نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع aghnam@gmail.com

ضع إعلانك هنا



صفحة 1 من 2 12 الأخيرةالأخيرة
النتائج 1 إلى 15 من 26

الموضوع: تكفون يأهل العرف دلوني??????

تكفون يأهل العرف دلوني أخواني في هذا الموقع كل عام وانتم بخير ومبارك عليكم الشهر الفضيل حبيت اخذ رايكم في موضوع شخصي عندي والمثل يقول

  1. #1
    كاتب متألق
    تاريخ التسجيل
    08.06.2008
    المشاركات
    593
    معدل تقييم المستوى
    14

    D2 تكفون يأهل العرف دلوني??????

    تكفون يأهل العرف دلوني


    أخواني في هذا الموقع كل عام وانتم بخير ومبارك عليكم الشهر الفضيل

    حبيت اخذ رايكم في موضوع شخصي عندي

    والمثل يقول

    ( من شاور الرجال شاركهم عقولهم )

    ادخل لكم في الموضوع وان شاء الله أجد الجواب الشافي عندكم

    قدر الله وجمعني مع ربع طيبين شرواكم في استراحة نسولف فيها ونجتمع فيها من وقة للأخر

    المهم اشترك معنا واحد مسولف ما شاء الله عليه وفي أي موضوع يفتيك ويملحها بشوية كذب ملح بس مع أن

    الكذبه واضحة للعماء والشباب مخلينه يأخذ راحته ما يبون يزعلون احد في الاستراحة

    وفي يوم من الأيام كنت اسولف عن موضوع عرض على شاشة التلفزيون جاء حبيبنا أبو العريف ودخل علي

    عرض يبي يبين انه فاهم وسائلني يبي يحرجني قدام ربعي عن الموضوع إلي كنت اسولف فيه ورديت عليه

    برد مقنع وحاول هو يهمشني
    وقالي السالفة كذب بس بطريقه دبلوماسية مثل عادته قال هذا كلام تلفزيون ريا رجال خللك منه أكلتها أنا وسكت احترماً لشباب

    ويريد الله
    أني ألقاه يوم يسولف بموضوع ويفتي فيه وبعض الربع عارف أنها يهايط ويكذب ويجاريه ما يبون مشاكل في الاستراحة

    والشباب بعضهم طيب ومصدقه بأي شي يقوله ولا يشوف مثله

    أنا إبليس دخلني
    قلت يا ولد لازم توضح له أنه مكشوف وكذبه واضح ولا يصير يكذب واللي ينقل سوالفه يطلع مثله كذوب وانه لا زم يوقف ويستحي من هل الكلام لا يروح عند ناس تنشر غسيله وتلقنه درس ما ينساه وبعدين نخاف يفضحنا مع الضيوف الأجناب اللي يزورونا في الاستراحة
    قمت ألاغيه( اسحبه في الكلام) في سالفته

    لأكن هو ما شاء الله رجال هريج وعنده مطار لك الطائرات اللي بعالم

    وعلى قولت المصريين

    يدخلك البحر ويطلعك ناشف

    ومسكت عليه مماسك تخليه يوقف عن بيع الكلام والإفتاء في كل سالفة وموضوع يفتح في الاستراحة وهو ما يعرف فيه شي


    س1= هل اسقيه من نفس دلته الي صب لي منها ؟ وبنفس أسلوبه ؟ واعلمه يحترم الناس ؟



    س2= لو كنت محلي ماذا تفعل وش تقول ؟ وهل تبين لناس عيوبه ؟والاتتركه يبيع كلام على الشباب الطيبين وهم قلوبهم صافيه وعلى نياتهم مصدقينه؟ ولا اخليهم لما هم يكشفونه على حقيقته


    هل حين أبي شوركم وعرفكم تكفون لا تبخلون عليه



    j;t,k dHig hguvt ]g,kd?????? ]g,kd


  2. #2
    محظور
    تاريخ التسجيل
    29.06.2007
    المشاركات
    546
    معدل تقييم المستوى
    0
    بسم الله الرحمن الرحيم
    اخوي العزيز . اذا كان يكذب عادي خله يكذب براحته . لكن اذا وعدك بشي وما نفذه : مثلا سوى فيها انه يعرف فلان او وفلان او لك حاجه وطق صدره وقال ازهلها عندي !؟؟ وفي الاخير طلع الامر فشوف . حينها لا تسكت له اغسل شراعه .
    وترى شفنا من هالنوعيات واجد . ولكن نتركه الين نسمك عليه درب . وبعدها نغسله قدام الله وخلقه .

  3. #3
    من كبار الكتاب
    تاريخ التسجيل
    31.07.2008
    الدولة
    الشرائع
    المشاركات
    7,922
    معدل تقييم المستوى
    21
    أولا :من عفى وأصلح أجره على الله ثانيا: تاخذه على جنب وتنصحه وتوضح له أخطائة باسلوب طيب
    ثالثا: تجنب كثرة النقاش معه وخاصة أمام الناس
    هذا والله أعلم

  4. #4

    تاريخ التسجيل
    16.01.2007
    الدولة
    الرياض
    المشاركات
    5,524
    معدل تقييم المستوى
    20
    اولا انصحة على انفراد وخلك اطيب منه
    وان ما نفع ناقشة في كلامة امام الناس وبين كذبه لكن يجب عليك ان تخذ عليه ممسك قوي وحجتك معك
    والله يهدينا ويهديه

  5. #5
    كاتب مميز
    تاريخ التسجيل
    19.04.2007
    المشاركات
    484
    معدل تقييم المستوى
    15
    ما ازود على كلام الاخوان لكن انصحه بينك وبينه ..

    عموماً هاذا طبع صعبه يتغير ..

  6. #6
    عضو مميز
    تاريخ التسجيل
    07.03.2007
    المشاركات
    18,210
    معدل تقييم المستوى
    34
    [motr1]
    ردبه ..............
    [/motr1]

  7. #7
    كاتب متألق
    تاريخ التسجيل
    08.06.2008
    المشاركات
    593
    معدل تقييم المستوى
    14
    اقتباس المشاركة الأصلية كتبت بواسطة ولد نجد مشاهدة المشاركة
    بسم الله الرحمن الرحيم
    اخوي العزيز . اذا كان يكذب عادي خله يكذب براحته .

    لاكذبه كلام بس ولكن بكذبه يضر العالم اللي تصدقه لانه في بعض الاحيان يوصف وصفات للشباب بالاستراحه وممكن يصير منها ظرر

    لكن اذا وعدك بشي وما نفذه : مثلا سوى فيها انه يعرف فلان او وفلان او لك حاجه وطق صدره وقال ازهلها عندي !؟؟ وفي الاخير طلع الامر فشوف . حينها لا تسكت له اغسل شراعه .

    لالا هذي النوعيه ما ناخذ منها وعود

    وترى شفنا من هالنوعيات واجد . ولكن نتركه الين نسمك عليه درب . وبعدها نغسله قدام الله وخلقه .


    ماهو عاد مسكه الا شراعه ما عاد ينشف بالاستراحه العمر كله
    شكرا على الاجابه



    اقتباس المشاركة الأصلية كتبت بواسطة راعي الإبل مشاهدة المشاركة
    أولا :من عفى وأصلح أجره على الله


    جزاك الله خير على هذا القول

    ثانيا: تاخذه على جنب وتنصحه وتوضح له أخطائة باسلوب طيب

    لو كان الغلط كان بيني وبينه لفعلة مثل هذا الكلام لاكن الغلط امام العالم

    ثالثا: تجنب كثرة النقاش معه وخاصة أمام الناس
    هذا والله أعلم

    والله اني متجنبه لاكن هو اللي ما يتجنب احد
    وجزاك الله خير

    اقتباس المشاركة الأصلية كتبت بواسطة أبو فهد مشاهدة المشاركة
    اولا انصحة على انفراد وخلك اطيب منه
    وان ما نفع ناقشة في كلامة امام الناس وبين كذبه لكن يجب عليك ان تخذ عليه ممسك قوي وحجتك معك
    والله يهدينا ويهديه

