نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا



صفحة 1 من 2 12 الأخيرةالأخيرة
النتائج 1 إلى 15 من 24

الموضوع: البرسيم فيه الخساره لا تشتريه ولا تعلف منه

السلام عليكم ورحمه الله الاخوان وش فايده البرسيم ابا اقولكم علي موضوع راقبت فيه ثلاث مرحات ضان حريه واحد يعلف الخلفات وعددها حول 37 شعير واجد وبرسيم واجد ومعها فحلها

  1. #1
    كاتب فعال
    تاريخ التسجيل
    12.03.2010
    المشاركات
    162
    معدل تقييم المستوى
    12

    البرسيم فيه الخساره لا تشتريه ولا تعلف منه

    السلام عليكم ورحمه الله الاخوان وش فايده البرسيم ابا اقولكم علي موضوع راقبت فيه ثلاث مرحات ضان حريه واحد يعلف الخلفات وعددها حول 37 شعير واجد وبرسيم واجد ومعها فحلها شهر وكم يوم ضربها الفحل وما بقيت الا وحده الثاني نفس العدد تقريبا علف برسيم لمده عشرين يوم وبعدها حط شعير الفحل ضرب نهايه الشهر 6 الثالث علف برسيم فقط لمده شهر الفحل ما طالع لوحده من الغنم وش رايكم في البرسيم بتشتريه علف برسيم والغنم تنتج في السنه ونص مرتين والمفروض في السنه البرسيم صار خساره او لا وبعدين خلوه خلوه يرخص من المستهدف ماهو انت راعي الحلال ومن بيشتريه غيرك اسف جدا علي طول الموضوع لكن من القهر يوم اشوف المصري والافغاني والباكستاني يتحكم في السعر وبدووووون رقابه


    hgfvsdl tdi hgoshvi gh jajvdi ,gh jugt lki fugt


  2. #2
    كاتب نشيط
    تاريخ التسجيل
    18.10.2012
    المشاركات
    105
    معدل تقييم المستوى
    10

    رد: البرسيم فيه الخساره لا تشتريه ولا تعلف منه

    وين الرقابه ووين امارات المناطق وخاصه تبوك والقصيم

    ليش مايشوفون حل لهالعماله الي تتحكم فينا

    حسبنا الله ونعم الوكيل

  3. #3
    كاتب متألق الصورة الرمزية abotalal
    تاريخ التسجيل
    01.08.2011
    المشاركات
    791
    معدل تقييم المستوى
    11

    رد: البرسيم فيه الخساره لا تشتريه ولا تعلف منه

    تدرون .. بوجهة نظري ان العماله ارحم من بيع السعودي

    يارجال السعوديين يبي يطلع على ظهرك حتى قيمة الارض اللي يزرع فيها

    وهذا هو سبب خسارة السعودي الطمع والجشع ؟.. وبعد مايهربون منه العالم والديون تكبر يدور اجنبي ويقبله المزرعه ويتركه

    المفروض يبيع اول باول مو اذا جيته يقول هذا السعر تبيه والا المستودع يشيييل ..
    ويسهل للعالم يعطي للتجار التريلات اللي عملاء له على التصريف .. الاجنبي شغال على التصريف اذا بعت كميتك عطني حسابي ..

    مانقول اللي ان شاء الله يجي جيل فاهم ومتفهم

  4. #4
    كاتب فعال
    تاريخ التسجيل
    29.01.2012
    المشاركات
    296
    معدل تقييم المستوى
    10

    رد: البرسيم فيه الخساره لا تشتريه ولا تعلف منه

    شفتم هذا نحن نسب ونلعن بتجار الاعلاف والبرسيم ونلوم على الرقابه انها غايبه اريد اتكلم بشغلتين واتمنى ان يتسع صدر الجميع لكلامي
    -الاجانب والاجانب ومحتكرين وعاملين ومسوين ومين منعك انت يا سعودي انك تشتغل مثل هالشغل روح لمشاريع البرسيم وشتري مثلك مثل الاجانب وسترزق الله مين منعك بس السؤال هل صاحب المشروع يبيعك او يفضل الاجنبي عليك ؟
    الي يجاوب عن هذا السؤال يسأل نفسه ليش صاحب المشروع يحب يبيع للأجنبي وما يحب يبيع للسعودي؟
    وكلام الاخ ابو طلال منطقي جداً الطمع والجشع عمت قلوب الكثيرين وغياب الرقابه هو السبب في هذا الموضوع حتى لو جاء الف جيل النتيجه واحده اذا انا صح لي ابيع أزود بريال ليش ما ابيع ؟
    -الي يسب ويلعن بأصحاب المشاريع يشوف تجار الحلال وممكن هو واحد منهم يبيع بالغالي حتى على قولت احد خطباء الجمعه قيمة الذبيحه او القنيه في بلادنا تزوج بني ادم في بلدان مجاوره
    ولو نزل سعر البرسيم وصار بريال اسعار الحلال ما راح تنزل فلي يتكلم على الرقابه في الاعلاف ياريت يتكلم عن الرقابه في باقي مجالات الحياه عشان الكلام يكون عادل وموزون وما يكون الكيل بمكيالين

  5. #5
    كاتب مبدع
    تاريخ التسجيل
    10.04.2007
    الدولة
    في موطن العز
    المشاركات
    1,093
    معدل تقييم المستوى
    16

    رد: البرسيم فيه الخساره لا تشتريه ولا تعلف منه

    الرقيب الله جل في علاه

  6. #6
    عضو جديد
    تاريخ التسجيل
    22.01.2013
    المشاركات
    5
    معدل تقييم المستوى
    0

    رد: البرسيم فيه الخساره لا تشتريه ولا تعلف منه

    انا اقول لازم تدخل الجهه المسؤؤلة في الموضوع

    1-توحيد الاسعار
    2-ترخيص مزارع البرسيم
    3-معرفة كم يحتاج السوق سنويا وكم تنتج المزارع سنويا

  7. #7
    من كبار الكتاب الصورة الرمزية سنآفي
    تاريخ التسجيل
    05.02.2012
    المشاركات
    3,873
    معدل تقييم المستوى
    13

    رد: البرسيم فيه الخساره لا تشتريه ولا تعلف منه

    يا اخوان التحكّم بأسعار البيع والشراء بالبرسيم صعب جدّاً

    وذلك بسبب ان عوامل ارتفاع وانخفاض السعر هي عوامل متعددة وكثيرة لا يمكن السيطرة عليها ،، فلو فكّرت من طرف المشتري فسوف ترى ان الحكومة يجب ان تمنع أي شخص يبيع بسعر أعلى من كذا وكذا !

    بينما انا كتاجر أعلاف اشتريه من المزرعة بهالقيمة وانقله بهالقيمة والعمال اعطيهم قيمة كذلك مجموعها قد يكون ما يغطّي القيمة اللي انت ودك تشتري البرسيم فيها واكون خسران 100%

    ارجوا يا اخوان ان تفكّروا بطريقة مختلفة ،، هل من الواجب استخدام البرسيم بالضرمة ؟ الا يوجد بدائل كما يقول العسكر ( يجب أن تفعل شيئاً )

    ممكن انك تترك البرسيم كلّه وتستخدم طريقة إعلاف مختلفه ،، جرّب الرودس مع الشعير مع المركّب

    ربطة البرسيم 10 كيلو إلى 15 في أحسن الحالات وقيمتها من 20 إلى 25 يعني الكيلو بـ ريالين ،، بالنسبة للشعير كيلوه بـ 0.8 والمركّب قيمته كذلك اما الرودس قيمته اقل من ذلك بكثير

    تستطيع الإعلاف بالبرسيم ولكن بطريقة مختلفه ،، جرّب زيارة المزارع وأخذ سيارة مخصصة للحلال ثم تقوم بشراء البرسيم من الأرض ونقله إلى حلالك بكمّية مناسبة بحيث يكون كافي لحلالك خلال لا يقل عن 6 أشهر وتكون قيمة الشراء بعد الحسابات أقل من تكلفة النقل والعمالة ووو

    أيضاً استغرب من اصحاب الحلال الكثير من 500 وفوق من انهم لا يمتلكون مزارع لأن أصحاب الحلال اللي في مزارع وكافين حالهم بمزارعهم تجد ان كثير منهم يجدون مرابح اكثر من اصحاب الحلال اللي بالبر

    الموضوع يحتمل وجهات نظر متعددة وكثير منها قد يكون صحيح ويحتاج أيضاً للمناقشة من قبل اهل الخبرة كلٌ على حسب تجربته

    ولا ولن انسى ان اذكّر الجميع بأن هاذه الحكومة المباركة تكفّلت لكل مواطن بأن توفّر له علف بجودة عالية وتكلفة منخفضة ومدعوم من قبل الحكومة وهو مركّب الصوامع

    فـ عن طريق بطاقاتكم الشخصية تستطيعون سحب هاذه المركّبات واستبدال الشعير والبرسيم بها وممكن ان تستخدموا معها الرودس او الذرة او التبن بوجه العدو او الإكتفاء بها

    http://www.aghnam.com.sa/vb/showthread.php?t=209576

    تحيآتي لكم ..

  8. #8
    كاتب فعال
    تاريخ التسجيل
    29.01.2012
    المشاركات
    296
    معدل تقييم المستوى
    10

    رد: البرسيم فيه الخساره لا تشتريه ولا تعلف منه

    اخ سنافي حنا ما نتكلم على الحكومه مافي دوله في العالم العربي تدعم المواطن مثل المملكه والكلام هذا لاهو نفاق ولا خوف بس كلمة حق تقال
    الشي الثاني القصد من الرقابه خلينا نقول مثلا تكلفة الزراعه والحصاد والتلبين واللم والماء والكهرباء والارض والعمال وجميع التكاليف التأسيسيه والتشغيله يتم احتسابها تطلع تكلفة الباله على سبيل المثااااال ٨ ريال يبقى الدوائر الرقابيه تتدخل عشان راعي المزرعه ما يبيع ب ٣٥ ريال لانه هذا لا يسمى ربح هذا يسمى جشع فتحدد سعر البيع مثلا على ١٢ ريال يكون راعي المزرعه كسبان وراعي الحلا مرتاح البال من هموم الاسعار وكذا الحال في الاغنام وباقي السلع
    وتأكد اخ سنافي سوف يأتي اليوم وسأقنعك انا شخصياً بالاستنبات لتعرف انه هو البديل الفعلي للأعلاف التقليديه والانتهاء من ارتفاع الاعلاف واللحوم الحمراء الى ابد الابدين بالاضافه الى توفير المياه والمصاريف البيطريه وسأذكرك بذلك في يوم من الايام واتمنى ان يكون هذا اليوم قريب

  9. #9
    كاتب متألق الصورة الرمزية ابن فهيد ^
    تاريخ التسجيل
    25.08.2012
    المشاركات
    601
    معدل تقييم المستوى
    10

    رد: البرسيم فيه الخساره لا تشتريه ولا تعلف منه

    حاميها حراميها

  10. #10
    من كبار الكتاب الصورة الرمزية سنآفي
    تاريخ التسجيل
    05.02.2012
    المشاركات
    3,873
    معدل تقييم المستوى
    13

