لك الله يا مواطن النصب صار جهارا نهارا...

[أبو ســلطان]

لك الله يا مواطن النصب صار جهارا نهارا...

اليوم رحت اشتري علف من سوق الاعلاف بشرق الرياض ولما سألت البنقالي عن سعر مكعبات الوافي قالي الكيس ب 47 ريال أستغربت صراحة لاني قبل يومين مشتري بـ 45 المهم قلت نفسي يمكن السعر زايد هالايام ولاني كنت مستعجل طلبت منه تحميل بعض الاكياس ولما خلص التحميل وحركت السيارة أستوقفني أحد المواطنين وسئلني بكم أشتريت قلت بـ47 ريال قال شوف البائع الثاني أمامك حوالي 3 كيلو على نفس الطريق انا اشتريت منه هذا المكعب بـ42 ريال !!!!! والله يا جماعة ما صدقت الرجال المهم مشيت ولما وصلت البائع الي قالي عليه سئلته بكم السعر قال بـ 42 !!!!!!!!!!!!!
يا جماعة نفس الكيس ونفس المنتج ونفس الوزن !!!!
المهم رجعت للبنقالي الي باعني وطلبت الشرطة على الرقم 999 ولما قلت لهم عن السالفة قالي بكل برود روح بلغ حماية المستهلك احنا مالنا علاقة في الموضوع !!!!!!!!!!!!!!!!!!!!!!!!!!!!!!


يا جماعة والله الطايسة ضايعة الله يخلف علينا لا حماية مستهلك ولا حماية للمواطن من النصب والاحتيال من التجار بل حماية للحرامية والتجار ...
ومن القهر طشيت أكياس البنقالي بوجهه وأخذت فلوسي ورحت أشتري من الاخر ...

والي يقهر زيادة اني من كم يوم سمعت تصريح لوزير التجارة يقول فيه ان الوزارة حريصة على حماية المواطن !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!

الله لا يوفق من وزير وينتقم منك !!!

المصدر: منـتـديات أغـــنـام

---

g; hggi dh l,h'k hgkwf whv [ihvh kihvh>>> hgksf kihvh

[شاهر]

يأخي لاتستغرب يكون وزير التجاره من أكبر موردي الشعير ومايدرينا يمكن وإلا كان شفنا تحرك من زمان

[السر]

يارجال انت قلتها بنفسك ( بنقالي ) لاذمة ولا امانه وهو لو يدري ان فيه حماية مستهلك او وزير
بيحميك مارفع السعر على كيفه
لكن احسن ماسويت انك طشيت عليه اكياسه واخذت فلوسك
والله يكون في عون المواطن .

[ابو سعود1]

لاحياة لمن تنادي


الشعير وقلنا مستورد


المنتجات المحليه من الاعلاف وش اللي رفع سعرها ؟؟؟؟؟ بشكل غير معقول

الله يغيث البلاد والعباد ........امين

[سلطان الحربي]

المشكله لما تطلب من المصنع يقلك ما فيه والتجار لما يطلبون يعطونهم

[محمد الغامدي]

وفقك الله لما يحب ويرضى0

[محمد الغامدي]

يا جماعة والله الطايسة ضايعة الله يخلف علينا لا حماية مستهلك ولا حماية للمواطن من النصب والاحتيال من التجار بل حماية للحرامية والتجار ...

هذا هو حالنا من زماااااااان ، وهذه إحدى أكبر المشاكل التي نعيشها ، حتى عبث بنا (كل من إيدو إلو ) ، وفعلاً من أمن العقاب أساء الأدب00

[نياف]

الله المستعان

ذاك اليوم جيت بنقالي الصبح أبي أشتري شعير كان الكيس تقريبا ب 50 ريال
المهم البنقالي ماله نفس نيزل شعير وقاعد يكلم بالجوال كلمت أكثر من مرة ماعطاني وجه آخر شيء نفخت عليه قلت كم الكيس قال لي 60 ريال

حسبي الله ونعم الوكيل على من كان السبب
اسأل الله أن يبليه في ماله كما أبتليت الناس
والله المستعان

[saaad]

الحمد الله على كل حال

وزير التجارة مو شغله

وزير الصناعه مو تخصصه

وزير الزراعة مو بيده

اذا من المسؤول

وسع صدرك كلنا ليه

ضاعت ضمائرنا الى من رحم الله

الموضف ماقام بعمله ورب الاسرة اهملها

منين يجي العدل مع الاحوال السابقة الله كريم

[البروق]

إللي أكـــبر من كذا وقهرني لما يكون لك عميل هندي أو بنغالي وتأمن فيه ولما تقوله - بكم الشعير - 50ريال بابا - يالله حمل 30كيس - اوكيه بابا - يالله حبيبي والله الله بالعد الزين - مافيه مشكل بابا كم مره أنتي يشتري منا مافيه خوف إنتا - ويحمل ولما توصل العزبه وتنزل يطلع 28 ولا 29 كيس وترجع له ويقولك حساب مضبوط مال آنا ممكن أنت مافيه مضبوط .

إيه والله أنا ماني مضبوط إللي أمنتك وخليتك إتعد ... الشرهه علي يالهيس .

لا عميل ولا هم يحزنون من اليوم ورايح ،،،،،،،،

[أبو حــــاتـم]

إللي أكـــبر من كذا وقهرني لما يكون لك عميل هندي أو بنغالي وتأمن فيه ولما تقوله - بكم الشعير - 50ريال بابا - يالله حمل 30كيس - اوكيه بابا - يالله حبيبي والله الله بالعد الزين - مافيه مشكل بابا كم مره أنتي يشتري منا مافيه خوف إنتا - ويحمل ولما توصل العزبه وتنزل يطلع 28 ولا 29 كيس وترجع له ويقولك حساب مضبوط مال آنا ممكن أنت مافيه مضبوط .

إيه والله أنا ماني مضبوط إللي أمنتك وخليتك إتعد ... الشرهه علي يالهيس .

لا عميل ولا هم يحزنون من اليوم ورايح ،،،،،،،،

يشوف بعينه سرق أراضي بملايين .. ولا تبيه يسرق كيس شعير بـ 50 ريال !!

7
7
7
7
مع أن التفكير أعلاهـ ليس بمنطق ..

وكل مسؤول .. مسؤول عن نفسه أمام الخلق أو رب الخلق ..

[الفلته]

أخي أبوسلطان بالنسبة للوافي سعره من المصنع 40 ريال للكيس وزن 50 كيلو

هنالك موزعين معتمدين في العزيزية وفي الجنادرية مصرح له من الشركة المنتجة أن يبيع بمكسب 2 ريال فقط لاغير. بالنسبة للبنقالي او التريلةالتي تبيع بسعر 47 ريال فذلك البائع يبيع لحسابه الخاص والفرق يضعه بجيبه وإن لم يتم البيع فراتبه قابضه من كفيله.
أنصحك بالشراء من الموزع المعتمد وليس من البنقالية.

في العزيزية

الوافي 42 ريال وفي بعض الأيام 43
الشعير 47 ريال وأحيانا يرتفع ريال.
الذرة الصفراء 55 ريال وزن 50 كيلو.