المساعد الشخصي الرقمي

مشاهدة النسخة كاملة : استفسار إلى كبار خبراء دجاج البراهاما



هاوي 2015
13.02.2015, 03:29 PM
بسم الله الرحمن الرحيم
السلام عليكم ورحمة الله وبركاته

سؤالي يااخوان هو لدي استراحه ولله الحمد وارغب في اسغلالها في تربية بعض الحيوانات والطيور
واعجبني دجاج البراهاما ففكرت وعازم بإذن الله على شرائه
ولكني محتار بحكم غلى أسعار البراهاما وعدم خبرتي في هذا النوع عدة نقاط وهي:
1- هل اشتري صوص براهاما واخليهم لحد مايكبرون وينتجون؟
2- او هل اشتري دجاج كبار منتج يعني مثلا 3 دجاجات وديك واشتري معهم فقاسه حجم صغير وافقس منهم؟
3- او هل اشتري فقاسه واشتري بيض مخصب من احد المنتجين وافقسه اوفر؟

علما ان الميزانية الي مخصصها للنوع هذا تقريبا 2000 ريال
وايضا انا بالقصيم والمنطقة حاره بالصيف هل لابد لابد من تكييف ولا فيه بدائل اخرى للتبريد غير التكييف؟

ارجو منكم افادتي في استفساراتي
كما ارجو إفادتي بالمربين للبراهاما بالقصيم اصحاب المستويات الجيده حتى اشتري منهم
لاني مابي اشتري من أي شخص واطيح بنوع مغشوش ( واقصد بمغشوش يعني الهجين)

ولكم جزيل الشكر والتقدير

SDS-KSA
14.02.2015, 08:09 PM
شوف يا اخوي /الافضل تشتري كبار(يفضل طقم) / الافضل لهم مكيف / ما اعرف مربين

هاوي 2015
15.02.2015, 12:08 AM
الله يعطيك العافيه اخوي ماقصرت

رديت علي وانت ايضا مستفسر مثلي لكن يبدو انك رثيت لحالي حينما لم يرد علي استفساري احد

انا بس كل الي ودي اعرفه هل فيه بدائل عن التكييف بس هالنقطة ودي احد يفيدي فيها اما الباقي يجي بالتجربه إن شاءالله ؟؟

متفااائل
15.02.2015, 05:24 AM
وانا خوك ال٢٠٠٠ ﷼ ماتجيب لك فقاسه نوعها زين.. اقل شئ احزم على١٠٠٠٠ ﷼ غير قيمة الفقاسه والشبوك.

هاوي 2015
15.02.2015, 02:33 PM
الله يعطيك العافيه اخوي متفائل

انا ذكرت بموضوعي ابي ببدا تجربه يعني فقاسه صغيره حجم 48 او 96 بيضه و4 او 5 دجاجات وديك براهاما ان ناسبت الشغله زودنا العدد وشرينا افضل انواع الفقاسات إن شاءالله

و2000 ريال انا حاسبها فقط لسعر الدجاج اما الشبوك موجوده ولله الحمد والفقاسه امرها سهل بس ماودي اتهور لاني المكان الي انا فيه ماقدر احط فيه تكييف بسبب عدم توفر الكهرباء لحد الان

ودي احد يفيدني اذا فيه بديل عن التكييف

3zoz
15.02.2015, 07:20 PM
والله وانا اخوك بخصوص البراهما

انواع و اشكال ومستويات ومواصفات وفيه هجين ضارب السوق
انت لازم تحدد قبل كل شي كيف تبدأ طريقتك
الصيصان طريقة جيدة اذا كنت تعرف تتعامل مع الصيصان من ناحية المكان المناسب و الغذاء المناسب و الفيتامين و الكالسيوم و التحصينات اللازمة حتى انك تقدر بأذن الله انك توصل الصوص الى امهات منتجة
اما اذا كنت تجهل طريقة التعامل مع الصوص ولا قد جربت تربي صوص
فأنصحك انك ماتتسرع وتربي صوص
اما من ناحية انك تاخذ امهات منتجة قطم دجاجتين وديك
الامهات يحتاج لهن مكان تكون درجة حرارتة معتدلة مثل درجة الحرارة اللي يقدر يعيش فيها الانسان الطبيعي
اما مسألة انك تبي تخليها بشبك بعز القوايل والصيف جاي ودرجة الحرارة عندنا بالقصيم عادي تاصل ال 40 هوا
ماراح اقولك الدجاج بيموت بس بأفضل الحالات تبي تحصل مناعتة 0 يعني بيمرض كثير تبتكثر امراضة مع زيادة درجة الحرارة
البراهما يحتاج انك تعامله معاملة تفرق عن الدجاج البلدي لأنه حساس لازم تتابع وتهتم بالفيتامينات و الاملاح و الكالسيوم ونظافة المكان ثم نظافة المكان ثم نظافة المكان ركز على النظافة فهي أساس التربية الناجحة
كذلك تنظيف السقايات و العلفات بشكل دوري
بس نصيحتي لك اذا جربت تربي البراهما صح ونجح عندك بأذن الله تبي تعين خير
ابنصحك نصيحة شفلك حل مع التكييف قبل لا تشتري الدجاج
لانه ضروري مكيف لو صحراوي هذي ابسط و اقل تكلفة ممكن انك تستخدمها بالتبريد على الحلال
اما من ناحية انك تشتري فقاسة و تفقس بيض براهما هذي تعتمد على قدرتك على التعامل مع الفقاسة و التعامل مع الصوص اللي كتبتة لك فوق
نصيحتي لك انك تصبر شوي على الصوص و التفقيس اذا مالك خبره فيهم
وتاخذلك طقم براهما مستواه وسط لاهو غالي ولا هجين رخيص تتعلم عليه و تتعرف على طريقة التربية الصحيحة
وقبل كل هذا شف حل مع التكييف لأنه مهم جدآآ
وأي استفسار وانا اخوك انا تحت امرك

هاوي 2015
17.02.2015, 01:36 PM
بيض الله وجهك اخوي 3azoz كفيت ووفيت ماقصرت

قوقل للبراهما
24.05.2015, 02:53 PM
درجة الحرارة تاصل 48 بالقصيم

راعي سمحى
24.05.2015, 10:08 PM
ابشرك عندنا الحرارة 50 البرهامي يحفر تحت النخل و يبرد حالة و امورة طيبة
بس في الحر اطلقة تحت النخل ولا تحاتي

سلوتو7
01.06.2015, 03:03 AM
السلام عليكم ورحمه الله وبركاته

راسلني على جوالي وأبشر بالخير

0504883566 ابو فراس

سلوتو7
01.06.2015, 03:04 AM
السلام عليكم ورحمه الله وبركاته

راسلني على جوالي وأبشر بالخير

0504883566 ابو فراس

ismailkilaas
12.08.2015, 12:43 AM
الله يوفقك الى كل خيير

معاذ1400
29.11.2015, 04:53 AM
الله يرزقك

أبو رودينا
04.04.2016, 12:32 AM
بالتوفيق ان شاء الله

تاج اب
17.06.2016, 06:44 PM
بالنسبة للتفقيس شف لك دجاج بلدي ورقده على البيض
بالطريقة هذي
توفر قيمة الفقاسة
وتضمن التفقيس بإذن الله
وتضمن مناعة قوية للصوص بإذن الله

فارس قبيلة الانصاري
05.08.2016, 01:23 AM
اشتري فقاسه واشتري بيض مخصب من احد المنتجين الثقات واشتر في البداية فقاسة 150 بيضة بقيمة 700 ريال الطبق بـ 250