السلام عليكم ,,,
أنا بشتري لي ماعز عرضي حول 50 راس
وبربيها وبعتني فيها ,,,,
ابغى اعرف هل تنصحوني اربي ماعز عرضي ولا اشوفلي حري ولا نجدي ولانعيمي
لانني سمعت ان الماعز العرضي تمرض كثييير وتموت ايضا ,,
فأيش تنصحوني انتم
وايضا ابغى اعرف 50 راس في اليوم كم مكعب ياكل وايش الانواع ,, وكمان البهم ايش أأكله
ويعطيكم العافيهالمصدر: منـتـديات أغـــنـامhsjtshv gHig lvfd hglhadm
عليكم السلام ورحمة الله وبركاته
اول شي نقول الله يدلك على اللي فيه خير لك
الماعز العارضيه طيبه لكن شف وش اللي يناسبك
بالنسبه للطعام
خمسين راس كفايتها نص كيس شعير و قلة برسيم يومياً
والبهم بعد ثلاث شهور تفطم ومايفضى الحوض من البرسيم والشعير
هذي طريقتي وكل واحد له طريقته
والله يبارك لك ويرزقك
اخوك أبو مهدي
التربيه اخوي حسب الرغبه والهوايه
حياك الله ياغالي وربي يوفقك وتحصل مبتغاك
الغنم غنيمة قالوها الأولين ونقولها اليوم والله أعلم بالمستقبل
قبل تبتدي مشروعك حاول تختار الحلال المطلوب بمنطقتك حتى تصرف من إنتاجك بالسوق :::
العوارض طيبة وفيها خير ولكن أمراضها كثيرة بس إذا تابعتها بالمكان الطيب والنضافة والتغئية السليمة والتحصينات بتعين من وراها خيربس لازم تختار فحل طيب بمواصفات عالية وهذا الشي يكلف فلوس الله يعينك:::
الحري: طيب وأكله قليل وإنتاجه طيب ونسبة المتاومة فيه عالية وأمراضه قليلة ولحمه طيب ومطلوب بالسوق خصوصا بالحجاز:::
النعيم مثل النجدي لحمه طيب ولكن أكله أكثر من الحري والعارضي وأمراضه أقل من العارضي ونسبة المتاومة بالنجدي أكثر من النعيمي ولحم النجدي أكثر وأطعم:::
50 راس تعطيها كيس شعير ولبنة برسيم تقسمها نص الصبح ونص العصر مع شوية تمر وأنتبه تكثر:::
أتمنى نكون أفدناك
ربي يوفقك
أخوك أبوسعد
يعطيكم العافية ,,,
بانتظار الاراء الاخرى
افادك اخوي ابو سعد
مثل ماتفضل اخونا ابو سعد ماقصر واللـه يعطيه العافيه وفصلها لك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات