نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا



النتائج 1 إلى 4 من 4

الموضوع: ضروري ضروري اتمنى الدخول لاهل الجنوب / اهل المقنوي ولمن يعرف احد في الجنوب في المناطق

السلام عليكم جميعاً هالموضوع لأهل الجنوب/ اهل المقنوي وقبل أبدا كلامي للرجال اللي عارفين أنفسهم (حذاري من انتشار التصوير والفيديو ) عموماً إلى أهل الجنوب/ اهل المقنوي اللي راح

  1. #1
    من كبار الكتاب الصورة الرمزية مقحص
    تاريخ التسجيل
    11.11.2010
    الدولة
    الرياض
    المشاركات
    3,012
    معدل تقييم المستوى
    15

    ضروري ضروري اتمنى الدخول لاهل الجنوب / اهل المقنوي ولمن يعرف احد في الجنوب في المناطق

    السلام عليكم جميعاً
    هالموضوع لأهل الجنوب/ اهل المقنوي
    وقبل أبدا كلامي للرجال اللي عارفين أنفسهم
    (حذاري من انتشار التصوير والفيديو )
    عموماً إلى أهل الجنوب/ اهل المقنوي
    اللي راح يعانون ويعانون الوقت الحالي شح العماله (الرعيان)
    بعد سوالف هجوم رجال قبايل اهل الجنوب للإثيوبيين و فقدهم بنفس الوقت لرعيانهم وبيعهم حلالهم برخص التراب ووصول سعر الراس الى (800 الى 1000)
    كم شخص فيكم ياهل الجنوب (رح يفقد الراعي حقه ) فكرت كيف تدير حلالك بعده والشح الي بيصيب سوق العماله .. ؟
    كم شخص فيكم باع وراح يبيع (مضطر حلاله ) وهو مكسور ومتحسر ويبيع حلاله بأرخص الأثمان على الشريطية إلي تكسر مجاديف المحتاج يوم تعرفه (خصوصاً العمالة السودانية وتواجدهم بالسوق هاليومين عندكم بكثره )
    الشاهد بعد هذا الكلام والموضوع
    كلمني صديق بدوامي ان قريب له من اهل الجنوب عنده حلال غالي عليه امس باع حلاله
    (80) راس تحتها (30) والباقي دفيــع حرش وفيه الي يسميها غنم شهران
    حلاله هالشخص بدى فيه قبل سبع سنوات وكانت بدايته (25) راس تقريباً وتوالدت ماشاء الله وغالي حلاله عليه
    وباعه للراس (900) ريال والسبب عامله عنده من بدى بحلاله وافريقي بدون اقامه (ومع ألازمه مسكوه الشعب وسلموه للحكومة )
    الشاهد طلبت رقم الرجال وكلمته وعلمني بنفس كلام صاحبي
    وجدت الرجال مكسور وكلامه محزن ويتحسر على حلاله اللي باعه
    وعطيناه الفكره والحمد لله سمع الكلام ورقم شرايها كان عنده
    وكانت الفكره انه الكميه اللي يعلف بها الصبح والعصر (ينقص منها نسبة ما يقارب 20% ) من الكميه كامله ويجمعها ويعطيها مره باليوم في الصباح
    من بعد صلاة الفجر يشمر كمومه ويتوكل على الله ويمشي ويتجه لحلاله قبل دوامه
    ويكون هو محل الراعي (يروح حلاله ويعلفه بكميه العلف الصباح والعصر يجمعها ) وبعدها يمشي
    والأسباب كثيره منها :-
    منها التواضع لله قبل كل شي وهذي مهنة كان يمتهنها الرسل والأنبياء قبلنا ولا يوجد ما يمنع انه الرجال يكافح فترة بسيطه بإدارة حلاله بعدها بيحس بحلاوة الحلال وإدارته من صاحبه نفسه حتى الله يفك عليه زنقته
    سالفة الحلال ما ينفع إلا بالعامل (تبطلونها ياهل المقنوي)
    من بعد صلاة الفجر إلى وقت الدوام بيكون عندك وقت كافي (3 ساعات) اقل شي كافيه وزياده تعلف وتمشي تداوم
    والسبب ( راعي ما فيه + خروجه من الدوام 2.30 ويكون تعبان ولا يقدر للحلال )
    والرجال الحرك بيقدر يعلفه بعد دوامه ويتعب مره وحده وعلى قبل المغرب يتجه بيته يرتاح
    وبنفس الوقت يحرص على جيرانه على حلاله واللي عندهم عماله نظاميه
    وبنفس الوقت ما يمنع تعقيبك على حلالك بعد الساعة 4.30 العصر او من بعد صلاة العشاء (للي بيعلف علف صباح وليل ويمشي)
    المناوبه بين اهل الحلال مطلوب ويكون كل يوم على واحد وبيكون حلو جداً (كل اثنين مع بعض )
    عموماً هالرجال الحمد لله لحقنا على حلاله والله يكتب اجر من فزع لنا
    كان جاي بطريقه للرياض
    عطينا راعيه (15.000) مكسب وحلاله الحين بالقويعيه عند رجال بيض الله وجهه
    تكفل بتعليفه على حساب راعيه + تقوية ورفع المناعه (اربعة ايام )
    وبعدها بيرجع لراعيه وراح يتعامل معه كما ذكرت لكم
    وعموماً اللي مابيعجبه الكلام هذا وحلاله بنفس الوقت غالي وما هو قادر يديره بنفسه
    يسوي الي بقول له عليه
    1. يرفع مناعة حلاله لمدة أربع أيام مع الماء وقبلها تعطيش
    2. يشوف المناطق اللي فيها له معرفه وعندهم عماله وينسق معه
    - يرسل حلاله للمعرفه ويكون عنده عامل بيقدر على ادارة الحلال .
    واهم مافي الموضوع كله
    اللي في المنتدى وله معرفه باحد في الجنوب أتمنى يتصل عليه يتطمن ويعرض عليه هالفكره ويكون قادر على ادارة حلال قريبه او معرفته (ولا احد يستحي لربما ستتصل بشخص تفرج عنه كربه من كرب الدنيا وتنال جزاك من رب العالمين وتوفيقه)
    وعلفها بمعرفتك بيكون حسابه على راعيها وعاملها بمعرفتك حسابه على راعيها
    والعماله لاتدري انها لشخص اهم شي (مزنوق) تكون للشخص نفسه حتى مايضرب سعر الراتب بيقتنع وبيطمع بالتعامل معك كصاحبه ومعرفه من السابق
    واللي عنده اضافه يعطينا اللي عنده
    والله يوفق الجميع ويجنبنا الخسائر



    qv,vd hjlkn hg]o,g ghig hg[k,f L hig hglrk,d ,glk duvt hp] td hglkh'r


  2. #2
    كاتب فعال
    تاريخ التسجيل
    16.03.2013
    المشاركات
    227
    معدل تقييم المستوى
    9

    رد: ضروري ضروري اتمنى الدخول لاهل الجنوب / اهل المقنوي ولمن يعرف احد في الجنوب في الم

    إذا أردت عملا متقنا فسلمه لشخص ينظم وقته

  3. #3
    عضو جديد
    تاريخ التسجيل
    17.12.2011
    المشاركات
    11
    معدل تقييم المستوى
    0

    رد: ضروري ضروري اتمنى الدخول لاهل الجنوب / اهل المقنوي ولمن يعرف احد في الجنوب في الم

    ]كلامك ينم عن صدق العباره ولكن النظريات شئ والواقع شئ آخرانا لدي300راس من الغنم ووقت ولوده ولايقدر يديرها الا عاملين نشيطين وذلك ترضيع البهم الذي ضرة امه كبيره والنظافه المستمره
    وتسريح الحلال في البرضروري0والمثل يقول ياراعي الحلال اما ارتعه ولا ابتعه0

  4. #4
    عضو مميز
    تاريخ التسجيل
    07.03.2007
    المشاركات
    18,210
    معدل تقييم المستوى
    34

    رد: ضروري ضروري اتمنى الدخول لاهل الجنوب / اهل المقنوي ولمن يعرف احد في الجنوب في الم

    1= جزاك الله خير
    2= واعتقد ان التشديد على العماله غير النضاميه سيكون لها فائده جدا جميله
    # منها فك الأحتكار للعماله بالاعلاف واسواق الاغنام وغيرها
    # فتح فرص كبيره لأبن البلد لدخول بقوه لمجال التسوق للأعلاف واللحوم المسروق منه منذ فتره طويله
    # اعتقد سينزل سعر الحلال والاعلاف وذالك لكون السوق سيصيبه ربكه
    # مسئلة تعليف الغنم المفروض ان تكون طريقة تقديم الاعلاف للغنم فقط وجبتين حتى وان كان لديك عماله نضاميه
    فتكون وجبة الأعلاف صباحا مثلا والبرسيم قبل المغرب ولكن تزاد الكميه في الصباح

    يا اخوان ياليت التشديد بالاقامات يكون على مدار العام لأنه سيكون فرص عمل للمواطن ودخل كبير جدا جدا جدا وهذا الامر لا يزعل احد صحيح ان المسلمين اخوه ولكن يا اخوان تنضيم الأمر جيد ومطلوب امنيا وتجاريا فان كنت غير مواطن مسموح لك العمل وليس ممنوع ولكن بتنضيم
    واكبر مثال محلات الذهب هي المتضرر الكبير من القرار لا لشيء الى ان الجالية اليمنية الشقيقه مسيطره على جملة وقطاعي الذهب بالسعوديه بنسبه كبيره جدا وخاصتا بجده
    معليش طلعت شوي عن الموضوع
    بنسبة لأمور الحلال من رضاعه ورعي وغيرها اعتقد يا اخوان هذي فرصه لكي نكون شعب قوي ومنتج ونترك التبطح بالاستراحات ومسئلة الرضاعه سهله عوج الصغار على الرضاعه من الرضاعات كل الصغار
    http://www.aghnam.com.sa/vb/showthread.php?t=41844

    وايضا لو ادخلنا التكنولوجيا على ادارة الحلال مثلا
    http://www.aghnam.com.sa/vb/showthread.php?p=76501


    تعلف الغنم بوقت معين وانت غير موجود اي تعليف الحلال الي

    وايضا مراقبة الحلال من بعد
    وغيرها
    والرعي قبل العصر صل عند الحلال وسرح بغنمك وحلالك
    واذا منتب فاضي احسنلك بع حلالك اخوي المربي وارتح

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •