بنت بلدي

**سنجار** · 16.11.2007, 11:55 PM

هــذة قـصـيــد الـكـثـيـر مـنــا مـرت عـلـيـه ، ولكن الذكرى تـنـفــع الـمـؤمـنـيــن :ــ

*****
يا بنت أرجوك أنا مأقدر كفاني ماضـي الغلطـات

أخـاف الله يعذبنـي وأنــا خــواف يابنـيـه

واخـاف ابـساعـه اللـذ ّه يجـينـا هـادم الـلـذ ّات

ويأخـذ من حـشـى جوفـي بقـايـا روحـي الحـيـه

أنا لـيّـه ثمان اسنين وأنا مدمـن علـى الشهـوات

ديـار الفسـق حاستهـا مواطـي تحـت رجليـه

عيوني من كبـر همـي تخلـط الـدم والعبـرات

مِـسـيل الدمـع مـن عـينـي حفـر بالخـد ماريـه

صحيح إنك جميله بس تبنا مـن هـوى الزينـات

تركنا الحـب غصـب وطـوع للعيـن الشـقـاويـه

يابنت أنتي على بالك أبأخذ مـن بنـات الشـات

أجل مجنـون أنـا يابنـت أشـيـل العقـل بيديّـه

ترى أكبر شيء يربطني معـك جوال ٍ أبو شاشـات

ومـسـنـجـر ينقـل أشواقـي علـى نبـرات سلكيـه

وترى كل العلوم اللـي عـطيتـك بالهـوى كـذبـات

وحتـى دمعتـي يـوم الفـراق الصعـب كـذبيـه

هـذاك اليـوم ماهلـت عيونـي لجلـك الدمعـات

لأن الدمـع ماينثـر بقـصـه حــب وهـمـيـه

أنا أضحك معك واضحك منك ..وعليك أكـثّر الضحكات

كأنـي بالهـوى جـنـي.. يعـبـي راس جـنـيـه

وأنا ماني بخكري يلبـس القمصـان.. والشرتـات

ويفـرح قـلبـه المسكيـن إذا حــب الـدوينــّيـــه

أنا مـن لابـةٍ أروت ضمايـا سيوفهـا الغـزوات

خلايا جسمـنـا عـاشـت عـلـى دم الـقـبيـلـيـه

ودهـنتي شعرك الأسود بألـوان ٍ مـن الصبـغـــات

وعـيـت تقـبـل الصبغـه ملامـحـك الـفـلـبينيــــه

وحشرتي ردفـك المسكيـن بالـبـنـطـال ..والـجـنـزات

خلاقـيـن ٍ تصنّعـهـا مـزاجـات الـيـهـوديـــه

عشاني ميـتٍ فـي ثغـرك الأحمـر أبـو لـمـعـات

تحسبينـي أبرضـخ لـك لأن إشفـاك ورديـه

ورب الكون مأرضى فـيك لو إنك شـيـخـة الحـلـوات

وإذا صمـل علـيّ العـلـم نـصـيــت ارض الـسـعـوديـه

بنات بـلادنـا عـزهـا فـي لـبـاس ٍ يـسـتـر الـعـورات

وعزي في شـماغ أحـمّر.. وثوب أبيـض.. وطاقـيـه

سعودييـن نفخـر فـي عبـايـات السعـوديـات

نغـض الطـرف إجـلالاً إذا شـفـنـا الـسـعـوديـه (

:s ودمتم:s

المصدر: منـتـديات أغـــنـام

fkj fg]d j,f

**السنافي** · 17.11.2007, 02:15 PM

يا بنت أرجوك أنا مأقدر كفاني ماضـي الغلطـات
أخـاف الله يعذبنـي وأنــا خــواف يابنـيـه

واخـاف ابـساعـه اللـذ ّه يجـينـا هـادم الـلـذ ّات
ويأخـذ من حـشـى جوفـي بقـايـا روحـي الحـيـه
0
0
0
سعودييـن نفخـر فـي عبـايـات السعـوديـات
نغـض الطـرف إجـلالاً إذا شـفـنـا الـسـعـوديـه

اخي سنجار
قصيده جميله ونسأل الله ان يهدي شبابنا وشاباتنا
لما يحبه ويرضاه ونشكرك على نقل هذه القصيده لتكون مثل التذكير

بارك الله فيك

**سلطان الحربي** · 17.11.2007, 09:23 PM

الله يعطيك العافيه قصيده رائعه
وياليت يطبقونها
سعودييـن نفخـر فـي عبـايـات السعـوديـات

نغـض الطـرف إجـلالاً إذا شـفـنـا الـسـعـوديـه
والبنات يطبقون العبايه المحتشمه
مو الموضه اللى طالعه هلايام

**سنجار** · 18.11.2007, 01:08 AM

راعي الريشاء
سلطان الحربي

**سنجار** · 18.11.2007, 01:11 AM

راعي الريشاء
سلطان الحربي

الله يهدي الجميع
ومشكورين على المرور الحلو

**ابو سعود1** · 18.11.2007, 11:08 AM

صح لسان الشاعر

ولسان الناقل

**لؤلؤة الاعماق** · 19.11.2007, 05:18 PM

جزاك الله خير الجزاءءءء....اخوي سنجار...ابدعت بنقلك الرائع...تسلم والله......الله يجعل دربك الجنه....يارب....ويعطيك مليون عافيه......من الاعماق....لك تحياتي العطره