نرحب باعضائنا الكرام وبالزوار ونتمى دوماً ان تجدوا مايسركم ويمكنكم التواصل مع المشرف تمام على واتسب وجوال 0505662861 لاي استفسار او مساعدة في الموقع

 

تنبيـــــه هـــام

دعماً من ادارة الموقـع فقـد تـم خفـض سعي المنتدى الى ١٪ على البائـع

ومن يواجه اي مشكلة في التسجيل التواصل على بريد الموقع [email protected]

ضع إعلانك هنا



صفحة 1 من 2 12 الأخيرةالأخيرة
النتائج 1 إلى 15 من 24

الموضوع: أقوى وأنجح علاج للإقلاع عن التدخين

الموضوع هذا حصري ... .. انا كتبته للفائده العامه .. اتمنى الجميع يقراه ليفيد ويستفيد .. كتبته باللغه العاميه .. .. واعذروني على الاخطاء كثرت الايام هذي

  1. #1
    محظور
    تاريخ التسجيل
    28.03.2009
    المشاركات
    18
    معدل تقييم المستوى
    0

    Z4 أقوى وأنجح علاج للإقلاع عن التدخين

    الموضوع هذا حصري ... .. انا كتبته للفائده العامه .. اتمنى الجميع يقراه ليفيد ويستفيد ..

    كتبته باللغه العاميه .. .. واعذروني على الاخطاء

    كثرت الايام هذي مواضيع الاقلاع عن التدخين

    ولاحظت في ناس كثير يقولون انهم جربوا كل وسيله وما نفعت معاهم

    انا مدخن من 5 سنوات .. وكنت ادخن بكتين باليوم ... " مالبور ابيض"

    بس تركته ولله الحمد

    حاولت اوقفه كم مره

    وكل ما اوقفه ... على طول بعد ساعه تجيني زي الانتفاضه وكذا لازم ادخن ..

    اذا جيت افكر كيف اوقفه ...

    ما اقدر اتخيل نفسي جالس كذا اتقهوى وما ادخن

    ما اقدر اتخيل نفسي جالس كذا ماسك طريق وزحمه وما ادخن

    ما اتخيل نفسي اشرب شاهي بدون ما ادخن

    ما اتخيل نفسي اجلس مع الشباب واسولف بدون ما ادخن

    ما اتخيل نفسي العب بلوت (ايام اول) بدون ما ادخن

    في حاجات كثير منعتني عن توقيفه

    حاولت

    وجربت "العلوك" الخاصه للامتناع عن التدخين

    ههههههههههه ما صمدت الا نص ساعه

    جربت اللزقات او الباتشات اللي تلزقها بيدك

    برضوووووا ما نفعت .. بس صمدت المره هذي ساعتين

    المهم اني جربت اشياء كثييييييييييييييير

    وكلها ما نفعت

    قبل فتره

    كلمني واحد من الاصدقاء وقالي في حبوب جديده اسمهاchantix

    يقول ان عمه مدخن من 30 سنه .. ووقف الدخان عن طريقها

    انا ما صدقت .. وقلت له ابي اكلم عمك

    كلمت عمه وقالي كلامه صح .. وقالي انه يعرف ناس كثير وقفوا الدخان عن طريق االحبوب هذي

    يقول ناس صار لهم يدخنون فوق الـ 20 سنه ووقفوه

    المهم

    واروح واتصل على الدكتور تبعي وقلت له السالفه وقام هو ودلني على دكتور ثاني

    جا ذاك اليوم واجهز تأميني واوراقي عشان اروح لموعدي ( بامريكا يطلبون تأمين ) ورحت للدكتور

    الامريكي ..

    وطبعا قبل ما ادخل عنده لازم زقاره الطريق ههههههه

    المهم

    خلونا نشرح بطريقه مبسطه كيف الحبوب

    chantix

    اول حاجه ,,

    ## ليش الواحد يدخن ؟

    الواحد يدخن .. ويستنشق النيكوتين ..

