القمل في الحلال مايفيد فيه لا غسل ولا غيره

[انيس]

القمل في الحلال مايفيد فيه لا غسل ولا غيره

السلام عليكم ورحمة الله وبركاته

يا اخوان القمل ذبح الحلال غسلتها بالجره قوة 15٪ ولا فاد فيها شي

من يدلني على الحل وجزاه الله الف خير

المصدر: منـتـديات أغـــنـام

---

hgrlg td hgpghg lhdtd] tdi gh ysg ,gh ydvi usg

[انيس]

ماحد عنده حل

وينك يالسنافي وينك ياراعي الحلال
وين اهل الخبره

[ابن بادي]

رش الأرضية بجره مع ديزل بشكل مركز لان الديزل يقضي على بيضها الي داخل الارض

[حوش اغنام وطليان]

رش عليها زيت محروق

[راعي جومارو]

جرب ال٦٠ ستين مقدار غطا العلبه في صطل البويه وكرره بعد١٥ يوم مع السوبر الامريكي ويكرر بعد ١٤ يوم ما تشوف شر

[عبدالله النعمي]

أخوي عطها إبرة أفومك أمريكي الأصلي تحت الجلد 2 سم للكبير و 1 سم للوسط و نصف سم ما دون الثلاثة أشهر
وكرر بعد 14 يوم والله يشفي حلالك

[عنان99]

لو تغير المكان أفضل

[Saud9538]

مثل ماقالوا الاخوان غير المحل ورش الغنم قبل توديها للمحل الجديد وطعمها ايفوماك الامريكي وبإذن بتزين الامور

[راعي تماني]

فيه واحد قالي عن تجربة بودرة البف باف تفرك بها شعر الغنم تقضي باذن الله على البيض
لان الغسل تقضي على القمل وبعد فترة يفقس البيض ويرجع من جديد

[بيضانثيل]

عليك وانا اخوك باالاوفميك الامريكي كل 15 يوم للكبار 2 والصغار 1 .. كرر 3 الى4 مرات ..واحرص على ان حلالك يشبع دايم ..وانا سمعت ان الحلال اللي يعلف ذره انها تجيه القمله ..الله يوفقنا واياك وكل مسلم

[صااحب مبدا]

طعم الحلال افميك كامل وكرر بعد 15 يوم ان استطعت ان تغير الشبوك توكل على الله والارض الجديد رشها برجرة لوقاية ورش الغنم كذالك
القاز حلووو للقضاء على الحشرات ودرجة اولى لاكن لا اعلم عن رش النعجة كاملا هل يضر او لا لان انا استخدمتة للدو الجروح ومن ثاني يوم ما تشوف شي لاكن رش الارض قاااز ولو بصيف كان نصحتك تحلق الشياة

[آبوو شهد]

ضروري كل ست شهور تغير مراحك

مثلا تخصص مراح للشتاء

ومراح للصيف


×استخدم الجره في السطل الازرق وغطس الغنم فيهآ


× مكان العلف لازم يكون بعيد عن الحلال ع الاقل عشر امتار

× رش مكان الارضية بالجرة

×انصحك بتربية الدجاج لانه ياكل القمل والقردان


موفق

[mmaasstt]

السلام عليكم ورحمة الله وبركاته
استعمل بخاخ ريد رش لمدة اسبوع يوميا هذا الشيء مجربه والحمدلله كانت النتيجه 100%

[مقحص]

أخوي عطها إبرة أفومك أمريكي الأصلي تحت الجلد 2 سم للكبير و 1 سم للوسط و نصف سم ما دون الثلاثة أشهر
وكرر بعد 14 يوم والله يشفي حلالك

افضل الحلول هذا اللي ذكره له الاخ الفاضل
ويوجد بودره لا اعرف اسمها تحصلها اسمها عند الدكتور (محمد بن احمد )

الاسباب واضحه اخي الكريم عندك
التركيز قليل 15%
ويبي له وزنيه مناسبه (تكون من صاحب ذمه )
بعض السودانيه اللي يرشون الغنم يجيك هالتركيز قليل ويحط له اقل من نصفها لعدد (اربعين راس ) ماشوف فائده كذا ولو تركها بدون غسل افضل
يعني لو بتاخذ لها التركيز العالي بيكون افضل وترشها مره ثانيه (اذا عدد الغنم اربعين ودون ) حط لها اقل من نصف القاروره الكبيره +فيري ) وترشلها ولاتقرب لروسها ابداً
اتمنى لك التوفيق

[المتابع]

جزالله الجميع خير على النصيحه والتفاعل
من واقع تجربه سنيين عديده غسل الغنم باالماء والصابون الاصلي ولاتقول برد
يشهد الله علي غنمي اغسلها وارشها صيف وبرد لم اتوقف طول وقتي في تربيت الحلال عن غسيل الغنم صيف وشتاء اليوم غسلها بالماء والصابون ولاتشطفها خل الصابون كثيف ومركز يذبح القمل من الحلال وبعد يومين خذ المرشه الكبيره عندك اوعند احد معارفك اذا انت في الشرقيه انا في ابقيق انا حاضر اوصلها عندك وحاضر باالمساعده وخذ مقدار بيالت الشاهي من الجره 60 ورش الحلال الكبير فقط كامل ويجب ان يكون بين الرش ورضاع البهم اقل شيئ 4 ساعات وداوم على رش الارضيه باالجره 60 معى اخذالحذرعلى الدواجن والحمام اذا فيه يستحب ان يكون الغسيل بعيد عنها اوتعزل لمدة 3 ايام وكرر الموضوع بعد اسبوع ومن ثمن اعط اي ابره متوفره عندك للقمل وارجو اني افدة بشيئ سهل ودمتم سالمين جميعا