عندي زواج بعد ايام واحترت وش اذبح خاصة وانا قليل الخبرة . ابشتري نجد لكن وش العمر المناسب الرباع والا السديس ؟ وكم اسعار الغنم اللي تصلح ؟ عقبال زواجكم ، عجلوا علي بالشور ياهل الشور والعرف .المصدر: منـتـديات أغـــنـام.,h[d fu] hdhl ,a ykl hg`fp hglkhsfm?? .,hd]
اجمل التهاني والتبريكات ....نقدمها لك من منتدانا .....ومنك المال ومنها العيال....جعل زواجك ...زواج ميمونا...وبالمبارك يا معرسنا .....
الف الف الف مبروك
الله يجعل فالك الخير والسعادة
اما عن الذبائح لاتكون كبيرة العمر لان الباقى
يعتمد على الطباخ من حيث جودة الاكل
الله يوفقك
الف الف مبروك ياخو مزنه
النعيم افضل شي ويكون عمره من ثنيان الى ربعان
وعلى قول اخوي الخلاوي اهم شي الطباخ
الف الف مبروك زواج سعيد باذن الله
الله يبارك لك ويجمع بينكم على الخير
وعليك بالنعيمي الجزل
حياك الله يالغالي وشرفنا تسجيلك
قلنا وين مكانك والباقي يفيدونك فيه الشباب
اما رقم راعي حلال معروف او مكانه او اسمه اذا ما كان واحد منهم
بارك الله لك وبارك عليك وحمع بينكما بخير
الف مبروك والله يجمع مابينكم على خير
عليك بالنجد
والأفضل السن من 10 شهور الى سنه
الله يبارك بكل واحد فيكم ، والعقبى لديكم بالمسرات ، حقيقة تفاعلكم أخجلني شكرا لتوجيهاتكم وإن شاء الله نظل في هالمنتدى ونقدم شيئا .
مبروك والله يجمع بينكم على الخير
ياخو مزنه
(بارك الله لك وبارك عليك وجمع بينكما في خير)
شوري عليك واذا تبي تواجه الرجال اكرش مخابيك وعليك بالهرافي النعيمي ولا تعداها
ومبروك مقدما
أبو فهد ، بو حمد، راعي الحلال الله يبارك فيكم جميعا وعقبالكم اشكرك على النصيحة ياراعي الحلال
الأخ تمام ، بالنسبة لي انا من القصيم واشكرك على شعورك الطيب الله يوفقك .
اخوي بالنسبه للقصيم
هل انت من عنيزه او بريده او ...
نبي والله نساعدك ندلك على راعي حلال معروف عشان مايغشك ويراعيك
ماشاء الله الله يوفقك لكن يقول اللحم في الابل والمطاريس بالغنم خذ لك حاشي أحسن لك
اخوي تمام اذا كنت تعرف احد بعنيزة بالرس ببريدة في هالدائرة كلها قريبة واشكرك ثانية على شعورك وتواصلك الله يبقيك ذخر
بن عريفج بارك الله فيك والبل والغنم كلها عطايا الله بس انا من هواة لحم الغنم من غير قصوربالحاشي تحياتي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
المفضلات