المساعد الشخصي الرقمي

مشاهدة النسخة كاملة : سؤاااااال



عبدة صقر
12.06.2010, 12:21 AM
السلام عليكم ورحمة الله وبركاته

عندي ارض زراعية مساحتها 67500الف متر مربع ابغا اسويها قسم منها خضار حدود40الف متر

والباقي بزرعه ذرة عشان الغنم بس اني محتار عند البير هل احفر بير عادية ام صبات

او احفر بير ارتواز وفين اللي تجيب موية اكثر الارتواز ولا العادية وهل بير ارتوازية

واحدة تكفي ام لا لان الارض قسمين الاول 160في 150

والقسم الثاني طوله 600في 75

فهل بير وحد كافيه او احفر في كل قسم بير

وماهي افضل طريقة لسقاية الخضار يعني توفير في استهلاك الماء علما ان الارض تربتها طينيه

هل اسقيها بالرش او التنقيط

بعدين انا مقدم على البنك الزراعي في جيزان وقال لازم اني احفر البير انا اول شي

وبنك ابها الزراعي قال لا البنك هو اللي يحفر لك البير اللي عنده معلومه عن البنك الزراعي

يفيدوني الله يرضى عليه وايس هي المعونات اللي ممكن يقدمها لي البنك الزراعي

هل يعطني غنم واي شي ثاني ولا ايش يعطيني فلوس ولا ايش اللي عنده معلومات

الله يوفقه ويرضا عليه يفيدني باسرع وقت



الله يرضى عليكم افيدوني رحم الله والديكم

راعي النقوة
12.06.2010, 12:59 PM
احفر بير ثم قدم على البنك الزراعي واطلب مضخة ومكينة وحراثة وشبكات تنقيط ومصدات رياح وغنم ونخل سكن عمال ومجمع للماء ومستودع للاعلاف وقيمة البئر الذي حفرته واجعل البير في وسط المزرعة على الطرف حتى يكفي المزرعة كامله واعمل مجمع للماء كبيرة ومنه شبكة لاشجار المانجا والنخيل والى شبكة الخضار والبيوت المحمية والله يوفقك

رساوي نت
12.06.2010, 02:23 PM
اخوي عبده أنا أعتقد ان بير وحدة تكفيك اذا كان الماء كثير وبالنسبة للخضار الأفضل والأوفر بالماء التنقيط وبالنسبة للبنك يعطيك كل شي يختص بالمزرعة وقرض لمدة 10 سنوات والمكينة والحراثة عليها خصم 50% وأتمنى لك التوفيق

عبدة صقر
12.06.2010, 09:29 PM
ياراعي النقوة
رساوي نت

بيض الله وجوهكم وجزاكم كل خير

بس باقي سؤال نسيت اقوله

هو هل البنك يعطي فلوس ولا لا
لاني اعرف واحد اعطوة مبلغ 270الف ريال وبعد كذا باع المزرعه ولعب بالفلوس ولا احد دور عليه
يعني البنك يعطي غير المعدات فلوس ولا لا

مشعل2007
12.06.2010, 11:00 PM
حياك أخوي

بالنسبه للبنك الزراعي او صندوق التنميه الزراعي

لاتسوي شي في مزرعتك حتى تمر على البنك الزراعي وتقدم عليهم معروضك وتسألهم وش ممكن تأخذ من البنك حتى البير لا تحفره حتى يطلع المختص ويسوي مسح على الأرض

بالنسبه وش يعطونك يعطونك كل اللي تبيه من المعدات والبذور والأسمده والتمديدات والاغنام والأبقار حسب مساحة الارض

لكن نصيحه أخو لا تأخذ شي الا اللي أنت في حاجته لأنه بيكون دين عليك

طبعا نظام التسديد بعد سنتين من توقيع العقد عدا النخل يكون بعد سبع سنوات

بالنسبه للمعدات والحراثه كلام اخوي رساوي نت انهم يعطونك خصم 50% هذا النظام قديم الان مايعطونك الا خصم 25% وشرط إذا ألتزمت بالسداد

نجي للزراعه بالنسبه للخضار أفضل شي التنقيط ماعدا الزرع اللي يحتاج لغمره بالمياه فتخلي الماء عليه ساقي أو لي كبير يصب فيه

بالنسبه للبير أفضل شي الارتواز وهو يكفي للمزرعه كلها

الله يوفقنا وأياك

راعي النقوة
13.06.2010, 12:01 AM
مافيه فلوس تامين معدات من قبل التجار والشيك يصرف باسم التاجر واذا كانت نيتك تبيع المعدات انصحك لا تفعل ولاتحمل نفسك دين بدون مبرر

عبدة صقر
13.06.2010, 10:51 PM
جزاكم الله خير
والله المنتدى هذا ممتاز جدا يقدر الواحد يحصل على اي معلومة وهو في بيته
بعدين تطمن يا راعي النقوة مافيه نيتي بيع اي معدة لاني ماني ماخذ حراثة لاني
ما احتاجها بس ابغا المكينة وشبكة الري والتنقيط والبذور والغنم والبقر وكل شي
غير الحراثة بعدين هل انه اذا صدر الشيك بسم التجار صاحب محل المعدات
مدري كيف بتكون الاسعار بنفس سعرها لكل واحد يشتري من جيبه
لانه معروف انه اذا صدر شيك من جهة حكومية تكون الاسعار دبل
او اني اروح اجيب عروض اسعار من الشركات واقدمها للبنك
الله يبيض وجوهكم


بس اسمحولي باقي عندي سؤال

اذا بقي عندي مساحة 30الف متر مربع كم بيعطوني عليها غنم وكم بقر
واذا كنت ابغا بقر بس كم بيعطوني بقرة اعزكم الله

ابو كميهان
22.06.2010, 11:06 AM
السلام عليكم

هل يطلب البنك كفيل على صاحب المزرعة إذا قدم طلب قرض.....؟

ابو كميهان
23.06.2010, 12:33 PM
السلام عليكم

هل يطلب البنك كفيل على صاحب المزرعة إذا قدم طلب قرض.....؟


صباح الخير .. وينكم يالربع

عبدة صقر
24.06.2010, 11:17 AM
هلا يا بو كميهان اعذرني كنت غايب عن البيت 5ايام رحت للديرة ولا شفت موضوع الايوم الخميس

البنك الزراعي يطلب منك كفيلين ماهو واحد بس انت ادخل على موقع البنك الزراعي على النت

وشوف شروطهم عشان تكون على بينه ولا مر على اقرب فرع لكم

وشكرن

ابو كميهان
24.06.2010, 11:37 AM
بيض الله وجهك ما قصرت