    ماهو عاد مسكه

    وعزالله انكم نشاما واهل فزعه جميعكم

    وياليت تكون الاجابه منكم يالنشاما

    على هذه الاسئله بالتحديد لانها بتفيدني واجد


    س1= هل اسقيه من نفس دلته الي صب لي منها ؟ وبنفس أسلوبه ؟ واعلمه يحترم الناس ؟



    س2= لو كنت محلي ماذا تفعل وش تقول ؟ وهل تبين لناس عيوبه ؟والاتتركه يبيع كلام على الشباب الطيبين وهم قلوبهم صافيه وعلى نياتهم مصدقينه؟ ولا اخليهم لما هم يكشفونه على حقيقته


    وابي اشوف راي والمثل

    يقول شاور اللي اكبر منك واصغر منك ورد لعلقلك

    وارائكم تنيرني وتزيد من عرفي

  8. #8
    كاتب متألق
    تاريخ التسجيل
    08.06.2008
    المشاركات
    593
    معدل تقييم المستوى
    14


    اقتباس المشاركة الأصلية كتبت بواسطة وبل مشاهدة المشاركة
    ما ازود على كلام الاخوان لكن انصحه بينك وبينه ..

    عموماً هاذا طبع صعبه يتغير ..

    جزاك الله خير



    اقتباس المشاركة الأصلية كتبت بواسطة راعي الحلال مشاهدة المشاركة
    [motr1]
    ردبه ..............
    [/motr1]

    مافهمت والله وش معنى ردبه؟

  9. #9
    عضو جديد
    تاريخ التسجيل
    16.11.2007
    المشاركات
    21
    معدل تقييم المستوى
    0
    ياراع الاولة ....انتبه من التالية ....لاتقول اصب له من دلته وانت تعرف معاميلك ماهي معاميله، دلتك لمثلك وشرواك، ودلته لمثله وشرواه...
    الاخوان أشاروا برأي طيب ، وأنا انصحك أن تشاور كبار وعقلاء المجلس ،وينبه الرجل على انفراد ،وإن كابر فيبين له أن هذا رأي المجلس وأن عليه أن يعتدل أو يعتزل المجلس ...

  10. #10
    كاتب متألق
    تاريخ التسجيل
    08.06.2008
    المشاركات
    593
    معدل تقييم المستوى
    14
    اقتباس المشاركة الأصلية كتبت بواسطة رابح مشاهدة المشاركة
    ياراع الاولة ....انتبه من التالية ....لاتقول اصب له من دلته وانت تعرف معاميلك ماهي معاميله، دلتك لمثلك وشرواك، ودلته لمثله وشرواه...
    الاخوان أشاروا برأي طيب ، وأنا انصحك أن تشاور كبار وعقلاء المجلس ،وينبه الرجل على انفراد ،وإن كابر فيبين له أن هذا رأي المجلس وأن عليه أن يعتدل أو يعتزل المجلس ...


    بيض الله وجهك ويجعل مجلسك عامر


    عزالله انكم نشاما وارائكم تثلج الصدر


    وهذا اللي ابحث عنه ابي الجميع ينورني

  11. #11
    كاتب مبدع
    تاريخ التسجيل
    03.11.2007
    المشاركات
    988
    معدل تقييم المستوى
    14
    أنا لو منك أخير رعي في الإستراحة يانا ياهو وهنا المحك ان كانوا يعزونك صحيح بيقولون لاواله الا انت وهو في الطقاق وان اختاروه فوالله مااقعد مع ناس يفضلون هالأشكال علي

  12. #12
    كاتب فعال الصورة الرمزية ابو حمد44
    تاريخ التسجيل
    22.02.2008
    المشاركات
    297
    معدل تقييم المستوى
    14
    على فكره ذي الاشكال منتشرة بين الشباب بشكل مزعج , انواع الهياط فيهم مثل يقول
    ( انا اسوي وأنا افعل وصارلي كذا وفعلت كذا وأخوك ذيبان وأكرشهم ) مثل هذا الكلام
    الي يدل على نقص في النفس وعدم الاتزال وخلل في التربية في ايام النشء والمشكلة
    فيهم انهم يمسكون صدر المجلس قدام الربع والاجاويد وتلاحظ ما يخلي احد يتكلم وأن
    تكلم يسكتك بحكي بزران بل أطفال حجج غير مقنعه , ويزيد في الطين بله أنهم الغالب
    على ذولي فيهم سمة الغرور بشكل واضح وفاضح . ولا يتقبلون اي نصيحه ويتهمك أنت تبي تفتعل مشاكل مالها اول ولا تالي علشان كذا قولك :-

