موت الف 1000صوص بلدي

[((أبوسعدي1))]

موت الف 1000صوص بلدي

السلام عليكم ويااخواني شريت الف صوص بعمر اسبوعصحتها ماشاء الله تمام اعطيها تطعيمات وفيتامينات. وعلف اراسكو وفقيه ومعتني فيها وحضيرتها كبيره ونضيفه وعندها دفايات واضاءه وصحتها تمام مشكلتي انها توصل لعمر الشهر وتموت كلها اعراض المرض صعوبه في التنفس ورجفه واجنحتها نازله وعدم القدره وش النشكله ابي حل سريع وارجو الرد المفيد والسريع على النشي تكفون ساعدوني خسارتي 7000ريال

المصدر: منـتـديات أغـــنـام

---

l,j hgt 1000w,w fg]d

[اابوفيصل]

احتمال ضربها فيروس النيوكسل و هو يضرب الحنجرة و يسبب التهاب في الحنجرة و صعوبة تنفس

فيروس النيوكاسل قاتل و نسبة الوفياة به في الصوص حوالي 99%

هل حصنت ضد مرض النيوكاسل ( سعر التحصين حوالي 15 ريال تكفي الى 1000 دجاجة )

[عاكس التيار]

يا اخي مر طبيب بيطري وخذه يشوف الحلال

[براهما707]

اخوي ترا منطقة الباحه تربية الصيصان فيها صعبه جدا بسبب الاجواء البارده وانا من اهل االباحه وسبق وان جربت نفس الموضوع هذا ومات علي كثير وخسرت
لكن حاول تامن لها مكان دافي وتكون في محاكر على بعض حتى ما تاخذ عليك مساحه كبيره حتى تصبح كبيرة بالعمر وقادره على تحمل البرد ثم نزلها في الشبك واحرص على اعطائها جميع التحصينات واذا شفت شي تعبان طوااالي اعزله لانه بيمحق الباقين عليك وعليك بالبصل والثوم تراها مضادات حيويه ممتازة

[((أبوسعدي1))]

مشكورين على الرد
انا حصنتها ضد النيوكاسل
واعطيه فيتامينات مع الماء وهاذي مو اول مره انا اشتري دفعات من اسبوع الى شهر صحتها تمام بعد الشهر ماتقدر تمشي وصعوبه في التنفس

[براهما707]

طيب لو تسوي لها تقسيم
يعني ماتكون كلها في مكان واحد حتى اذا جاها مرض لاسمح الله ماينتقل لجميع الفروخ
وهذي الصوره مثال لطريقة التقسيم واستغلال المساحه وتحافظ عليها من الانتشار السريع للمرض
[IMG][/IMG]

[((أبوسعدي1))]

المشكله جربت كل شي قسمتها وححطيتها مع بعض مافي فايده للمشكله المرض مايجيها الا اذا وصل عمرها شهر ومافوق. الحين ابي اخذ دفعه جديده وش تنصحوني ابي خطه امشي عليها تكون مجربه لاني قرأت عده مواضيع وطبقتها ماجابت فايده فابي مشورتكم. في الاكل والفتامينات طريقتها والفرز.
وبيض الله وجيهكم على الردود السابقه والله يرزقكم ويعطيكم العافيه

[د.بخيت]

اخوي خبيعه
الله يعوض عليك
هذا جدول كامل بإذن الله للتحصينات الدواجن من عمر اسبوع
استخدم الفيتامينات كل شهر مره علما ان علف اراسكو وفقيه فيه كل الاحتياجات اللازمة من فيتامينات وغيره
الجدول على الرابط

http://by6ary.blogspot.com/2012/07/b..._4802.html?m=0

اذا عندك اي استفسار أخوك مستعد باللي يقدر عليه
التحصين يكون بالتنقيط في العين او فتحة الانف
تحل التحصين في محلول ملحي وتسحب بواسطة القطارة وتقطر في للعين او فتحة الانف مثل ما ذكرت لك

بالتوفيق اخوي

[((أبوسعدي1))]

بيض الله وجهك اخوي محمد
ويعطيك العافيه.
والف شكر

[زرافان]

عوضك الله

[هاااادي]

عقم الحضيرة عندك باليوود

[اابوفيصل]

ما ذكرت اخي من اعراض هي اعراض مرض النيوكاسل

طريقة اعطاء التحصين

1- تدخل منقار الصوص بالماء حتى يتسرب الماء الممزوج بالتحصين داخل الخشم او العين او الفم
2- تعطش الطيور لمدة 16 ساعة و بعدها تسقيها الماء الممزوج بالتحصين

التحصين يوجد به فيروسات ضعيفة جدآ لذا يجب على الطيور شرب الماء خلال اقل من ساعة و بعد ساعه يكون المحلول بدون فائدة