    النيكوتين هذا يروح لحاجه يسمونها receptor في الدماغ

    الريسبتر هذا يستقبل النيكوتين والنيكوتين يخلي الدماغ يرسل رسائل او نبضات لدماغك عشان

    يخليه يفرز انزيم كيميائي اسمه Dopamine

    الانزيم هذا يعطيك شعور "بالمتعه" المؤقته .. وركزوا على كلمه مؤقته ...

    مؤقته... يعني تروح المتعه بعدها على طول انت تبي ترجع للمتعه هذي وتدخن زياده.. عشان كذا

    الجزء اللي قلنا عنه الريسبتور يطلب المزيد من النيكوتين

    عشان كذا تدخن اكثر واكثر ...

    هذي بأختصار فكره التدخين

    الحين ,,

    # وش تسوي حبوب الـ Chantix ?

    حبوب شانتكس تمنع الجزء اللي في دماغك اللي قلنا عنه اللي اسمه recptor

    يمنع الجزء هذا من استقبال النيكوتين .. يعني تسوي زي الحاجز بين الريسبتور والنيكوتين

    يعني لو تدخن من اليوم الى بكره .. النيكوتين ما راح يروح للجزء هذا ..

    واذا النيكوتين ما راح للجزء هذا .. خلاص دماغك او الريسبتور ما راح يطلب نيكوتين بعدها

    لانه بطريقه مبسطه .. خلاص ملللللللل ما يقدر يجيب نيكوتين .. يعني خلاص تلقائيا راح

    يستغني عن النيكوتين

    هذي صوره مبسطه تشرح اللي جالس اقوله

    أقوى وأنجح علاج للإقلاع التدخين chantix_brains.gif

    # ''طريقه استخدام حبوب chantix ?

    1- اول شي تسويه .. اشتر الحبوب هذي .. او رح لدكتور وخله يوصفها لك ...

    عندنا بامريكا يسمونها Chantix .. اعتقد بالسعوديه يسمونها Champix

    الحبوب هذي سعرها بامريكا حول الـ 400 ريال ...

    اذا شريت الحبوب راح تلاحظ ان فيها 4 علب .. علبه البدايه لونها اخضر الحبوب لونها ابيض .. و3

    علب لـ الاسبوع ما بعد البدايه لونها ازرق

    الحبوب لونها ازرق بعد

    مده مرحله الاقلاع النهائيه = 12 اسبوع واحتمال تكون 5 اسابيع

    2- حدد موعد لترك التدخين ... يعني مثلا قل بتاريخ الفلاني راح اوقف .. خلنا مثلا نقول 7-1-2008

    3- قبل اسبوع من الموعدد اللي حددته لترك التدخين .. ..يعني في حالتنا هنا بتارريخ 1-1-2008

    تبدا تاكل الحبوب حقت البدايه اللي

    هي بالعلبه الخضراء .. تاكل حبه وحده كل صبح .. مع استمراريه التدخين .. تاكل الحبوب

    وتدخن .. يعني تقدر تدخن

    ما يحتاج توقف على طول ..

    4- اليووم الثاني2-1-2008 .. والثالث3-1-2008 .. نفس الحاجه .. تاكل حبه وحده كل صبح ...( من

    العلبه الخضراء) ------ مع ملاحظه انك تقدر تدخن اليوم هذا

    5- اليوم الرابع ,, 4-1-2008 ... تاكل حبتين وحده الصبح ووحده الليل ( من العلبه الخضراء ) ------

    مع ملاحظه انك تقدر تدخن اليوم

    هذا

    6- تستمر تاكل حبتين باليوم حتى تخلص العلبه الخضراء ----------- مع ملاحظه انك تقدر تدخن

    الايام هذي

    7- راح تلاحظ بالاسبوع هذا .. انك ما تحس برغبه بالتدخين .. حتى راح تلاحظ لو كنت تدخن

    بكتين باليوم .. راح تنقص لـ بكت واحد باليوم او

    حتى اقل

    وهذا يرجع للحبوب اللي بالعلبه الخضراء .. بدت تمنع الريسبتور انه يجيه نيكوتين .. حتى راح تكره

    الدخان وريحته

    8- الحين جا الموعد حقنا حق الاقلاع ..اللي حددناه .. 7-1-2008

    باليوم هذا توقف الدخان ... وراح يكون سهل مره لأنك الحين بمرحله كره الدخان ...

    باليوم هذا تبدا بالحبوب اللي بالعلبه الزرقاء .. راح تاكل حبتين زرقاء كل يوم .. لمده 11 اسبوع ..

    وحده بالصبح ووحده بالليل

    مع ملاحظه انك اذا جا يوم بذاك الاسبوع وحسيت انك تبي تدخن ومرره ما قدرت وودخنت زقاره

    غصب هههه .. فهذا ما يعني انك الخطه هذي فشلت

    بالعكس استمر باكل الحبوب هذي لمده 11 سبوع .. كمل المده .. وصدقني راح توقف ..

    الحبوب طبعا يبي لك تشتريها كل شهر مره .. لان العلبه تكفي لشهر واحد ..

    هذي طريقه الحبوب هذي ...

    ## تجربتي

    - بعد ما خلصت اول اربع ايام .. بديت اكره الدخان معي اني اقدر ادخن ..

    صرت ادخن في الساعه زقاره .. بدل ما ادخن 4 زقاير بالساعه ...

    صرت مابي اشتري دخان

    صرت اتمنى يجي اليوم اللي انا حددته عشان اوقف الدخان ..

    جا ذاك اليوم .. ووقفته ..

    اول يوم .. عادي ما همني .. جا اليوم الثاني .. وبالغلط خذت زقاره .. بس يوم خذتها ما كملتها ..

    كرهتها . كرهت ريحتها كرهت كل شي فيها ..

    والحمد لله انا موقف الحين .. وصرت اكره الدخان كررررره

    لو الزقاره انسان .. مستعد اذبحه وادخل السجن عشانه الحين ههههههههههههه وش رايكم

    بالتشبيه

    ## تجارب غيري ::

    - هذا واحد اسمه براين يقول

    " كنت ادخن بكت ونص يوميا لمده 30 سنه .. الحين راح شهر وانا استعمل الحبوب هذي وما دخنت ولا زقاره .. يقول اي رغبه تجيني بالتدخين .. تروح في ثواني .. الحبوب من جد تخليك توقف وتكره الدخان .. اي حاجه جسديه ممكن يحس فيها جسدك بعد ترك التدخين .. تروح عنك بعد 4 اسابيع .. وخلاص انتهى الموضوع وانتهينا من الدخان "

    - هذا واحد ثاني اسمه سكني .. يقول

    " حددت موعد الاقتلاع عن التدخين في اول يوم من شهر جانوري ... وبديت اكل الحبوب قبل اليوم هذا بخمس ايام .. لقيت اول الايام شوي صعبه لكني الحاجه العجيبه اني قدرت اقلل مقدار الزقاير اللي ادخنها ... كنت ادخن بكتين باليوم لمده 30 سنه ... الحين في 4 ايام الاولى دخنت بكتين في 4 ايام !!! .... كل زقاره اخذها احس اني اكرها ... والزقاره اللي بعدها اكرها زياده وزياده .. بالحقيقه لقيت نفسي احاول ابعد عن الدخان والبكت مابي اشوفه

    صرت مابي اشرب قهوه عشان ما افكر بالدخان ... وصرت اذا شفت احد يدخن .. انحاش من عنده مابي اشم الريحه اللي اكرها ريحه الدخان .. الحين صار لي سبوعين ما دخنت ولا زقاره .. اتمنى التوفيق للجميع "

    - هذا سيندي .. يقول

    " بديت اكل الحبب قبل 15 يوم .. اخر زقاره خذتها قبل 7 ايام .. شي عجيب ومذهل كيف الحبوب هذي باول 7 ايام وانت تدخن ما تحس بالمتعه اللي تحس فيها اول .. انا حاليا متفاجئ كيف اني ما ادخن الحين

    .. اذا شربت قهوه او اي حاجه صرت ما افكر بالزقاره ابدا .. "

    - طبعا كلهم اشتركوا بحاجه وحده انهم جربوا كل شي وما نفع معهم .. بس الحبوب هذي نفعت ..