    1/ أنصحه على أنفراد , ان قبل النصيه وتغير فاالحمد لله وأن لم يتغير وهذا الاكيد
    في هذه الفئه ( الغرور والتكبر) وعدم الاعتراف بأالاخطاء , خبر الشباب عنه
    وعن حركاته الطفوليه الغير مسؤوله وأذا جاكم الاستراحه حولوا انكم تسفهونه في الكلام ( يعني ما تعطونه انه يبادر بل الكلام وأن تكلم اقطعوا كلامه وادخلوا موضوع ثاني خلوه يطفش منكم وان بدا يتلفظ عليكم , فعليكم به هذا
    ما يستاهل ان يكون معكم في الاستراحه .

    في الاخير غيروا معاملتكم معه وبيتغير اكيد

  13. #13
    من كبار الكتاب
    تاريخ التسجيل
    08.12.2007
    المشاركات
    2,119
    معدل تقييم المستوى
    16
    دام انه كذبه واااااااااااااضح و الكل عارف انه كذاب و كذبه مب ضار حد
    خله يتكلم لين ما يشبع

  14. #14
    كاتب فعال الصورة الرمزية ksa77
    تاريخ التسجيل
    10.06.2007
    المشاركات
    243
    معدل تقييم المستوى
    15
    لاتنصحه هذا طبعه وهذه مشكلة الاستراحات في كل مره يجيب واحد من افراد الاستراحه معه من معارفه وخذ من خلق الله سبحانه هذا ثقيل طينه وهذا قليل حياء وهذا فيه رجه وخاصه اذا كان في الاستراحه دش ومعسل وعشاء يلم عليك الفاضين كلهم
    لك احد امرين
    تصبر وتدرب نفسك على الصبر والتحمل وقلل من المناقشه والمحاوره في وجوده وثق تمام الثقه بعد فتره بيتصادم معه افراد الاستراحه وبيطردونه بس من فيكم اطول نفس
    الامر الثاني
    تحاول تطلع او تملك استراحه وتكون ملك لك وبعدها تتفق مع ربعك لااحد يجيب معه احد
    عندي واحد خويك هذا ارحم منه هذا ناشف لابعد درجه متطفل على المتطفلين اذا دخل الاستراحه وحصل باب سطل لي ماء عربيه مسحاه قعد يساومك فيها وبقوه وجه وذا اعطيته على انه يرجعها بعد الانتهاء منها لاعاد تحلم فيها مجرد حلم
    صبرت عليه وبعد فتره كل الاستراحات طردوه


  15. #15
    من كبار الكتاب الصورة الرمزية ابواريام
    تاريخ التسجيل
    27.05.2008
    المشاركات
    2,472
    معدل تقييم المستوى
    16
    هلابك
    منت مجبور تسمع كرمي
    اكتب رساله تبين فيها يجابياته وبسلوب المدح والاطراء
    وفي نهايت الرساله اكتب ملاحظاتك عليه بسلوب الناصح والمشفق عليه واذكر انك تحب له الخير وتخاف عليه (غير المتشفي)مع اخلص النيه
    غلف هذه الرساله وضع معها هديه كتاب يتكم عن مكارم الاخلاق والصدق والاخوه اختر ماتراه مناسب وكذالك قلم بعشره ريال
    غلف هذه الهديه بغلاف الهداياء ذات الالوان الجميله والاسلوب المميز
    وفى احدالاجتماعات اعطه وقبل المغادره علشان مايمديه يفتحها فى الاستراحه
    واذالم تنفع معه واقول وبكل شفافيه انتم مجاملين
    اكثر من الازم لان لابد ان تعمل السبب وتنصح وتوجه وبعدها اذا مانفعت لست مجبور على البقاء معه ابحث عن الر جال واليس اشباه الرجال
    محبك ابواريام

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •