الجدي فيه انتفاخ ولايخرج .. ماالعمل
السلام عليكم ورحمة الله وبركاته
مساكم الله بالخير والمسرات
لدي جدي فيه انتفاخ من يومين تقريبا الثلاثاء ولايخرج اعزكم الله واعطاه الراعي 10 س زيت و10 في حياه
وقدر الله ومات
واليوم اخوه نفس الوضع انتفاخ ومتمدد كانه شبه ميت اعطيته بنسلين 20 وزيت 10 س مع العلم انه فيه خرفشه بالصدر ؟
ماسبب انتفاخ الجديان خاصة وانهم اخوه
وماعلاج الانتفاخ ..المصدر: منـتـديات أغـــنـامhg[]d tdi hkjtho ,ghdov[ >> lhhgulg hg]d] ,ghd]vd
اتوقع والله العالم انهم مكثرين حليب
واطلب الله فيهم
وبعدين ١٠ سم زيت بالفم واجد !
وبكذا زدت التخمه تخمه
انا توني جاي من الحلال وميت اليوم عندي ثلاثه اتوام من كثر الحليب
لحقت على اخر واحد طايح على جنبه وهادي بس يون بين فتره وفتره وبعد ساعه لحق اخوانه
ونصيحه لك اخوي
اول مايولد الصخل بعد ماتنظفه امه
عطه ١ سم بنسلين
وبالدبر ٢ سم زيت
وبعدها بحول الربع ساعه رضعه شوي
واحلب الباه برا
ومن بكره الصبح احلب امه برا اذا حليبها واجد
لان اول اربع خمس ايام يكون حليب الام ثقيل شوي
انا والله مات لي اربعه وكل هالي ماتو ماعطيتهم زيت باالمدمن او الدبر
وحول العشره عطيتهم بالدبر والحمدلله بأفضل حال
والثلاثه الي ماتو اليوم امهم مافيها حليب ووصيت العامل يرضعهم من المعزا
والعامل شد حيله ورضعهم الين ماتو
وانتظر اراء الاعضاء يمكن خبرتهم اكبر
الله جزاك خير اخوي ابو فهد
ننتظر بقية الاعضاء ..
الله يعوضك خير إن شاء الله
اعتقد أن التطعيم المعوي للامهات خير وسيلة للحفاظ على المواليد بإذن الله
شخصيا لمدة اسبوعين أو اكثر يعزل الصغير عن امه للمغرب وقبل ان يقابل امه ينظف الضرع من الحليب نهائيا ويبقى للصباح معها الا التؤم نبقي فيها قليل من الحليب
جزيت خيراالمشاركة الأصلية كتبت بواسطة غير متاح
يعني الجدي الى اسبوعين من ولادته يكون معزول عن امه ؟ ويبقى معها من المغرب الى الصباح وبعدها يعزله مره ثانيه ~!
اعتقد انها فترة طويلة جدا كيف يتحمل الجوع كل هذا الوقت ؟
نفس السؤال هل الحليب مسؤول عن انتفاخ الجدي ؟
لو تعزله عن امه شوي وتفكه أحسن لان كثرة الحليب ماهي زينه له
اخوي جست يو
ودنا نعرف اسم الوالد او اسم الولد وتكتبه في توقيعك ( ابو ..... ) علشان تقدر نناديك طال عمرك
بالنسبة للمواليد ومشاكل الجهاز الهضمي اذا ما لك بالكلام الكثير
- تحصن الام في الشهر الرابع من الحمل عن التسمم المعوي وتعطيها جرعة فيتامين هـ سيلينيوم أيضاً في العضل
نقطة مهمة جداً هالكلام القادم :
- بعد الوالدة ترش الحبل السري للمولود بالبخاخ الأزرق او بخاخ الأيودين وتجرعه ٢ مل فيتامين هـ سيلينيوم لانه اثبت جدواه في رفع مناعة وصحة المواليد
تخليه يرضع على طول من حليب امه اللي نسميه حليب ( السرسوب) واللي شكله يكون ثقيل ويميل للصفار فهذا الحليب مهم جداً جداً للمولود لان توجد فيه جميع المقويات والمضادات الحيوية المهمة للمولود لان جسم المولود لا توجد فيه مناعة ويأخذ هـالمناعة من أمه عن طريق هـالحليب وبدونه ما راح يلاقي مناعة ضد الامراض واحتمالية إصابته بالمرض والتفوق وارد اذا ما أخذ كفايته من الحليب
لذلك يجب ترك المولود في اول ثلاث ايام بعد الولادة يشرب قد ما يقدر من هـالحليب واذا كان الحليب زايد فلا تحلبه بره بالعكس تحلبه في كيس نايلون وتحطه في الفيرزر واستخدمه فيما بعد عند الحاجة مثل اذا جا مولود وامه ما فيها حليب فرضعه منه بانك تحطه في ماء دافئ حتي يرجع سايل وتستخدمه
في حال الانتفاخ قلل عليه الحليب واستخدم ماء دافئ مع صابون وحقنه في دبره تكرم مقدار ١٠ مل وتكررها عدة مرات حتى يطلع الحليب المتجبن وتعطيه اي عصار إسهال مثل انتي دايريكس او سبيكتولين او غيرهم في الفم مرتين في اليوم
غير هذا راجع البيطري فورا اذا لاحظت استمرار الإسهال
اذا لك بالطويلة والقراءة المستفيضة شوف الرابط التالي وان شاء الله راح تستفيد منه وفيه مشاكل المواليد وحلولها
http://by6ary.blogspot.com/search/la...ل%20المواليد?m
حياك الله اخوي محمد والله يوفقك وين مارحت
فات الاوان على التطعيم ~.. لان المعزا اشترتيها قبل ولادتها بشهر ولا اعرف اذا كانت مطعمه ام لا :
الان اللي فهمته منك
البخاخ الازرق
سلينوم هـ / مع اني اعطيه المولود 3 مل لمدة 3 ايــام
ماء دافئ مع صابون 10 مل تكرر عدة مرات / كم تقريبا 30 ’ 40 , مل ؟
بالنسبة للجدي مايخرج اساساً فكيف اعطيه عصار اسهال ؟ / ياليت توضح النقطه هذي .. وهل يصلح له ضغاط سبكتوجات صناعه سعوديه للاسهال والنزلات المعويه ؟.
وفزعه وانت راعي الفزعات يالييت تتابع معي هذا الموضوع على الرابط
http://www.aghnam.com.sa/vb/showthread.php?t=209983
على فكره نسيت اقول
نادني ابو حمدان
ربي يحفظك وييسر دربك
هلا وغلا فيك اخوي ابوحمدان وجعلك سالم وين ما رحت
كلامك ممتاز جداً وفيه توضيح لأفكار بعض الاخوان اللي تدور في عقولهم مثل هالاسئلة
اولها :
ماء دافئ مع صابون 10 مل تكرر عدة مرات / كم تقريبا 30 ’ 40 , مل ؟
الجواب
تعطي مرتين او ثلاث حتى تشوف ان الماء يخرج بدون فضلات يعني ٣ الى ٥ مرات بالكثير حسب ما اخبر
الثاني
بالنسبة للجدي مايخرج اساساً فكيف اعطيه عصار اسهال ؟ / ياليت توضح النقطه هذي
(ممتازة هـالنقطة )
الجواب
اخوي لو ترجع لمداخلتي تشوف اني ذكرت التالي
(في حال الانتفاخ قلل عليه الحليب واستخدم ماء دافئ مع صابون وحقنه في دبره تكرم مقدار ١٠ مل وتكررها عدة مرات حتى يطلع الحليب المتجبن وتعطيه اي عصار إسهال )
فذكرت انه لازم يطلع الحليب المتجبن في الاول ثم تعطيه العصار
اذا ما خرج شي وما زالا الانتفاخ فلا تعطيه شي وتراجع البيطري او مديرية الزراعة علشان يكشفون عليه ويشوفون حل معه
وبالنسبة لمداخلتي السابقة فهي مداخلة شاملة لمشاكل المواليد وسبيل الوقاية منها وليست مخصصة للحالة اللي عندك اخوي
علشان اي احد يقرا الموضوع تكون عنده فكرة شاملة عن مشاكل المواليد حتى يقدر يتلافاها ويحصل على نتاج ممتاز بدون مشاكل
تحياتي وبالتوفيق اخوي ابوحمدان
الله يجزاك خير ويرحم والديك
ان شاء الله بطلع على الموقع اللي ذكرت ..
وبتابع الوصفة اللي ذكرت
هل مدة 3 - 5 دقائق بين الابرة والثانيه مدة كافيه ؟
المفضلات