المساعد الشخصي الرقمي

مشاهدة النسخة كاملة : بعض البهم ضعيف وبعضه طيب !!!!



راعي القصيم
05.05.2011, 11:00 PM
بسم الله الرحمن الرحيم

عندي بهم (جفار ) بعضها حاله طيب ولله الحمد وبعضها ألاحظ أنه لايسمن وبطنه وشعرته زينه !!!

رغم إن بعضها توأم واشوف واحد طيب وواحد مش ولابد رغم وفرت حليب الأم!!!

أعمار البهم من شهرين ونص إلى 3 شهور

التطعيمات :

طعمتها قبل فتره معوي فقط لاغير


وأعطيناها سفا مع الماء لمدة 5 ايام

رأيكم وفقكم الله ؟

ابن الباديه
05.05.2011, 11:09 PM
اخي راعي القصيم
السلام عليكم وحياك الله
حسب خبرتي المتواضعه
اعطهم أفمك دود على مرحلتين وغسلهم بجره وفيري فقد يكون فيهم قمله وهي خطيره على البهم
تحياتي وتقديري

راعي القصيم
05.05.2011, 11:19 PM
مشكور اخوي ابن الباديه

هل اعطي الجميع؟

وماهي الجرعه ؟ 1سم تحت الجلد؟

سالم م
05.05.2011, 11:48 PM
سوبر اوفميك وكرر الجرعه بعد عشر ايام

سانتي الى سانتي ونص على حسب العمر

وادع لنا

الله يبارك لك بحلالك ومالك

غشيم وجاي يتعلم
06.05.2011, 04:43 AM
السلام عليكم

اخوي الله يبارك لك فيما عطاك

مثل ماقالوا الشباب عليك بالسوبر افوماك الاصلي قيمته تقريباً 99 ريال عط الحلال منه على حسب الوزن مابين سانتي الى سانتي ونص للكل ورش الكل بعلاج الدود وفيه علاج لونه ابيض عطهم منه تجريع وبعد 10 ايام ارجع سو نفس الحركه وحاول تغير رملة المراح وترشه عن الدود والحشرات وبعدها توكل على الله واعطها العلف الطيب وبإذن الله تشوفها شئ يسر النظر عليك بالشعير المطحون والبرسيم والتبن اكرمك الله

د.بخيت
06.05.2011, 08:22 AM
السلام عليكم
اتكلم لكم من ناحية علمية ومن واقع العلاجات

جرعة الايفومك 1مل لوزن 50 كلجم ، والغير ما يتعدى وزنه الـ 7 او 8 كيلو في عمر 3 شهور وا1ا كانت صحته ممتازه وجرمه زين ما يتعدى 10 كيلو ،
لذلك جرعة الايفومك 1مل كثيرة جدا جدا عليه

انا اقول لك يا اخوي راعي القصيم
انك تاخذ اللي تشوف انه مريض او صحته ضعيفه لمديرية الزراعة علشان يعملون له تحليل عن بعض الامراض ومنها مرض الاسهال المزمن
لأن المرض يوجد في الصغار لكن اعراضه ما توضح الا اذا صار كبير وبلغ سنة ونص او سنتين ,,
واذا عرفت السبب سهل عليك العلاج ..

وما اقول لك تستخدم اي علاج حتى تعمل تحليل للضعاف ونعرف السبب في الضعف علشان ما تخسر علاجات والاخير ما تحصل اي فائدة..