نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع [email protected]

ضع إعلانك هنا



النتائج 1 إلى 11 من 11

الموضوع: ابي مشورتكم ياجماعة الخير

السلام عليكم ورحمة الله وبركاته ياجماعة الخير فيه نياق تجي سارية في الليل وتأكل من العلف ماندري لمن وكم مره نشوفها ونطردها تعبت ابي اعرف راعيها ماقدرت لانه انسان

  1. #1
    كاتب فعال
    تاريخ التسجيل
    09.12.2014
    الدولة
    الرياض
    المشاركات
    154
    معدل تقييم المستوى
    10

    ابي مشورتكم ياجماعة الخير

    السلام عليكم ورحمة الله وبركاته
    ياجماعة الخير فيه نياق تجي سارية في الليل وتأكل من العلف ماندري لمن وكم مره نشوفها ونطردها تعبت ابي اعرف راعيها ماقدرت لانه انسان والله مايستحي مهمل حلاله في الليل يسري على مستودعات العلف ويأكل منها حطينا سلك شايك مانفع غطينا العلف مانفع بهذلتني وبهذلت جيراني ابي محل معها اعقلها واخليها عند الشبك لين يجي راعيها وبعدها لكل حادث حديث ام ماذا اعطوني الحل والله تعبت معه هالانسان اللي مهمل حلاله ولا البس روسها خياش شعير فاضيه واخليها تضرب هالجاده ماتدري وين طريقها ولكني يعلم الله اني اخاف الله لكن عطوني حل يرضيني تكفون يالربع


    hfd la,vj;l dh[lhum hgodv


  2. #2
    كاتب متألق الصورة الرمزية عبق الماضي
    تاريخ التسجيل
    18.01.2009
    الدولة
    الاحساء - الهفوف
    المشاركات
    622
    معدل تقييم المستوى
    16

    رد: ابي مشورتكم ياجماعة الخير

    بسيط يااخي اكتب لوحه
    يالنياق السارية لا تاكلين من العلف هههههه احب امزح معك
    شف عزيزي الغالي في البر لك احد حلين
    1- او ان تضع شبك كبير يسمونه ابوعقيده او ابو عقده دائري على العلف ومن بعيد بحيث مايصل اليه البعير او الناقه
    2- او ان تبني غرفه من الخشب للعلف والحل الاول افضل في رايي

  3. #3
    كاتب مميز
    تاريخ التسجيل
    01.07.2014
    المشاركات
    471
    معدل تقييم المستوى
    10

    رد: ابي مشورتكم ياجماعة الخير

    ولكني يعلم الله اني اخاف الله لكن عطوني حل يرضيني تكفون يالربع
    الله يكثر من أمثالك أخوي

    فعلا البهائم مالها ذنب والتبعات تقع على صاحبها

    وإذا كان الضرر كبير

    لو كنت مكانك أشهد الجيران ثم اصك عليها في شبك وخو راح يجيني لحدي ووقتها لكل حادث حديث

    للأسف البعض يتساهل في حقوق الناس ويؤذي جيرانه

    ربي يعينك

    ودمتم بخير

  4. #4
    من كبار الكتاب الصورة الرمزية ابو زهور
    تاريخ التسجيل
    03.08.2013
    الدولة
    المدينة المنورة
    المشاركات
    1,540
    معدل تقييم المستوى
    12

    رد: ابي مشورتكم ياجماعة الخير

    سوي لك صندقة بالخشب وخليها للبرسيم
    او سوي للبرسيم شبك بشبك البعارين

  5. #5
    كاتب فعال
    تاريخ التسجيل
    26.09.2013
    المشاركات
    161
    معدل تقييم المستوى
    11

    رد: ابي مشورتكم ياجماعة الخير

    وعليكم السلام كلام اخونا عبق الماضي سليم وهوا الحل وكان ما ينفع الشبك خلى الحارس يضربها او حط كلب حراسه وراح يحمي حلالك من البل وغيرها

  6. #6
    كاتب متألق
    تاريخ التسجيل
    20.12.2011
    الدولة
    الرياض
    المشاركات
    503
    معدل تقييم المستوى
    13

    رد: ابي مشورتكم ياجماعة الخير

    السلام عليكم ورحمة الله ..

    لا تلبس روسها خياش تطيح بحفرة ولا تتعور وتأثم على فعلتك ..

    البل بالعادة إذا مالها راعي فهي ترجع لمحلها آخر النهار خاصةً لو معهن خلفات.. أو يلقون ماء أو شعير يعني إذا راعيهن ما هملهن تماماً فهم يرجعون له آخر اليوم وتقدر تدورهن آخر العصر ثم تتبعهن من بعيد لين يوصلنك له ..

    بالنسبة لشبك العلف حنا نحرص يكون الشبك كبير هذا أهم شي، والعلف يكون داخل بالوسط بحيث يدخل مترين على الأقل من كل جهة عشان ما تطمع فيه لا ناقة ولا غيرها وتقدر تستخدم مرابيع قوية ثم تجيب 4 لفات شبك كل لفه 12 متر بتسعين ريال ارتفاع 120 سنتيمتر كل لفه من جهة يصير عندك شبك 12x12 متر وقيمته معقولة وتقدر تمشي بالشايك فوقه دار ما دار.. أهم شي تشده زين والمرابيع تنزلها بالأرض مضبوط عشان ما تكسرها الناقة بسهوله..
    وإذا علفك واجد غطه أحسن لك واكشفه الصبح لا صار صحو وشمس عشان يتهوا وبعد الأمطار وغير كذا تغطيته أفضل خاصة البرسيم لونه يجذب البل من بعيد ..

    ولك رسالة على الخاص أخي الكريم abu habash

    هذا ما لدي فإن أصبت فمن الله وحده، وإن أخطأت فمن نفسي والشيطان.

    والسلام عليكم ورحمة الله.

  7. #7
    كاتب متألق
    تاريخ التسجيل
    09.07.2011
    المشاركات
    597
    معدل تقييم المستوى
    13

    رد: ابي مشورتكم ياجماعة الخير

    انا مثلك
    تجيني نياق من الساعه وحده بالليل والله اكبر عليها حتى السلك الشايك مايردها
    ولعبت بالبرسيم لعب كل ليله تقريبا
    ومريت على كل اهل البل اللي حولنا وكل رعيانهم يقولون ماهي لنا ...نياقنا نعقلها باليل ولا ندخلها الشبك
    وسهرت لها ليله وسقتها سوق بالموتر وطيرت عقولها ولا وقفت الى بعزبة راعيها...والراعي راقد ولا يدري عنها
    وطبعا خليتها دعوجه معه ومع عمه
    وكبرتها شوي
    اسهرلها الله يعينك وقودها بالموتر وان شاء الله انها تدلك على العزبه

  8. #8
    كاتب فعال
    تاريخ التسجيل
    09.12.2014
    الدولة
    الرياض
    المشاركات
    154
    معدل تقييم المستوى
    10

    رد: ابي مشورتكم ياجماعة الخير

    الله يبيض وجيهم ورايتكم بيضاء
    اليوم بعدنا العلف خليناه بنص المستودع وابعدنا ماء الحلال غيرنا محله
    والحمدلله على كل حال اللي اكلته وراح اللهما انها صدقه عن المسلمين والمسلمات الاحياء منهم والاموات
    واما بخصوص العلف اليوم حشرت السوداني ووقفت على راسه لين غطاه والشعير وقفت على راسة لين غطاه

  9. #9
    كاتب فعال
    تاريخ التسجيل
    24.11.2014
    الدولة
    القريات
    المشاركات
    268
    معدل تقييم المستوى
    10

    رد: ابي مشورتكم ياجماعة الخير

    والله النياق عجزنا عنهن الله لايسامح اللي يهمل نياقه بين شبوك خلق الله وهو داري

  10. #10
    كاتب متألق
    تاريخ التسجيل
    09.07.2011
    المشاركات
    597
    معدل تقييم المستوى
    13

    رد: ابي مشورتكم ياجماعة الخير

    اقتباس المشاركة الأصلية كتبت بواسطة sada00 مشاهدة المشاركة
    والله النياق عجزنا عنهن الله لايسامح اللي يهمل نياقه بين شبوك خلق الله وهو داري
    ايه ولله اللي يهملها وهي تؤذي خلق الله
    اسأل الله ان يفك المسلمين من شره وشر نياقه
    الأسبوع الماضي شايب مسكين على هايلكس اعترضت النياق عليه بنص الخط...ونزلناه من السياره نص ثوبه احمر لكنه سلم
    وعلى سمعي انا محد علمني
    اسمع الراعي بعد ماجاء بقول لعمه بالجوال ان الناقه حيه لكنها ماتقوم
    فصاحب النياق ينشد عن الناقه والرجال ثوبه احمر...الله المستعان

  11. #11
    كاتب مميز
    تاريخ التسجيل
    29.01.2014
    المشاركات
    435
    معدل تقييم المستوى
    11

    رد: ابي مشورتكم ياجماعة الخير

    ايييه موضوعك ع الجرح
    ماكرهني في الغنم الا النياق الهمل واهلها همل مثلها
    والله اني امسكها واعقلها وتجلس بالايام ولايجي راعيها يدورها
    وكل ماتجي المزرعه تكسر الشبك وتنقز في المزرعه ولعبت في العلف وشبوك الحلال

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. [ الرياض ] ياجماعة الخير
    بواسطة أبوطارق.... في المنتدى *ساحة بيع وشراء الـســيارات والــشاحنات ومستلزماتهما
    مشاركات: 17
    آخر مشاركة: 10.04.2015, 11:57 AM
  2. تكفون ياجماعة الخير ابي مساعدتكم في حالة العنز
    بواسطة برق ورعد11 في المنتدى >المنتـــدى الطــبي<
    مشاركات: 5
    آخر مشاركة: 31.03.2015, 02:55 PM
  3. البرسيم طفرني الحل ياجماعة الخير.
    بواسطة Aboda7om في المنتدى افكار وحلول وتهجين الحلال للمربين
    مشاركات: 17
    آخر مشاركة: 10.03.2015, 05:33 AM
  4. تكفون فزعة ياجماعة الخير
    بواسطة ملااااهي في المنتدى افكار وحلول وتهجين الحلال للمربين
    مشاركات: 4
    آخر مشاركة: 22.02.2015, 01:50 AM
  5. ياجماعة الخير افيدوني اللَّـہ يجزاكم خير
    بواسطة ماجد.. في المنتدى >المنتـــدى الطــبي<
    مشاركات: 17
    آخر مشاركة: 19.01.2015, 08:06 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •