المساعد الشخصي الرقمي

مشاهدة النسخة كاملة : عنز ضعيفة مانفعت معها -- الفيتامينات ولا التطعيم ولا العلف



الشمري علي
23.04.2011, 03:32 PM
السلام عليكم ورحمة الله وبركاته
السؤال موجه للجميع وكذلك الفائدة للجميع


عندي بعض المعزا تضعف بعد الولادة
اكلها عادي
اعطيناها كل الفيتامينات والاملاح
الايفومك 2 سم الاردني تحت الجلد وعدناه بعد 14 يوم كمان اعطيناها حبة االدود البيضاء وعدناها بعد 14يوم
العلف نوعه= شعير مخلوط مكعبات اراسكو صباح مساء ونعطيعها البرسيم

ومافيه فايده =عظم وجلد

وش الحل ؟؟؟؟
اقتراحاتكم وتجاربكم للفائدة العامة وجزاكم الله خير
بانتظار مشاركاتكم

أبونواف
23.04.2011, 04:05 PM
من تجربتي الخاصه

العنز بعد الولاده تعزل لوحدها

ونعطيها علاج الدود + بنسلين شامل لمدة 5 ايام

والعلف

البرسيم يكون قار في المعلف على طول ويكون برسيم صافي وناعم

+

وجبة شعير مساءً

ويفضل تكسر شوية خبز وتخلطه مع الشعير وتحط شوية ملح قصب تراه طيب

لمدة 15 يوم

وبعدها

نفكها مع الحلال هي ويعيالها

وربك يسهل

جـابــر
23.04.2011, 09:02 PM
ابو نواف كلام سليم ميه بالميه وتشكر على هذي المعلومه

ابو فهددددددد
23.04.2011, 09:21 PM
نفس المشكلة عندي

أبــو فــهــد
24.04.2011, 12:52 AM
عليكم بالتمر مع الشعير او بين الوجبات وخله يسرح إذا كان محجور