المساعد الشخصي الرقمي

مشاهدة النسخة كاملة : الفــــــــزعـــــه



راعي الوسيطى
26.04.2011, 01:42 PM
مسكم الله بالخير انا عند مشكله بالاستراحه الصيف الماضي احصل كل فتره وفتره ديبان طولها تقريبا 5 سم ونحيفة مره ولونها اسود مثل الصل بلمعه السته هذي حصلتها قبل يومين بس تقريبا 10سم وحركتها سريعه رغم الاستراحه عندي نضيفه والعامل تنضيف يوميا وفيها حطب من سنه ماستخدمته وش الحل في مكافحتها او الي يعرف شي عنها وشكرا

ماجد هاشم
26.04.2011, 01:53 PM
رش جاره او ديزل

ابو مشهور
26.04.2011, 02:06 PM
عليك باديزل وكثره لين الله يفرجها

سلام وانشد
26.04.2011, 10:11 PM
الديزل قوي ويطردها من الارض وعندك كذلك الشيح والحلتيت ما يخليها تقرب اذا تبغى الارض ما تتسخ من الديزل

سعدوون
26.04.2011, 10:12 PM
حط اسفنيك وهو عباره عن ماده لها رائحه فواحه على شكل كور صغبره مثل بيض الحمام ترميها تحت الحطب وتحت الدواليب وفي مخازن العفش وعند ابواب الاستراحة والاماكن اللي ممكن تدخل منه الدواب الحشرات والدواب الصغيره ماتدانيها وفعاله في طردها ايضا مقبولة رائحتها للأنسان

ابو صلفيق
26.04.2011, 10:22 PM
عليك والله بالرشاد حط مع مويه ورش الاستراحه كامله ولا راح يوطوط حولك

طير نادر
27.04.2011, 12:07 AM
الله يكفيك شرها وإن شاء الله ماعاد تشوفها

راعي الوسيطى
27.04.2011, 12:19 AM
يعطيك الف الف عافيه علا تجاوبكم وحرصكم وجزاكم الله الف خير ياخواني

(حسان)
27.04.2011, 12:59 AM
هذا صل أسود مبيض عندك أعانك الله

الطبيب البيطري عبدالرحمن الحصيني
27.04.2011, 12:13 PM
حط دجاج وازهل الموضوع قد طلع عندي
واللحين الحمدلله ما اشوفه بفضل الله
وبعدين ترى ديبان المنازل بأذن الله ما منها مضره وارجع الى سواليف الشيبان ....

اابومشعل
27.04.2011, 02:22 PM
حط دجاج وازهل الموضوع قد طلع عندي
واللحين الحمدلله ما اشوفه بفضل الله
وبعدين ترى ديبان المنازل بأذن الله ما منها مضره وارجع الى سواليف الشيبان ....

كلام سليم......
ومشكلتك من الحطب لان الديبان
تحط بيضها في الحطب هذا الي اعرفه
بالنفود اذا الحطب جايك من النفود.
دمت سالم

راعي الوسيطى
28.04.2011, 03:53 AM
والله يخوان انا شاك بالحطب لااني من شريته بدا يطلع بس ماني متاكد لااني شاري دينه قالي ان من حطب وسمر المدينه والله اعلم

راعي الفرق
28.04.2011, 04:39 AM
قبل كل شي تعوذ منهن قبل قتلهن

وسكر الفتحات بالاستراحة وحولها
ومايمنع انك ترش الحطب بموية في بداية النهار(بالديمنو) وكان فية شي بيطلع مع الموية واي شي يطلع اذبحة

واهم شي تعوذ منهن وصدقني بيخفتن باذن الله

وياكثرهن عند حلالي وام جنيب الله يكفينا شرها

طقطقه
29.04.2011, 02:33 AM
جبلك قنافذ وربي دجاج وفلتهم بالاستراحه انا كنت اشتكي من العقارب والحيات وكنت مايمر اسبوع الا ونا ذابح ثلاث او اربع وجبت 10 دجاج وصت ثلاث قنافذ ولله الحمد لي اربع سنين مامرت على