المساعد الشخصي الرقمي

مشاهدة النسخة كاملة : تيس له عشره اياام وبطنه منتفخ ولاياكل



ابو عارف
02.08.2015, 06:22 PM
حلال القوم خليته يكبر ابا اذبحه للثلاجة ويوم طق 7 شهور وتدرمح وقام ضهره يدندن من الشحم وعاينت السبت الي فات 7 شوال الين بطنه تقول كوره الله لايبلانا واجيه منا واجيه من وابقطه واعطيه بنسلين وافتريل وبقايطن مالها حد ولين مافيه حيله واشتاله اليوم الصبح واسرح به للبيطري الي في البجاده المتين الي على يدك اليمن وانت طالع من البجاده وزان النقل الجماعي مناحر للي يبيعون الكنبات حقات المجالس المهم مالي في وصف المكان لزوم يوم علمته هو ينادي له مصري عنده مدري بيطري والا ويش مار واحد في حيد خشمه من يمين تحت خشمه بليه اثلول كبر زمام التمره هو يعاين فيه البطري قال حرارته عاديه مهيب مرتفعه والجفر الظاهر انه بشمان وهو يعطيني زيت نسيت اسمه مار علبته كنها علبة جره ويعطيني محلول بوده باضا في كيس لمنيوم قال الصبح عطه بياله من الزيت والعصر اخلط له البودره الي كنها جبص مع ماء وقحمنهيااه مع فمه ولاتعوره واشتر له خروع من عند صيدلية فرحان النادر وانا اشتري له الخروع بتسعة اريل وامحقنه الخروع واجيبه اليننه ماذرق ولاطلع مع بطنه الوذاره واقحمنه الزيت الثاني الي شريته من البيطري ويوم مريته هالحين الينه رايحن فيهااا يالله يدوبي مغار يدوبي الاقشر وعانوني ابا احط البودره الي قلت لكم عنها في قارورة ماء صحه ام نص ريال واصبهاا في بطنه
السوال هالحين البشمه معقوله تبي تقعد من السبت الي راح مهوب الي امس الي قدامه الى هالحين مدة 9 ايام
وش رايكم ياهل الخبره واهل الدبش وش الحل

سيف22
03.08.2015, 04:34 PM
تبي نصيحتي

عمره الان سبع شهور سم بسم الله وحلله

ابو عارف
03.08.2015, 08:48 PM
يفداك ياسيف يوم جيت البارح المغرب الينه ينغش وامصع رقبته ويوم فتحت بطنه الين البول منحبس سبحان الله والمثانه منفقعه في بطنه وكل بطنه بول وانطله في راس ضلاع خميسه للكلاب قلت علاكن حلال ياملعونات الوالدين
ولازرا علي ماخليته هالفتره غار كل يوم بكره والشبك مليان الحمد لله ونذبح من داني وهو مخلينه

شاهين2
03.08.2015, 09:29 PM
الله يخلف عليك نصيحه اتبعتها وارتحت اذا مرض عندك شي من الحلال وهو سمين لاتتعب روحك بالعلاجات ذكه علي طول ولانت خسران لكن البلا انك تعالج وتخسر واخر شي يموت ولا يغدي جلد علي عظم وتاخذ تسمن فيه شهور ولا يرجع زي من اول

ابو عارف
03.08.2015, 10:43 PM
الله يخلف عليك نصيحه اتبعتها وارتحت اذا مرض عندك شي من الحلال وهو سمين لاتتعب روحك بالعلاجات ذكه علي طول ولانت خسران لكن البلا انك تعالج وتخسر واخر شي يموت ولا يغدي جلد علي عظم وتاخذ تسمن فيه شهور ولا يرجع زي من اول

وووالله انك صادق مير عيو عنه يقولون يمكن قارصته حيه والا من اول يوم نويت اذكيه وناكله وجعه بين في بطنه ما يضر وتوه مرضان

مقحص
04.08.2015, 03:22 AM
وفقك الله ياصاحب الموضوع والاخوان
للامانه الشرح وافي جداً جداً حتى وصف الاماكن هههه
لكن للامانه
افضل ماسويت انك شرحته او ذبحته وحليت لنا لغز وانه طلع احتباس البول كرمتوا
وفقك الله موضوع وافي من جميع الجوانب
كنت اقرا وكنت متوقع انه بعج لكن ماشاء الله عليك
وفقنا الله وياك جميع
مستقبلاً وفقك الله
مثل هالحاله لا لاحظتها بدري
عليك بالليمون وقشر الليمون
يعطش سلمك الله
ويشرب مرتين في اليوم هالليمون مع الماء
والله يعوضك ويبارك لك في ما تملك

ابو عارف
05.08.2015, 09:01 PM
ا
الاخ مقحص شكرا على التعليق
ولبعج بين مايختفي لا انا افتكرت فيه يقولون بشمه كيف بشمه عشره ايام

هداج17
05.08.2015, 09:08 PM
ياحبك للقرق عطنا الزبده واخلص درينا انك بدوي كح