المساعد الشخصي الرقمي

مشاهدة النسخة كاملة : تكفون ماهو العلاج الحاله حرجه



عبدالله الراجي
30.04.2011, 10:08 AM
السلام عليكم ورحمة الله
اخواني انقطع الشعير والبرسيم نهائيا عندنا الله لايوفق من كان السبب
وعندي شبك مليان معز اعمارها من 5 شهور الى 7 شهور
وشفت حالتها لاتسر لايوجد مرعى او اكل فأعطيتها كميه بسيطه واكرر بسيطه تسمين البارح
واليوم حالتها صعبه شي منها يسلح وشي واقف ومنزل رأسه وتحس فيه خمول وعدم نشاط
ولا تطالع فى اكل او ماء
الشي اللي عملته منعت الاكل والماء عنها ختى أجد الجواب من الاخوان حفظكم الله جميع

عبدالله الراجي
30.04.2011, 06:51 PM
معقوله ولا رد

مجلغف
30.04.2011, 08:53 PM
الاخ عبدالله الراجي مساء الخير تاكد من المالطية هي التي تسوي في الغنم مثل ماذكرت

ابو( ايوب )
30.04.2011, 10:57 PM
يا خي رح الى اقرب بيطري ولا تجلس تنتظر الاجابة ..

هذا الحلال في ذمتك ...ولو كان واحد من عيالك او اخوانك لا قدر الله ويش كان سويت

هذي بهيمه وانت المسؤول عنها امام الله...

لا تزعل مني انا خايف عليك من ذنبها ..

واحتمال يكون عندها بشمة او تسمم ولكن الافضل يشوفها البيطري

جاكور
01.05.2011, 12:57 PM
السلام عليكم ورحمة الله وبركاته

هذه المشكله ليست مشكلة علف المشكلة مشكلة مرض في الحلال عندك . الله يوفقنا واياك

د.بخيت
01.05.2011, 01:06 PM
اخوي عبدالله

الله يعينك على اللي انت فيه

الحاصل هو تغير مفاجئ في العلف ومنها تغيرت بيئة الكرش وحصل لها اللي ذكرت ، واكيد الكمية اللي حطيتها كبيرة بالنسبة لعمر وعدد الحلال المصاب ..
الحين لازم تعطيها مضاد حيوي مثل السلفا بودرةاو حقن غي العضل وافضل انك تعطيها البودرة باسم نيوتيرامايسين في الفم بعد ما تحلها بالماء او علاج اسمه ماربوفيترايل 250 وهو موجود بالزراعة بالمجان على حد علمي وهو ممتاز لمثل هالحالات ،،
ايضا تحقنهم فيتامين ب كمبليكس في العضل الجرعة والمدة على حسب العلاج..
بالنسبة للعلف عطهم تبن تكرم لمدة يومين وارجع عطهم التسمين بكمية قليلة جدا جدا حتى تتعود الكرش عليه ولو حصلت لك العلف القديم لو لمدة اسبوع فالافضل انك تحطه لهم وتخلط معاه علف التسمين بكمية قليلة وتزيد كل يوم شوي حسب ما انت عارف

الافضل انك تودي احدها لمديرية الزراعة وتعلمهم عن الحاصل لك علشان يعطونك العلاج

عبدالله الراجي
02.05.2011, 10:04 AM
وفقك الله يا د بخيت
اعطيتها علاج عندي اسمه ميريكوين تقريبا هذا اسمه
وطابت معظمها باقي قليل منها فيها خمول وكسل واضح