    اعتقد اني خلصت من الموضوع

    الموضوع كتب للفائده العامه .. اتمنى عدم النقل بدون ذكر المصدر

    وياليت نبدا حمله لمقاطعه الدخان ..

    اللي يعرف احد من الاقارب او الاصدقاء يدخن

    ياليت يخليه يشوف الموضوع هذا

    على فكرة سعر العلبة 177 ريال

    منقول عن باكرز (دعواتكم)

    للعلم الموضوع منقول عسى الله ان ينفع به اخواننا المسلمين

    واتمنى من كل من قراءه نشره لمن ابتلى بالدخان من الاصدقاء والاخوان لعل الله ينفع المسلمين به ان شاء الله



    Hr,n ,Hk[p ugh[ ggYrghu uk hgj]odk lrkn ,lkdp


  2. #2
    كاتب مميز
    تاريخ التسجيل
    27.12.2006
    المشاركات
    406
    معدل تقييم المستوى
    18
    نصيحه وتوضيح وبإسلوب مرح
    جعلها الله في موازين أعمالك وجزاك خيرا

  3. #3
    محظور
    تاريخ التسجيل
    28.03.2009
    المشاركات
    18
    معدل تقييم المستوى
    0
    اقتباس المشاركة الأصلية كتبت بواسطة alqroni مشاهدة المشاركة
    نصيحه وتوضيح وبإسلوب مرح
    جعلها الله في موازين أعمالك وجزاك خيرا
    اللهم امين وياك وكل مسلم بارك الله فيك على مرورك والدعوه الطيبه ياطيب

  4. #4
    كاتب متألق
    تاريخ التسجيل
    14.01.2009
    المشاركات
    811
    معدل تقييم المستوى
    16
    نصيحه تثاب عليها انشاء الله . بارك الله فيك وجعل ذلك في ميزان حسناتك.

  5. #5
    عضو جديد
    تاريخ التسجيل
    27.01.2009
    المشاركات
    10
    معدل تقييم المستوى
    0
    الله يجزاك خير
    نصيحه تشكر عليها

  6. #6
    محظور
    تاريخ التسجيل
    28.03.2009
    المشاركات
    18
    معدل تقييم المستوى
    0
    اقتباس المشاركة الأصلية كتبت بواسطة حفيد احمد بن حماد مشاهدة المشاركة
    نصيحه تثاب عليها انشاء الله . بارك الله فيك وجعل ذلك في ميزان حسناتك.
    وفيكم بارك الله شاكر لك مرورك ودعائك

  7. #7
    محظور
    تاريخ التسجيل
    28.03.2009
    المشاركات
    18
    معدل تقييم المستوى
    0
    [QUOTE=شبل عتيبه;161732]
    الله يجزاك خير
    نصيحه تشكر عليها
    [/QUOT
    العفو شاكر مروك أخي شبل

  8. #8

    تاريخ التسجيل
    20.01.2006
    الدولة
    القصيم - عنيزة
    المشاركات
    12,460
    معدل تقييم المستوى
    10
    جزاك الله خير وكتب الله اجرك

    شرفنا تواجدك معنا والله ينفع بها المسلمين ويكفيهم شر التدخين

  9. #9
    محظور
    تاريخ التسجيل
    28.03.2009
    المشاركات
    18
    معدل تقييم المستوى
    0
    حياك الله أخونا تمام الشرف مرورك هنا بارك الله فيك وفي المنتدى الرائع

  10. #10
    من كبار الكتاب
    تاريخ التسجيل
    31.07.2008
    الدولة
    الشرائع
    المشاركات
    7,922
    معدل تقييم المستوى
    23
    مشكوار الله يبيض وجهك

  11. #11
    محظور
    تاريخ التسجيل
    28.03.2009
    المشاركات
    18
    معدل تقييم المستوى
    0
    اقتباس المشاركة الأصلية كتبت بواسطة راعي الإبل مشاهدة المشاركة
    مشكوار الله يبيض وجهك
    ووجهك شاكر مرورك يعطيك العافيه

  12. #12
    كاتب مبدع
    تاريخ التسجيل
    22.10.2007
    الدولة
    الرياض
    المشاركات
    1,178
    معدل تقييم المستوى
    18
    جزاك الله خير اخوي ..
    والله ما خليت شيء ما جربتة ولا فاد لا بارك الله في الدخان وفي سنينة ..
    انا مدري عن نفسي الا مخلص بكتين في اليوم وبعض المرات افتح الثالث .. الله يعين ..

