محاورة بين الشاعرين الرائعين عبيدالله العرابي وعطاالله القارحي على الهواء مباشره في منتدى
شعراء الميدان .... اترككم معها ومع فارسيها القارحي والعرابي....

العرابي :




مرحبا ترحيبةٍ تمشي على نهج وعقيده
::::::::::::::::::::بالنيابه عن رياجيلٍ وفانا مـع وفاهـا
إتفقنا ما آفترقنا ثم جينا فى الوعيـده
::::::::::::::::::::والليال تدور والليله رفيـعٍ مستواهـا




القارحي :




البقا بالصاحب اللي يا عسى ربي يزيده
::::::::::::::::::::راعي الماقف له المقدار ما دور جزاها
سير البابور لين البحر يمرج في حديده
::::::::::::::::::::ما نبا كثر الثنا والمدح لين اتهل ماهـا




العرابي :




لاتعجّل لين مرسول العرب ياصل بريده
::::::::::::::::::::لك علومٍ طيّبه للحين تمشي في سراها
قابل أهل العيد يوم العيد بثيابٍ جديـده
::::::::::::::::::::ثم عايدها مثل غيرك ولاتبحث خفاهـا




القارحي:




يا جماعة خير صياد العرب ما احدن يصيده
::::::::::::::::::::لو تقولون العرابي باعاهـا و إلا شراهـا
الهذيلي ما رمى نفسه على قاطـع وريـده
::::::::::::::::::::ردها عن دربها و إلا ترى تغـدي وراهـا





العرابي





الهذيلي كـم يريـد ويفعـل الله مايريـده
::::::::::::::::::::والعرابي طول عمره يعرف البير وغطاهـا
آنت وش يفزعك من هالحين والرميه بعيده
::::::::::::::::::::ياعطاالله مايفك حروفها الا اللـي قراهـا




القارحي :




أنت رجالٍ مفيد وجبـت لـك جملـه مفيـده
::::::::::::::::::::أعرف أن اللي أبصر الجمره برجله ما وطاها
يا العرابي لو يطول الليل مـا فكيـت قيـده
::::::::::::::::::::البعير الحر لو يرمحـك مـا تلقـى دواهـا





العرابي




آنت رجالٍ تبى الرميه تجي ماهي سديده
::::::::::::::::::::ودك إن الناس تهرج من خلاها في خلاها
خلنا يالقارحي نقرب من بليـس ونكيـده
::::::::::::::::::::والروايه نعرف اللي جابها واللي رواهـا





القارحي :



رميتي يالحارثي راحت على الكبـد اللهيـده
::::::::::::::::::::خل هرج الناس هات اللي قفص صدرك حواها
يا بني الحارث غدى منكم حسب علمي فقيده
::::::::::::::::::::غاديـاً لـي ديـرةٍ ماكـل رجـالٍ غـداهـا





العرابي




لاتعرّيها وآنا مانـي مسرّيهـا وحيـده
::::::::::::::::::::جاب نص الكف ماله شف وأعطيته ملاها
لن بغيت الصدق لاتبدي بها مده زهيـده
::::::::::::::::::::يالهذيلي قبل أشوف جنوبها يلمع طلاهـا





القارحي :



راجع أول قافك انكان الشعر تملك رصيده
::::::::::::::::::::خذ نصيبك و أترك الباقي وعينك ما تراها
يا زمان الشوم ياكيف الأبو ينكر وليـده
::::::::::::::::::::جيت أناديها بأساميهـا ولقتنـي قفاهـا





العرابي




لاترشّد ياعطاالله غير بالناس الرشيـده
::::::::::::::::::::ماحكم دولة سبا رمح وشبا غير أومراها
الكلام اللي نسيته من كثر ما آنته تعيده
::::::::::::::::::::لو نقلّك حفّظه طاحت سنونك من جماها




القارحي :



يا عبيد الله ترى هارون رشده من " زبيده "
::::::::::::::::::::ما حكم دولة سبا " غير إمراه ما احدٍ عصاها
ذكّر الناسي لعـل الله يبـارك فـي قصيـده
::::::::::::::::::::و الذياب اللي تحد اسنونها تلقـى عشاهـا



lph,vi lk oghg hgkj ugn hgi,hx lfhavi pghg