    رد: البرسيم فيه الخساره لا تشتريه ولا تعلف منه

    اقتباس المشاركة الأصلية كتبت بواسطة sami19513 مشاهدة المشاركة
    اخ سنافي حنا ما نتكلم على الحكومه مافي دوله في العالم العربي تدعم المواطن مثل المملكه والكلام هذا لاهو نفاق ولا خوف بس كلمة حق تقال
    الشي الثاني القصد من الرقابه خلينا نقول مثلا تكلفة الزراعه والحصاد والتلبين واللم والماء والكهرباء والارض والعمال وجميع التكاليف التأسيسيه والتشغيله يتم احتسابها تطلع تكلفة الباله على سبيل المثااااال ٨ ريال يبقى الدوائر الرقابيه تتدخل عشان راعي المزرعه ما يبيع ب ٣٥ ريال لانه هذا لا يسمى ربح هذا يسمى جشع فتحدد سعر البيع مثلا على ١٢ ريال يكون راعي المزرعه كسبان وراعي الحلا مرتاح البال من هموم الاسعار وكذا الحال في الاغنام وباقي السلع
    وتأكد اخ سنافي سوف يأتي اليوم وسأقنعك انا شخصياً بالاستنبات لتعرف انه هو البديل الفعلي للأعلاف التقليديه والانتهاء من ارتفاع الاعلاف واللحوم الحمراء الى ابد الابدين بالاضافه الى توفير المياه والمصاريف البيطريه وسأذكرك بذلك في يوم من الايام واتمنى ان يكون هذا اليوم قريب

    كلام جميل ،،

    ولكن اشعر انه غير قابل للتطبيق

    وذاك لأن التكاليف يصعب جدّاً حصرها ،، انا لا أقول يستحيل

    بالنسبة للاستنبات انا وانا اخوك اعرف انه فعال ولا ما اعتمدته الشركات الكبيرة وشركات الألبان وغيرها

    ولكن رأيي فيه منذ فترة انه غير مجدي ولا يرد تكلفته ويحتاج إلى مجهود كبير

    اتمنى ان اقتنع فيه لأني مزارع واعتقد اني امتلك مقوّمات المشروع بالكامل

    تحيآتي لك ..

  11. #11
    كاتب مميز
    تاريخ التسجيل
    14.08.2011
    المشاركات
    433
    معدل تقييم المستوى
    11

    رد: البرسيم فيه الخساره لا تشتريه ولا تعلف منه

    ما فيه احد مرتاح

  12. #12
    كاتب فعال
    تاريخ التسجيل
    29.01.2012
    المشاركات
    296
    معدل تقييم المستوى
    10

    رد: البرسيم فيه الخساره لا تشتريه ولا تعلف منه

    خلي كل شي لوقته زين انت يا اخ سنافي مقتنع انه فعال وانت عندك العلم حق النت فقط وخرابيط المتفلسفين وتجار الاستنبات ولكن اوعدك بس تجيك العلوم الي انا اعتبرها اكبر انجاز عربي وغربي في علوم الزراعه المائيه والزراعه المستديمه على الاطلاق راح تتأكد مليون ٪ انه مجدي اقتصاديا والتكلفه الي راح تدفعها اليوم راح تجيك اضعافها فائده
    الصبر طيب
    تحياتي

  13. #13
    كاتب متألق
    تاريخ التسجيل
    31.01.2010
    المشاركات
    696
    معدل تقييم المستوى
    12

    رد: البرسيم فيه الخساره لا تشتريه ولا تعلف منه

    العماله تلعب فينا لعب بكل المناطق ولا حسيب ولا رقيب وسعارهم بكيفهم ؟

  14. #14
    كاتب فعال
    تاريخ التسجيل
    29.01.2012
    المشاركات
    296
    معدل تقييم المستوى
    10

    رد: البرسيم فيه الخساره لا تشتريه ولا تعلف منه

    ياخي وش دخل العماله العامل يشتري ويبع وأحل الله البيع وحرم الربى الي قادر يروح المشاريع ويشتري بنفسه والرقابه غايبه عن الجميع ماهو حرام على العامل الاجنبي وحلال على التاجر السعودي

  15. #15
    محظور
    تاريخ التسجيل
    11.07.2012
    المشاركات
    222
    معدل تقييم المستوى
    0

    رد: البرسيم فيه الخساره لا تشتريه ولا تعلف منه

    البرسيم معروف انه يقلل الخصوبه ولذلك البدو في البر اهل الحلال القديمين تجدهم يستخدمونه بكميه بسيطه للنعجه المطفل فقط ومعروف إنه يأخر الحنا في الغنم

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •