سلام عليكم جميعا.........
ارجوا من الاخوه اللذين قاموا بعمل تلقيح بواسطه الاسفنجات وضع تجربتهم هنا لانه مضى الان على تاريخ موضوع الاسفنجات اكثر من 5 اشهر اوقريب منها........ لكي يتسنى لجميع رواد المنتدى الاستفاده منها وتجنب الجوانب السلبيه والعمل على تطويرها....؟؟؟؟
وانا انشاء الله سوف ادلي بدلوي......
اول تجربه لى كانت على 10 رؤؤس من الغنم الخلفات التى قد مضى على ولادها 6 اسابيع لانني حددت تاريخ الولاده وعندما بلغ الطفال 6 اسابيع قربت الاسفنجات......
وكما هو معلوم طريقه التلقيح وبعد ان تمت وطلقت الفحل......>>نسي شيء مهم<<
وبعد عنده ايام فكيت الغنم مع الجنبه الى وحده رديتها في الشبك مع خلفات ثانيه ابي اكرمها زود ابي اشوف كيف منتوج اللي مع الجنبه وللى الي مكرمها زود..........
وبنلنسبه للغنم اللي فكيتها مع الجنبه بعد ان تمت 4 اشهر رديتها في الشبك وبديت اكد عليها لانكم كما تعلمون ان تقريبا 70%ر من حجم الطفل يتكون اخر شهر..و30% في المئه يتكون في الاربعه شهور الاولى...
وهذا من واقع تجربه قبل فقد كنت ارد بعض الغنم اللي اعرف انها دفيع وكرمها ويجي ولدها جرم ومصطصح وتجي امه ريم ولاتنفر ابد وفيها حليب وحالها زين وممكن تاضع للفحل بسرعه بعد الولاده..
فكانت النتيجه ..
.....لم تبن الى الان وموعد النتجه انشاء الله في 20_12_2007 انشاء الله اخبركم بها لان هذا التاريخ تتم 5 اشهر..
ومن تقريبا الثلاثه اسابيع اللي مضت تستطيع تحدد اللي بين فيها دفيع من اللي حالت..
بس الكلام على المتاوم...وحجم الطفيل وصحته...
هذي التجربه الاولى...
والتجربه الثانيه ...حسبت ل 50 راس من الخلفات 6 اسابيع وعطيتها الاسفنجات بس استخدمت شيء جديد كنت ناسيه في التجربه الاولى الا وهو حزام الفحل......
عز الله انه مريح ومفيد وتعارف الشاه اللي قرعت من اللي ماقرعت..بواسطه البويه اللي يطبعها الفحل..
وفيه موضوع لاحد الاخوه عن الحزام وتراه مفيد جدا للي بيستخدم الاسفنجات ويبي يتاكد من دفع اغنمه........
انتم تعرفون ان اهم شيء ان الشاه اللي تبي تعطيها اسفنجه يجب ان لايكون فيها ضريع لانك عندما تعطيها الهرمون سوف تصعد...
وعلى شان كذا لازم تكون عازل الشياه عن الفحول.......
انا وضعت الفحل مع الخلفات بعد تلبيسه الحزام وكان يقرع في الغنم بدون اسفنجات..
قرع من الخمسين تقريبا 21 اما الباقي ماحصل نصيب...
ووفر عليه تكلفه 21 راس..
وقمت بوضع اسفنجات للعدد الباقي وفكيت فيها الفحل بحزامه وعرفت وش قرع ووش خلا...
والنتائج التجربه الثانيه في شهر ثلاثه انشاء الله......بعد البرد..
وتقبلوا تحياتي.......المصدر: منـتـديات أغـــنـام@qu j[vfj; uk hstk[hj hgjgrdp ikh@@
المفضلات