ابى فزعتكم يا اخوان سؤال عن العلف البياض

[تمساح نجد]

ابى فزعتكم يا اخوان سؤال عن العلف البياض

السلام عليكم ورحمة الله وبركاته
اولن اشكركم علا منتداكم الرائع والخير وجزاكم الله خير علا ما تقومون به من خدمة اخوانكم المسلمين وجزا الله خير جميع المشاركين بلمنتدا والذين افادو اخوانهم المسلمين
قصتى يا اخوان انا مربى لطيور السمان وعندى مشكله فى اعلاف السمان الى هو علف البياض سعر الخمسين كيلو 58 ريال اراسكو هل توجد بدائل يا اخوان ارخص من علف بياض او حبوب خاصه بلسمان ارجوكم ساعدونى او دلونى علا مكان اشترى منه باسعار معقوله انا فى الرياض السمان ما فيه مكسب بعد ارتفاع اسعار الاعلاف ونا محتار وعندى كميه كبيره من السمان ولكم دعوه بظهر الغيب وشكرن لكم

المصدر: منـتـديات أغـــنـام

---

hfn t.uj;l dh ho,hk schg uk hgugt hgfdhq hfd a,hl

[السنافي]

عليكم السلام ورحمة الله وبركاته ياتمساح نجد

إذا تبغى تشوف بيض بكميات ماعمرك شفت مثلها

عليك بالخبز ... وش تسوي فيه تنقعه في الماء وتعطيه للطيور من دجاج وسمان وبط وغيره

وشف كمية البيض ................ هذي طريقه أنا مجربها وإقتصاديه جداً وافضل لك من الاعلاف

والبروتينات وغيرها ........ وعطني وش حصل معك بعد ماتستمر على الاقل أسبوعين ...

أخوك صاحب مزرعة دواجن سابق قبل اتحول الى الاغنام ...وفقك الله

[حااااشي]

في علف بياض في الصوامع وهو علف خاص بالدواجن والله اعلم يمشي مع السمان
في علف خاص بالامهات وعلف للبياض وعلف للارانب والبقر
سعر البياض 28 ريال وهو فئات النسبه
وهذا رقم الصوامع فرع جده 6482770

[سلطان الحربي]

جرب حق الصوامع هو ممتاز وارخص من اوراسكو
والعيش يخلي الدواجن بعد فتره ما تبيض لانه يزيد معدل الشحم في البطن
انا من مربين الدجاج والبط وكنت من التجار بس الضروف حالة بيني وبينه وقرار الوزاره بمنع المذابح
ولكن مثل ما قلتلك خذلك علف الصوامع دجاج بياض وعلى ما اعتقد عندكم مصنع للصوامع وهو المركز الرائسي روح واخذلك من عندهم يطلع عليك بسعر ممتاز جدا

[تمساح نجد]

جزاكم الله خير يا اخوان راعى الريشا حاشى سلطان الحربى
والصوامع يا اخوان ما تبيع الا اقل شى 15 طن وسعر الطن 1150 علف بياض للفقس والاكل
جزاكم الله خير يا اخوان علا مجهوداتكم اذا فيه احد يا اخوان يعرف محل بعينه اروح له بلرياض يبيع باسعار معقوله لا يبخل علينا بلنسبه للمحلات الى مقابل سوق الحمام بلصناعيه غالين جدن حتا لو تاخذ كميه من عندهم ومشكورين لرحابة صدوركم

[سلطان الحربي]

ياخي لا تقول عندي مزرعه لما تروح عندهم
قلهم ابيه لكم دجاجه عندي مع الاغنام يعطونك بالكيس ووزن الكيس 50 كيلو

[راعي الحلال22]

السلام عليكم ورحمة الله وبركاته
احسن طريقه لك في اقتصاد العلف خذها مني ورد علي بالنتيجه اوك
خذلك كيس مكعب بروفيمي مع كيس شعير استرالي مع كيس خلطه طيور حبوب منوعه خلطه للانتاج خاصه وخلطهم مع كيس شوار نخاله بر وعمل لهم خلط ثم وجب لهم ومنثم وجب لهم وتشوف الفرق والبيض والاقتصاد والمكسب بس لازم تدريج على شان يتاقلمون عاى العلف

[أبو فهد]

انا طريقتي مع الدجاج والسمان لا يختلف عنه كثيرا اقوم بخلط 3ااكياس بياض كيس شعير كيس ذره كيس خبز مطحون واضع هذه المقادير في فليزر كبير خربان عند الدجاج

[أبومحمد88]

مثل ماقال لك الاخوان اخلط كيس عيش مع كيس نخالة مع كيس علف الدواجن وسوف تري نتيجة طيبة

[mohd00026]

ولو تمر الحلقة وتشيل من الاعلاف الخضراء وهالخضار والفواكهة منتهية الصلاحية للأوادم سارية المفعول والجودة للطيور بتكون مبسوط من الفاتورة الشهرية وادعيلي

[sssnoy]

السلام عليكم:
أخوي تمساح نجد:
كان عندي قبل فترة أعلاف كتل من تنظيف مكائن التكعيب في أحد المصانع طلعها لي واحد معرفة بنسبة معينة وقمت بجرشها لتصبح اخشن من الشعير المجروش ولما حسبت البروتين اللي فيها في مختبرات "إيداك - أراسكو" وجدته 12-14 % طبعا لأنه في الأصل ليس منتج واحد وليس من مكينه واحدة ثم جربتها في أحد المشاريع الخاصة للدواجن و اللي كان معتمد على الشعير المجروش للصيصان و حسب ما فهمت إنه كان ممتاز ولكن المشكلة أنه عندما أردت تسويقة على بنقلاديشية سوق الحمام حطموني في السعر ويبون يكسبون فيه 10 ريالات على إني بوصله لهم . المهم و قفت الشغلة ، إذا إنت تبي منه عينه كيس كلمني وجرب مجانا بس ترى أقل كمية بعدين هي 100 كيس و وزن الكيس 40 كيلو و السعر واصل الرياض 25 ريال.
تحياتي لك و للجميع ،،،،،،،
جوال 0505109744

[هواكم22]

سبحانك ربي ان كنت من الطالمين