان
    انا من الرياض ..ومن ناحية الخبرة ماعندي خبرة فيها
    ولي حوالي فترة اسال عنها وبالصدفه سويت بحث قوقل ولقيت موقعكم
    واستفدت بصراحه لمواضيع بعض الاخوان الموجودة
    لكن واحد جديد على المشروع هذا مثلي صعب ادخل بدون ما يكون لي خبرة سابقة
    او اكون احتكيت مع احد المربين

    ودخولي للمشروع هذا راح يكون تجاري باذن الله

    وان شاء الله انت والاخوان بالمنتدى ماتقصرون معي ومالكم الا الدعاء بظهر الغيب

  5. #5
    كاتب فعال الصورة الرمزية محب الحلال
    تاريخ التسجيل
    28.04.2007
    المشاركات
    241
    معدل تقييم المستوى
    15
    هلا بك ياخوي أنا من مرتادي حراج الرياض (سوق العزيزية) وإذا كنت ناوي تشتغل بيع وشراء تحتاج الأتي :
    1- حوش للغنم اللي بشتريهم ويكون مأمن من السرقات وعندك عامل في البدايه حاول تكون عند مجموعة أحواش وتشوفك عامل تعطيه في الشهر 200 ريال ويعلف في الصباح والمساء ويحط عينه على الحلال .
    2- تشتري لك سياره مش حالك تودي وتجيب للسوق بس وتشتري بها علف .

    3- هنا المرحله الحساسه شراء الغنم اول ما تنزل السوق لا تشتري من الدينات والسيارات في البرحه لأنهم شريطيه ورشايده بيغشونك أنتبه خلك مصحصح إذا نزلت السوق بعد الفجر تجد الحراج في الساحه في الجنوبيه من السوق والحلال في مرابط وتسمع الدلال وهو يحرج إذا أعجبك السعر زاود حتى ترى أنك ماتستطيع وقف لا تندفع بكلام الدلال مثال ( شوري عليك . لاتردك . الغنم سمان ... الخ من الكلام المعسول ) ركز على النعيم في البدايه ولا تشتري الحري ولا النجد حتى تعرف أمراضها واللتي من أهمها الخراج (الطالوع ) بعد الساعه السابعه تقريبا تجد الناس تجمعوا في الجهة الشماليه من السوق ويسمونه حراج المعزى لا كن أحياناً تجي في صيدات حلوه لا تشتري الا الحلال اللي في السياره وعليه محرج وشكل راعيه بدوي ولا جلاب ( يعني يجيب حلال من البر ويبيع ) لا تشتري المعزى أبدا ولا الشياه ولا الرخال ولا التيوس بس ركز على النعيم الخرفان حتى تحس أنك تمكنت من الشغله بعد كذا إذا أردت أن تستقدم عامل على كفالكتك وتوسع نشاطك شوي وتعرضه على مطاعم ومنادي .

    أخيراً ترى الشغله ماهي سهله ولا صعبه كل شي بالصبر والتوكل على الله يصير
    وسع صدرك لازم من الخوابير والموت والمرض في الحلال
    بالتوفيق وأعذرني على الإطاله ولاكن أش أسوي أحب الخير للناس الله يرزقني الإخلاص وعقبال ما أشوفك مدرج شركتك للإكتتاب لاكن هاه ترى لنا حصه في أسهم الشركة انا وباقي الأخوه

  6. #6
    عضو جديد
    تاريخ التسجيل
    26.12.2007
    المشاركات
    4
    معدل تقييم المستوى
    0
    محب الخير الكلام اللي قلته لاطولت فيه ولا غيره
    الا بالعكس كفّيت ووفيت ياغالي
    وصدقني كلامك راح آخذه على محمل الجد وراح اعمل في
    وانا طبعا سجلت معكم بالمنتدى وكتبت لانه ماخاب من استخار ولا ندم من استشار

    ورايتك بيضا يالغالي والله يكثر من امثالك
    ولا تنسى اذا دخلت انا هالمشروع كل ريال يدخل بجيبي او احد يستفيد منها لك اجرها

    ومالك مني الا الدعاء بظهر الغيب

    وانتظر ردودكم ومشورتكم ومانستغني عنك يا محب الحلال
    وانا ما اسميك محب الحلال وبس الا اسميك محب الخير بعد

  7. #7
    كاتب فعال
    تاريخ التسجيل
    29.12.2007
    المشاركات
    168
    معدل تقييم المستوى
    14
    السلام عليكم

    بصراحه اخوي الشاشه ماقصرت على طرح الموضوع لاني نفس حالتك


    واخوي محب ماقصر الله يطول بعمره وياليت الاعضاء مايقصرون

    وودي اسأل كذالك كذا سؤال

    كم تقترحون من راس كامبتدا ؟ وماالاقتراح هل هرافي ولا ماعز ؟


    كم تكلفه الراس الواحد للغذاء الشهري؟

    وافضل مكان اشتري منه ؟ سمعت بحفر الباطن والدوادمي هل صحيح هالكلام ؟

    وماهي الادويه الازم توفرها وكم تكلفتها ؟

    ولكم مني جزيل الشكر

    اخوكم الداعي لكم بظهر الغيب

    ابو ناصر

  8. #8
    من كبار الكتاب الصورة الرمزية سلطان الحربي
    تاريخ التسجيل
    14.07.2006
    المشاركات
    3,836
    معدل تقييم المستوى
    18
    محب الحلال ما قصر وهو من الرياض فاد كثير
    واذا تجاره خلك على الطليان والتيوس وبعدين ادخل في الاغنام من ماعز وضان لكن دور الولد اكثر شي .
    الكميه لا تزيد عن 30 راس في البدايه واذا بعت جيب غيرها اشتر جمل من المربط في وسط الشهر وبيع في اواخره
    انتبه للخراريج وللقمله في التيوس والطليان الخراريج وتغير الصوف والشعر لانه دلاله على المرض او التربيه الفاشله .
    الادويه دور دايم التي يكون فيها الحميه ما تتعده عشرة ايام للاحم عشان تبري ذمتك لان في ادويه خطيره اذا لم تنتهي المفعول الحماية . وهذا الذي صحبتك حاله لا سمح الله.
    الاباقيه لاهل الرياض يعرفون المناطق الطيبه للبيع وللشراء
    الله يوفقكم لما يحب ويرضاء

  9. #9
    كاتب فعال الصورة الرمزية محب الحلال
    تاريخ التسجيل
    28.04.2007
    المشاركات
    241
    معدل تقييم المستوى
    15
    اقتباس المشاركة الأصلية كتبت بواسطة الشاشة مشاهدة المشاركة
    محب الخير الكلام اللي قلته لاطولت فيه ولا غيره
    الا بالعكس كفّيت ووفيت ياغالي
    وصدقني كلامك راح آخذه على محمل الجد وراح اعمل في
    وانا طبعا سجلت معكم بالمنتدى وكتبت لانه ماخاب من استخار ولا ندم من استشار

    ورايتك بيضا يالغالي والله يكثر من امثالك
    ولا تنسى اذا دخلت انا هالمشروع كل ريال يدخل بجيبي او احد يستفيد منها لك اجرها

    ومالك مني الا الدعاء بظهر الغيب

    وانتظر ردودكم ومشورتكم ومانستغني عنك يا محب الحلال
    وانا ما اسميك محب الحلال وبس الا اسميك محب الخير بعد







    أنا ما سويت الا الواجب لو انا بمكانك وطلبتك نصيحه ما بتنصحني؟؟؟ أقل شي اقدمك لك وللاخوه بس الله الله في الدعاء

  10. #10
    عضو جديد
    تاريخ التسجيل
    26.12.2007
    المشاركات
    4
    معدل تقييم المستوى
    0
    اقتباس المشاركة الأصلية كتبت بواسطة ابو ناصر55 مشاهدة المشاركة
    السلام عليكم

    بصراحه اخوي الشاشه ماقصرت على طرح الموضوع لاني نفس حالتك


    واخوي محب ماقصر الله يطول بعمره وياليت الاعضاء مايقصرون

    وودي اسأل كذالك كذا سؤال

    كم تقترحون من راس كامبتدا ؟ وماالاقتراح هل هرافي ولا ماعز ؟


    كم تكلفه الراس الواحد للغذاء الشهري؟

    وافضل مكان اشتري منه ؟ سمعت بحفر الباطن والدوادمي هل صحيح هالكلام ؟

    وماهي الادويه الازم توفرها وكم تكلفتها ؟

    ولكم مني جزيل الشكر

    اخوكم الداعي لكم بظهر الغيب

    ابو ناصر
    هلا بالغالي ابو ناصر

    وانت ذكرت نقطه مهمه وهي الادويه اللي لازم تكون متوفره دائما وبرضو ازيد على كلامك وكلامك في متمه هل فيه لقاحات واجب توافرها بصفه مستمرة ؟

    وان شاء الله استفيد انا وانت وكل من يطّلع على الموضوع والاخوان ماقصروا بالردود والمشورة


    ________________________________
    ________________________________

    اقتباس المشاركة الأصلية كتبت بواسطة سلطان الحربي مشاهدة المشاركة
    محب الحلال ما قصر وهو من الرياض فاد كثير
    واذا تجاره خلك على الطليان والتيوس وبعدين ادخل في الاغنام من ماعز وضان لكن دور الولد اكثر شي .
    الكميه لا تزيد عن 30 راس في البدايه واذا بعت جيب غيرها اشتر جمل من المربط في وسط الشهر وبيع في اواخره
    انتبه للخراريج وللقمله في التيوس والطليان الخراريج وتغير الصوف والشعر لانه دلاله على المرض او التربيه الفاشله .
    الادويه دور دايم التي يكون فيها الحميه ما تتعده عشرة ايام للاحم عشان تبري ذمتك لان في ادويه خطيره اذا لم تنتهي المفعول الحماية . وهذا الذي صحبتك حاله لا سمح الله.
    الاباقيه لاهل الرياض يعرفون المناطق الطيبه للبيع وللشراء
    الله يوفقكم لما يحب ويرضاء
    وانت يالغالي سلطان ماقصرت بنفس الوقت واكرر كلامي انه شوركم ورأيكم مهم
    سواء لي بحكم اني جديد بالمشروع هذا ..او غيري لما يبحث عن موضوع ويحصل كل شي جاهز له

    والله يجزاك دنيا واخره ...وصدقني ما استغني عن مشورتك بأي وقت



    ________________________________
    ________________________________


    اقتباس المشاركة الأصلية كتبت بواسطة محب الحلال مشاهدة المشاركة
    أنا ما سويت الا الواجب لو انا بمكانك وطلبتك نصيحه ما بتنصحني؟؟؟ أقل شي اقدمك لك وللاخوه بس الله الله في الدعاء

    اكيد ابنصحك وانصح كل من يسالني عن موضوع انا لي خبرة فيه
    وانت ماقصرت يالغالي ...واعتبرني اخوك الصغير ما استغني عن رأيك بأي وقت

    ومن ناحية الدعاء هذا واجب علي اني ادعي لكل شخص يحاول بكل الطرق انه ينصحني
    وهذا اقل الواجب


    والف شكر لك وماقصرت

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الخصوبة والتناسل في الاغنام والماعز
    بواسطة بدوي اصيل في المنتدى >المنتـــدى الطــبي<
    مشاركات: 19
    آخر مشاركة: 14.01.2016, 06:26 AM
  2. ممكن دراسه جدوى بسيطه لتربيه الاغنام( 300 راس)
    بواسطة ROMINO في المنتدى الــمــنــتـــــدى الـــعـــــــــــام
    مشاركات: 20
    آخر مشاركة: 08.04.2010, 05:25 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •