الى اهالي الحلال في المناطق الباردة

**الزرقي** · 26.11.2007, 01:10 AM

يوجد شراع قلع يباع بالمتر او تفصيل جاهز 10x1.5 يحد من شدة الرياح الباردة حيث ان اكثر مايؤثر في الحلال هي التيارات وليست البرودة حيث ان الحلال والكلام عن الضان يتحمل البرد ولا يتحمل لفحة التيارات يفضل وضع البهم والمعزة في حواجز خشبية مقفلة مع وجود تهوية بسيطة حيث ان صفايح الزنك تبرد بسرعة اكثر من الخشب مع التركيز على توثيق الناحية الشمالية من المراح حيث انها الرياح المهلكة . القلع متوفر بسعر 9 ريال للمتر في حراج الزل في الطائف ويرتفع السعر كلما زادت السماكة ولا علم لي عن توفرة في باقي المناطق( اتمنى تفاعل الجميع عن اماكن بيعه لتعم الفائدة ) مع تمنياتي بسلامة حلال جميع الاعضاء
اخوكم الزرقي
ملاحظة اغلب اهل الحلال القريبين من تهامة شدوا اليها بحث عن الدفا وليس المرعى اللهم اغثنا

المصدر: منـتـديات أغـــنـام

hgn hihgd hgpghg td hglkh'r hgfhv]m hgd

**تمام** · 26.11.2007, 07:06 AM

آمين

وايضاً وضع جريد النخل او البلاستيك مثل اللي للبيوت المحمية ينفع

جزاك الله خير

**راعي النقوة** · 26.11.2007, 07:34 AM

الله يجزاكم خير
الشمالية خطر على الحلال الله يرزقنا بالمطر

**الأفندي** · 26.11.2007, 10:07 AM

اللهم آمين

==========

جزاك الله خير

**ksa77** · 27.11.2007, 09:14 AM

في الرياض الشراع قماش 2*45=600ريال
المشمع 2*45= 130ريال

**أبو حــــاتـم** · 27.11.2007, 09:28 AM

المشاركة الأصلية كتبت بواسطة ksa77

في الرياض الشراع قماش 2*45=600ريال
المشمع 2*45= 130ريال

ويــــــــــــــن بوهـ ؟؟

s

**ksa77** · 27.11.2007, 03:22 PM

في الغرابي عند محلات الخيام
وتلقاه عند محل داخل السوق يبيع بالجمله نسيت اسمه ولاتشتري من المحلات القطاعي فهي اغلا
ويوجد من الاقمشه انواع حسب السماكه
انت توحي

**السنافي** · 27.11.2007, 04:23 PM

في جده تحصلونه في وسط البلد
في سوق البدو .. عند بياعين الخيام والاشرعه
علما ان اهل جده لايحتاجونه لان البرد خفيف

وأهل المناطق البارده
اللي داهمهم البرد ولا عندهم اشرعه يشدون ويجون بجنب جبل
أو ربوه عاليه يخلونها بينهم وبين الشماليه . لأن بردها شيني!

**سلطان الحربي** · 27.11.2007, 09:49 PM

يا اخوان فيه طريقه اقتصاديه
دورلك على فراش مرمي وحول ايام العيد تستقل الفرش
تبني منها اضلال ويمكنك تحطها ذراء من البرد وهي ببلاش
وعندكم المناطق الصناعية للنجاره تلاقون خشب رجيع يفيد كثير

**ابو سعود** · 27.11.2007, 11:25 PM

من ناحيتي انا من الرياض رحت للحراج وشريت لي رواق خيمة مستعمل طوله 21متر بــ 200 ريال
وحطيته للمواليد

**&& الفيصل &&** · 28.11.2007, 01:14 AM

المشاركة الأصلية كتبت بواسطة ksa77

في الغرابي عند محلات الخيام
وتلقاه عند محل داخل السوق يبيع بالجمله نسيت اسمه ولاتشتري من المحلات القطاعي فهي اغلا
ويوجد من الاقمشه انواع حسب السماكه
انت توحي

اتمنى تعطينا اسم المحل او رقم تلفونه في اسرع وقت ممكن

مشكور اخوي

**ksa77** · 28.11.2007, 08:54 AM

المشاركة الأصلية كتبت بواسطة && الفيصل &&

اتمنى تعطينا اسم المحل او رقم تلفونه في اسرع وقت ممكن

مشكور اخوي

اعتذر منك لاكن اذا جيت للغرابي بتحصله

**بدوي الجبل** · 28.11.2007, 08:10 PM

انا مع سلطان الحربي

موكيت مستعمل افضل من اي شئ

لكن انا بسأل الاخ الزرقي بحكم خبرته

وش رايك في موت الصخال (الجداء) الصغيرة الايام هذي

اعطيناها مضادات ولا نفع ودفيناها عن البرد ولا نفع

منعنا عنها الحليب واكتفينا برضعه وحدة فقط ولا نفع

وشششششششششششششششششش الحل

**ميسان** · 29.11.2007, 01:28 AM

الله يعطيك العافية يا الزرقي

لكن وش ( قلع ) هذي ؟!

وحراج الزل في الطايف وين ؟

لكن اللي في النسيم ؟!

والا اللي في شبرا ؟!

=========================

بالنسبة لموت الصغار على الواحد ان يجتهد والقدر مكتوب !

الله المستعان

**الزرقي** · 29.11.2007, 02:21 AM

اشكر كل من شارك ومر على الموضوع
اخي بدوي الجبل شكرا لثقتك فيني وعن موت الاطفال قبل كل شئ هي ارزاق ثاني شئ هل هو من اول يوم من الولادة ولا بعد كم يوم وكم نسبة الوفيات من المواليد العامة هل تعدت اربعة من اصل عشرة ولا اقل ( ترتفع نسبة الوفيات في التوائم )بالنسبة للمعزة حساسة جدا لموضوع البرد والحليب في اول ايام الولادة وخاصة الثلاث الايام الاولى لا تخلى الصخل يشبع لبة تراة يلبد في بطنه ويموت في اول رضعة ودفيه زين عن البرد ولاتستهين بالبرد القليل

اخي ميسان القلع قماش ثقيل وناس تسميه شراع موجود في حراج الزل بشبرا جوار الهاتف