  13. #13
    عضو جديد
    تاريخ التسجيل
    18.01.2008
    المشاركات
    31
    معدل تقييم المستوى
    0
    الله يجزيك خير..

    فعلا التدخين مشكله وتعب وارهاق وامراض وسعال وزكام وريحة نتنة عافاكم الله..

    انا تارك التدخين والحمد لله من اربع سنوات وتركته لوجه الله ولله الحمد كنت اطلب من الله ان يصبرني على تركة وفعلا تركته بعد ما كنت ادخن باليوم اكثر من 60 عود من السجائر ولمدة 22 سنة!

    وانا الآن ولله الحمد بصحة جيدة وامارس الرياضة ولا اشكوا من اي تعب واصبحت بأحسن حال ولله الحمد انام من بدري واصحى لصلاة الفجر فى المسجد ، وانصح كل من اراد الاقلاع عن هذة الآفه ان يطلب العون من الله في سجودة لأنك حين تسجد لله وتدعوا مرارا وتكرارا تأكد من الاجابة والقبول...أدعوا في وسط الليل وقبل الفجر حين تسجد لله والناس نيام واطلب العون من الواحد الاحد الجبار الصمد وابك ولح في طلبك وتأكد انك تستطيع ان تترك هذة الآفه مثل ما تركتها انا وغيري مع اني كنت ضعيف الارادة تجاة التدخين وقد جربت الملصقات وجربت التخفيف وجربت الحبوب وأخيرا مسكت اللعلبة واخرجت العيدان وقطعتها واحدا تلو الآخر ورميتها ورميت معها زمن كنت عبد ذليل لها .
    وانظر وتفكر يا من ابتلى بهذه الآفه لو اتينا بجميع حيوانات الارض وقد ملك الجوع عليها وقدمنا اليها الغليون ( اوراق الدخان) شجر الدخان وهو اخضر هل تأكله ؟ كلا ! اذن لماذا دخنه الانسان وحين ينتهي منه وضعه تحت قدمة ...!
    النفس هي من تريد ان تلزمها حدها وغيها ، وتذكر ان الشيطان لما عصى الله وأسال نفسك من كان شيطانه؟
    ( نفسك نفسك يا بني ادم)

  14. #14
    كاتب نشيط
    تاريخ التسجيل
    17.02.2009
    المشاركات
    65
    معدل تقييم المستوى
    16
    السلام عليكم ورحمة الله وبركاته
    الله يعطيك العافية على عرض مثل هذه المواضيع
    لكن اهم شيء في ترك الدخان
    1- الارادة الجبارة التي تمثل شخصية الرجل
    2- عدم مجالسة المدخنين
    3- الاطلاع على اضرار التدخين حسب البحوث العلمية

  15. #15
    محظور
    تاريخ التسجيل
    28.03.2009
    المشاركات
    18
    معدل تقييم المستوى
    0
    اقتباس المشاركة الأصلية كتبت بواسطة أبو ســلطان مشاهدة المشاركة
    جزاك الله خير اخوي ..
    والله ما خليت شيء ما جربتة ولا فاد لا بارك الله في الدخان وفي سنينة ..
    انا مدري عن نفسي الا مخلص بكتين في اليوم وبعض المرات افتح الثالث .. الله يعين ..
    لاتيأس ادع الله في صلاتك انه يعصمك منه وابذل الاسباب وهذا الدواء مجرب اتمنى من الله ان يعصمك منه وكل مسلم جرب ثم جرب ثم جرب لاتستسلم الله يوفقك

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. عصير البصل علاج لنوبات الربو ومقو طبيعي لقدرة الرجال
    بواسطة ابوعبدالرحمن99 في المنتدى الــمــنــتـــــدى الـــعـــــــــــام
    مشاركات: 9
    آخر مشاركة: 25.05.2009, 11:46 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •