منتـديـــات اغــنــــام :::::::::::: تــهنئكــــم بحــلول شــهر رمـــضــان المبـــارك ,,,,,,,, تـقبــل الله صـــالــح أعــمـالــكـــــــم ...............

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا


[  ] [ عدد مرات العرض 238948805 ] [ عدد النقرات 33976 ]
[  ] [ عدد مرات العرض 225367803 ] [ عدد النقرات 0 ]
[  ] [ عدد مرات العرض 229336106 ] [ عدد النقرات 0 ]

صفحة 1 من 2 12 الأخيرةالأخيرة
النتائج 1 إلى 15 من 24

الموضوع: مطلوب من أهل الخبرة بالمنتدى : دراسة جدوى اقتصادية .

السلام عليكم ورحمة الله وبركاته .. وبعد أمسي على جميع اخواني بالمنتدى الرائع بالخير وأسأل االله لي ولكم التوفيق دنيا وآخرة يالربع أنا أبغى ادخل التجارة عن

  1. #1
    عضو جديد
    تاريخ التسجيل
    27.06.2007
    المشاركات
    21
    معدل تقييم المستوى
    0

    مطلوب من أهل الخبرة بالمنتدى : دراسة جدوى اقتصادية .

    السلام عليكم ورحمة الله وبركاته .. وبعد

    أمسي على جميع اخواني بالمنتدى الرائع بالخير وأسأل االله لي ولكم التوفيق دنيا وآخرة

    يالربع أنا أبغى ادخل التجارة عن طريق تربية الغنم .

    والفكرة اني ابدأ ب 200 راس من الغنم الحرية بفحولها واخليها تنتج وابيع عيالها .

    فهل الدعوى مكلفة ؟ يعني يادوب عيالها تجيب كلفة طعامها ولا فيه مكاسب ؟؟

    تكفون ياهل الخبرة ابغى شوركم أنا مقدم بحماس وتحمست أكثر بسبب منتداكم الله يحفظكم .

    وبعدين عندي فكرة : اني ابيع جميع الانتاج طليان ورخال وابدلها بشراء غنم كبيرة علشان ما اجلس انتظر الرخال تكبر وتصرف أكثر . لأني ناوي اكثر العدد ابغاها تاصل ان شاء الله 1000 راس .

    قولوا ما شاء الله مطلوب الخبرة بالمنتدى دراسة جدوى 5.gif واحد طموح هاهاهاها .


    l'g,f lk Hig hgofvm fhglkj]n : ]vhsm [],n hrjwh]dm > lil d],d pvhsm


  2. #2
    عضو جديد
    تاريخ التسجيل
    09.04.2007
    المشاركات
    2
    معدل تقييم المستوى
    0
    ابن الريف مساء الخير .... شف الغنم غنيمه وان شاء الله يوفقك . بس فيه امور لازم تعرفها زين منها المشكله الاساسيه التعليف العلف بياكلك واجد بس فيها فلوس بعدين ... 100 راس تاكل الصبح 2 برسيم وبعد الهر 2 ذره والمغرب كيس شعير كامل ... يعني احسبها زين من غير لاقدر الله امراض او موت او الذيب ياكل منها ههههههه ... فيه طريقه مربحه ان تستاجر مزرعه بتوفر عليك كثير يعني بس تجيب شعير ... وش الناضافه مهمه جدا والعامل لازم يكون فاهم زين لان لو تعسرت ولاده او اي شي بس عالعموم يابن الريف لاتدخل حاجه الا ان تسال اهل الخبره القديمه هم الي بيفيدونك كثي .... وردي عليك اجتهاد فقط .. والله انا ناوي اشري غنم مثلك واتاجر بعيالهن ولي الان اكثر من شهر ونا اسأل وادور الناس الفاهمه .. يارجال حتى سوق الغنم كل يوم وانا متواجد عندهم ولاخليت سوداني الاوسالته ترى الدعوه ماهي عيب عالى العموم الله يوفقك ويوفقنا....

  3. #3
    كاتب فعال
    تاريخ التسجيل
    10.07.2007
    الدولة
    الرياض
    المشاركات
    189
    معدل تقييم المستوى
    12
    السلام عليكم .. مساكم الله بالخير .. أخي الكريم ( ابن الريف ) .. استشر العقلاء من أهل الخبرة في هذا المجال ثم استخر رب العزة والجلال وتوكل عليه واضعاً نصب عينيك قوله صلى الله عليه وسلم (( اتخذوا غنماً فإنها بركة )) .. هذا والله أعلى وأعلم.

  4. #4
    كاتب فعال الصورة الرمزية ابو دحيم
    تاريخ التسجيل
    09.07.2006
    المشاركات
    196
    معدل تقييم المستوى
    13
    اي شيء تريد اسال ونا اخوك ونشالله نفيدك بللي نقدر...........

  5. #5
    كاتب نشيط الصورة الرمزية راعي الدوادمي
    تاريخ التسجيل
    01.05.2007
    المشاركات
    97
    معدل تقييم المستوى
    12
    أنا مشغول مثلك بنفس الموضوع ...
    يعني لازم .. توفر لها طعام عام كامل .. وراعي ثقة , ومكان للشرب دائم , عشان ما تبهذل نفسك .. وتصير ثقيل على السوق . ولا ترتد عليها وتبيع منها بخسارة إذا طفرت .
    200 , على الأقل تحتاج 60 كيس شهريا , على ستة شهور 450 كيس , قل 500 كيس , شعير إسترالي أبو سنبلة 28 تطلع عليك بـ 14 ألف ريال .
    وبرسيم ربطة كل يوم 15 ريال , في شهر 450 وفي ستة شهور 3 الاف ريال . وغير الماء وبعض الإضافات .
    تحط في حسابك إنك بتجهز أعلاف بقيمة 35 ألف سنوياً , وتكون حاضرة للإستخدام دفعة واحدة . عشان ترتاح وتريح نفسك ولا تأثم في البهايم . وتشيل فكرة أن تودي للسوق .

  6. #6

    تاريخ التسجيل
    17.06.2007
    المشاركات
    16
    معدل تقييم المستوى
    0
    أخوي ابن الريف تحية ود
    على ذكر غنم حرية من أتت هذه التسمية؟لماذا تم ترك التسمية الصحيحة القديمة (حبص ـ حبصية) التي تسمى بها غنم عالية نجد والحجاز،،،،،، وشكراً.

  7. #7
    كاتب فعال الصورة الرمزية ابو دحيم
    تاريخ التسجيل
    09.07.2006
    المشاركات
    196
    معدل تقييم المستوى
    13
    اقتباس المشاركة الأصلية كتبت بواسطة المهاجر مشاهدة المشاركة
    أخوي ابن الريف تحية ود
    على ذكر غنم حرية من أتت هذه التسمية؟لماذا تم ترك التسمية الصحيحة القديمة (حبص ـ حبصية) التي تسمى بها غنم عالية نجد والحجاز،،،،،، وشكراً.

    اخوي بعد اذن ابن الريف..احب اشارك بهذا الطرح..
    غنم الحجاز تسمى في نجد حريه عموما على انواعها الاثنين..>>>ممكن تكون التسميه ماخوذه من الحره اي مناطق الحجاز الصخريه<<<هذا استنتاجي..
    وهي على نوعان
    1- حريه حبصيه2-
    حريه حرشه.++
    الحريه الحبصيه تكون صغيره الجرم وملساء لايوجد عليها صوف.
    اما الحريه الحرشه وهي المفضله تكون ذات صوف وافر وحرش هذا الصوف وكبيره الجرم..
    وتقبل تحياتي

  8. #8
    عضو جديد
    تاريخ التسجيل
    27.06.2007
    المشاركات
    21
    معدل تقييم المستوى
    0
    جزاكم الله خير الجزاء ,,
    جميع من مر وشارك سررت كثيراً برأي الإخوان وأتمنى أكثر وأكثر من الآراء والتجارب في هاذا المجال ..

    وعندي استفسار من ناحية الفحول كم يناسب يكون عدد الفحول ؟ لعدد 200 رأس .

    وفقكم الله .

    ابن الريف

  9. #9
    عضو جديد
    تاريخ التسجيل
    06.07.2007
    المشاركات
    20
    معدل تقييم المستوى
    0
    اهلا بك ابن الريف وكيف حالك واش سويت في مشروعك وبكم ابتديت وكيف حال الاغنام

    حدثني عن مشروعك ممكن افيدك.
    واتمنى التعرف عليك لاني مغرم مثلك بالاغنام وممكن نتواصل لنفيد بعضنا
    والله الموفق

  10. #10
    كاتب نشيط
    تاريخ التسجيل
    31.01.2006
    المشاركات
    117
    معدل تقييم المستوى
    13
    اقتباس المشاركة الأصلية كتبت بواسطة ابن الريف مشاهدة المشاركة
    السلام عليكم ورحمة الله وبركاته .. وبعد

    أمسي على جميع اخواني بالمنتدى الرائع بالخير وأسأل االله لي ولكم التوفيق دنيا وآخرة

    يالربع أنا أبغى ادخل التجارة عن طريق تربية الغنم .

    والفكرة اني ابدأ ب 200 راس من الغنم الحرية بفحولها واخليها تنتج وابيع عيالها .

    فهل الدعوى مكلفة ؟ يعني يادوب عيالها تجيب كلفة طعامها ولا فيه مكاسب ؟؟

    تكفون ياهل الخبرة ابغى شوركم أنا مقدم بحماس وتحمست أكثر بسبب منتداكم الله يحفظكم .

    وبعدين عندي فكرة : اني ابيع جميع الانتاج طليان ورخال وابدلها بشراء غنم كبيرة علشان ما اجلس انتظر الرخال تكبر وتصرف أكثر . لأني ناوي اكثر العدد ابغاها تاصل ان شاء الله 1000 راس .

    قولوا ما شاء الله واحد طموح هاهاهاها .



    اخي العزيز ابن الريف
    اولا: هل لديك خبرة في تربية الاغنام؟
    ثانيا: تربية الاغنام مكلفة لكن تكرم راعيها اذا اكرمتها
    والبداية 200 راس جدا ممتازة
    وان شاء اللة انها مربحة

    لكن قبل ان تشتري غنم هناك عدة اعتبارات منها
    في اي منطقة تسكن؟
    ما هو نوع الاغنام المرغوب عندكم؟
    وكيف قيمتة غالي او رخيص؟

    بعد هذي الاسئلة يا الحبيب نروح لتربية
    قبل ما تشتري غنم لابد انك تلقى راعي
    وكل اهل الحلال يعرفون ان الراعي المصلح يصلح الغنم
    وهل لديك مزرعة ام الرعي في البراري
    لان لو عندك مزرعة راح تقل التكلفة الماء والحشائش

    واذا بغيت تشتري غنم لا تشتري حيل خلها كل ابوها مضاريع او عيالها معها
    وبعد عن الكبار في السن
    ولا تشتري على كيف راعي الحلال
    اشتر على كيفك انت

    وعن فكرة بيع الانتاج كلة من رخال وطليان
    فكرة جميلة
    لكن تبيع الرخال وتشتري مكانها غنم كبار
    كنك يابو زيد ماغزيت
    الطليان بيعها والرخال اللي ماهي طيبة بعد بيعها
    لكن الرخال الزينة خلها لانها بعد سنتين او ثلاث راح تكون هي ام الانتاج

    وراح تبيع امهاتها لان راح يكون عندك انتاج بعيد المدى

    وعن الفحول تحتاج اقل شي فحلين او ثلاثة وتقدر تزيد على كيفك


    وعن تكلفتها

    اذا كانت 200 راس راح تكافك في السنة ما بين برسيم وشعير
    28 الف ريال من غير راتب الراعي والماء
    وهذا ما لدي يا اخي العزيز
    واتمنى لك التوفيق والرزق الوفير
    وسلامتكم

  11. #11
    عضو جديد
    تاريخ التسجيل
    27.06.2007
    المشاركات
    21
    معدل تقييم المستوى
    0
    والله ما قصرتو جميعاً .

    أخي الكثيري تشرفت بمرورك ومشاركتك وشعورك النبيل

    الغنم ابشرك بديت بشراء 200 راس وهي عندي في المزرعة

    والحمد لله حالها طيب وبدت تنتج ولله الحمد .

    أخي البدراني : شكراً جزيلا لك على معلوماتك لكن أنا مع بدايتي اصرف اكثر من الميلغ اللي ذكرته 28000 لأني اعطي خمس مكعبات برسيم و ثنتين تبن وانتم بكرامة واحط كيسين شعير يومياً لأن الغنم ما تسرح واحس اني باصرف عليهم كثير لكن الله يعين وينزل البركة لي ولكم ولكل المسلمين

    تحياتي وأشواقي لكل من مر على موضوعي .

    اخوكم الجديد : ابن الريف .

  12. #12
    كاتب فعال الصورة الرمزية ksa77
    تاريخ التسجيل
    10.06.2007
    المشاركات
    243
    معدل تقييم المستوى
    12
    ابن الريف حياك الله
    ونعم الاختيار الحريه
    لاكن فيه فرق الله يعافيك بين تربيه وانتاج وبين تسمين يعني بتعليفك هذا بتشوفها سمينه وبعدين تدخل في مشكلة تلقح او ماتلقح الفحل يقدر ينسف ذيلها ولامايقدر
    انا اشوف انك تجرب الوافي مكعبات يعطي نتائج طيبه جرب بنفسك ولا تسمع من احد
    تحتاج لعدد 200راس 100كيلو مكعب( 2كيس) في المساء و 2 باله ذره او رودس في الصباح
    جرب لاكن بتدرج وبتدعي لي لا رايح اجيك وتذبح لي منها

  13. #13
    عضو جديد
    تاريخ التسجيل
    27.06.2007
    المشاركات
    21
    معدل تقييم المستوى
    0
    اقتباس المشاركة الأصلية كتبت بواسطة ksa77 مشاهدة المشاركة
    ابن الريف حياك الله
    ونعم الاختيار الحريه
    لاكن فيه فرق الله يعافيك بين تربيه وانتاج وبين تسمين يعني بتعليفك هذا بتشوفها سمينه وبعدين تدخل في مشكلة تلقح او ماتلقح الفحل يقدر ينسف ذيلها ولامايقدر
    انا اشوف انك تجرب الوافي مكعبات يعطي نتائج طيبه جرب بنفسك ولا تسمع من احد
    تحتاج لعدد 200راس 100كيلو مكعب( 2كيس) في المساء و 2 باله ذره او رودس في الصباح
    جرب لاكن بتدرج وبتدعي لي لا رايح اجيك وتذبح لي منها
    مشكور اخوي على النصيحة الطيبة وان شاء الله راح اجربها

    الله يجزاك خير الجزاء وتشرفني والله زيارتك .

  14. #14
    كاتب فعال
    تاريخ التسجيل
    30.12.2006
    المشاركات
    260
    معدل تقييم المستوى
    12
    جزاكم الله خير جميعاً

  15. #15
    عضو جديد
    تاريخ التسجيل
    20.12.2008
    المشاركات
    5
    معدل تقييم المستوى
    0

    A6 ياحبي للغنم

    الغنم ام الغنائم قال صلى الله عليه وسلم فيما معناه(في اخرالزمان يكون مال المرء المسلم الغنم)

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. لكل من يبحث ويسأل عن دراسة جدوى تربية الأغنام..تفضل هنا..!!
    بواسطة الأفندي في المنتدى الــمــنــتـــــدى الـــعـــــــــــام
    مشاركات: 31
    آخر مشاركة: 04.11.2009, 01:22 AM
  2. دراسة جدوى ((تربية النعاج والحملان ))
    بواسطة راعي الحلال في المنتدى الــمــنــتـــــدى الـــعـــــــــــام
    مشاركات: 10
    آخر مشاركة: 08.03.2009, 02:18 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •