نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا


[  ] [ عدد مرات العرض 273869525 ] [ عدد النقرات 42338 ]
[  ] [ عدد مرات العرض 260288523 ] [ عدد النقرات 0 ]
[  ] [ عدد مرات العرض 264256826 ] [ عدد النقرات 0 ]
[  ] [ عدد مرات العرض 44889807 ] [ عدد النقرات 0 ]

النتائج 1 إلى 6 من 6

الموضوع: الرعاية السليمة للغنم الدفيع ؟؟؟

العلم يالربع ولا هنتو جميع ناصي الدكتور بخيت وراع المهيلة وجامع الاخبار( الطيبة ) .. علمي لكم خير .. عندي الغنم حريات وأغلبها دفيع تبدأ ولادتها بحول الله بأول

  1. #1
    عضو جديد
    تاريخ التسجيل
    20.09.2010
    المشاركات
    46
    معدل تقييم المستوى
    0

    الرعاية السليمة للغنم الدفيع ؟؟؟

    العلم يالربع ولا هنتو جميع ناصي الدكتور بخيت وراع المهيلة وجامع الاخبار( الطيبة ) ..

    علمي لكم خير .. عندي الغنم حريات وأغلبها دفيع تبدأ ولادتها بحول الله بأول شهر شوال ...

    علف الغنم لكل 100 نعجة : 1 كيس شعير +2 تبن يومين تبن والثالث برسيم وعلى هالحال ..

    + ملح عادي + مكعبات موفرها بمراحها وبمقيلها ..

    سؤالي وش ملاحظتكم على هالبرنامج وما هي افضل فيتامينات مناسب ومجرب .




    hgvuhdm hgsgdlm ggykl hg]tdu ??? hgvyhde


  2. #2
    من كبار الكتاب الصورة الرمزية مقحص
    تاريخ التسجيل
    11.11.2010
    الدولة
    الرياض
    المشاركات
    3,013
    معدل تقييم المستوى
    12
    علف الغنم لكل 100 نعجة : 1 كيس شعير +2 تبن يومين تبن والثالث برسيم وعلى هالحال ..
    اشوف ان كيس شعير حرام في 100 نعجه سطلين بتكون كافيه وافيه عليها
    2 تبن كافيه للعدد
    2 برسيم كافيه للعدد

    بس لو المية عندي

    شف وش ابسوي طال عمرك

    الصبح سطلين شعير + حبه ونصف برسيم

    اعطيها العصر حبتين برسيم

    والتبن ماني مقرب عليه ابد

    لانك لو تلاحظ الغنم تهب في البرسيم اكثر من التبن ( دليل حبها له اكثر من التبن )

    والغنم في اخر ايامها مابعطيها غير كذا

    ركز بلكات الاملاح شي طيب تحصله على عشره ريال يحتوي على المواد المطلوب ونسبه من دبس التمر

    والاهم من هذا كله
    الغنم تمر في اخر شهر من الحمل يعني ياقربها من تسمم الحمل .. لانها تحصل العاده في اخر ثلاث اسابيع من الحمل

    واسال الله انه يجنبه حلالنا وحلالك والخوان الكرام

    ركز لها دبس التمر في الماء .. الثلاث الايام الجايه مع الماء

    وبعدها عطها يوم وخلها يوم
    جالون دبس تمر تحصله بــ 35 عند البيطري حسب ماذكر لي بالمنتدى
    وفيتامين هـ س مع الماء ان شاء الله بيعطيك مواليد اصحاء باذن الله لاتنساه بعد

    ماني بعلم من احد بس حبيت اعطيك اللي عندي طال عمرك
    وبانتظار الاخوان وارائهم اللي مانستغني عنها

  3. #3
    عضو جديد
    تاريخ التسجيل
    20.09.2010
    المشاركات
    46
    معدل تقييم المستوى
    0
    كفووو من طيبك جزاااك الله خير

  4. #4
    من كبار الكتاب
    تاريخ التسجيل
    28.04.2009
    المشاركات
    1,877
    معدل تقييم المستوى
    13
    الحقيقه اخوي مقحص الله يجزاه خير اعطاك علم طيب
    وانا معه مدام انها دفيع فأبعد التبن عنها وبقيمة 2 تبن اعطها وحده برسي افضلها
    خذ طريقتي مع طريقة الأخ مقحص وشف الأفضل لك والأرخص وطبقها كلها طيبه
    طبعآ طريقتي لأنه الصيف والبرسيم حار بخلي الشعير الضهر
    ودائمآ اعتمد على توزيع كمية وجبتين على ثلاث وجبات عشان ما يطلع اخراج وتستفيد منه البهيمه

    لعدد 100 حريه اذا كان البرسيم شد تبوك درجه اولى

    الصباح الساعه 7 حبه واحده برسيم
    الظهرالساعه2 كيس واحد شعير
    ا لمساء الساعه 7 حبه واحده برسيم
    اذا جاء الشهر الأخير زود كل وجبه نصف الكميه

    الماء لازم يكون حلو واضافاته كما ذكر اخوي مقحص الدبس كاسة بلاستك البيضاء مليانه دبس على الكفر
    كل شهر خمسة ايام ويفضل يوم بعد يوم والشهر الأخير تخليه يوم بعد يوم حتى تشوف الولادات

    المكعبات حطها قدامها وابعد ملح الطعام عنها
    وبالتوفيق وان شاء الله يرزقك ربي منها الحلال الطيب

  5. #5
    من كبار الكتاب الصورة الرمزية راع المهيله
    تاريخ التسجيل
    23.08.2008
    المشاركات
    1,650
    معدل تقييم المستوى
    13
    راعي امسوحل نصيت ووصلت وابشر غالي والطلب رخيص

    انا من رأيي توقف التبن البرسيم افضل منه بكثير
    اختار واحد من البرنامجين هذي

    الاول
    اعطيهم الصباح حبتين برسيم شد اول
    العصر حبه شد اول + نص كيس شعير

    الثاني
    الصباح حبتين برسيم شد اول
    العصر كيس شعير


    نجي للفيتامنات اعطي الفيتامينات السائله الاوربيه استخدم ملتي فيتامين + املاح + احماض امينيه تجي بقاروره وحده + فيتايمن هـ سلينيوم

    وياليت لو تحط لها دبس تمر في الماء لو بكميات قليله عشان تتلافى تسمم الحمل او عطهم شوي تمر

  6. #6

    مراقب عـام الصورة الرمزية المهندس عبدالله


    تاريخ التسجيل
    18.02.2007
    الدولة
    المملكة العربية السعودية - الرياض
    المشاركات
    3,279
    معدل تقييم المستوى
    16

    مثل ما قالوا لك الأخوان

    بس تأكد أن الحلال ما فيه اي ديدان ولا شيء

    لان اذا كان فيه ديدان نصف العلف ما تستفيد منه ابدا

    فنصيحتي لك ولكل الاخوان

    1- تطعيم جميع الحلال أفوميك امريكي الاصلي اللي علبته بـ 95 ريال.....

    2- استخدام علاج الديدان في الماء ...

    3- استخدم الثوم في الماء لمدة خمس أيام كل شهر وطريقتي في الثوم أنك تخليه مطحون مثل العصير في الخلاط ثم تعبيه في علب العصير اللي تجيك 2 لتر وخلي معك مقياس الماء وتحط في كل كفر 200
    مليلترولعى على المية لتر تحط 500 مليلتر...

    اخوك أبو صالح

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •