المساعد الشخصي الرقمي

مشاهدة النسخة كاملة : ثعبان بالمزرعه !!



رايــق
19.02.2010, 11:13 AM
حياكم الله

اليوم وانا رايح للمزرعه لقيت العامل ذابحن داب وخايف لانه لاقي معه وحده ثانية

وهجت لكن وش اسوي بهالحالة هل فيه طريقه نقدر نطرده والا نلقاه عشان نذبحه


عطونا رايكم ياجماعه !!

راعي النجـد
19.02.2010, 11:29 AM
الورد الورد الورد.......وحرص العامل على تشغيل القرآن...

وهات لك خمس اجواز دجاج حبش وجوعهن وقصص جنحانهن ....


يكنسن المزرعة كنس

رايــق
19.02.2010, 11:50 AM
الورد الورد الورد.......وحرص العامل على تشغيل القرآن...

وهات لك خمس اجواز دجاج حبش وجوعهن وقصص جنحانهن ....


يكنسن المزرعة كنس

والله انا قلت للعامل يذكر ورده وحاولت احفظه بس عساه ماينسى اللي قلت له

لكن هل فيه طرق اقدر اقضي على الزواحف بالمزرعه ؟؟

الرباعي
19.02.2010, 12:22 PM
اجل لو مزرعتك في الصمان كان علوم .... توكل على الله وادفنها بعيد عن المزرعه وهذي فترة يكثر فيها الخشاش بعد البيات الشتوي

مشعل2007
19.02.2010, 05:26 PM
الصيدليه البيطريه اللي في شارع سلام في الرياض عندهم دواء تحطه على سور المزرعه طبعا ماجربته ..

لكن اللي جربته طال عمرك لك يوم أطلع أنت والعيال رحلة قنص ولا تخلون قنفذ الا وتقنصونه وشلها ودها للمزرعه وخلهم والله أن يكنسون لك شي أسمه داااااااااااب القنفذ يأكل الداب مايخلي الا رأسها سبحان الله كل شي أقوى من شي .

هذي أنا والله مجربها ..

والعقارب خل الدجاج يسرحن في المزرعه ماراح تلاقي عقرب عندك وراح تشوف كلامي .

الهوواووي
23.02.2010, 11:08 PM
صحيح حتى انا حصلت داب قبل يومين وهذا شي طبيعي هذا وقت خروجهم

اخوي سمعت ان الديبان ماتحب الرشاد سمعتها من شايب يحكيلي يوم كانوا يطلعون وقت الربيع ويحشون

كانوا ينثرون بعض الرشاد على العشب حتى ماتدخله الداب

وبرضه مثل ماذكروا الشباب القنفذ مفيد جدا جدا للديبان واكثر حشرات المزرعه يكنسها على الاخر

وبرضه لاتنسى الورد اليومي على نفسك واهلك ومالك والله يحفظك بحفظه.

راعي الحلال
23.02.2010, 11:22 PM
توكل على الله عليك بالتالي
1= رش ديزل على اطراف جدار العامل من الخارج
2= جب برميل كبير وحفرله وحطه موازي للأرض وحط فيه بيض خربان للدجاج ويكون بمكان تواجد الأفعى وبأذن الله تجدها طايحه بالبرميل بعد فتره بعده تق على الى يصيدون ويدورن الأفاعي
بياخذونها منك :o

ابو مساعد
02.03.2010, 01:49 AM
علييييك بالديزل رشه حول سكن العامل او الحلال ان وجد
وفيه دواء زي اكياس فيها اعشاب موجوده في شارع سلام وهذي مجربه
والافل ان لقيت لك قنفذ واحرص احرص تجيب قطاوه البريه افضل وهي دايما تكون موجوده حول العامل بحكم انه يطعمها
والله يجيرينا جميعا

مربي الحرية
02.03.2010, 09:35 AM
اذا عندك دجاج لابد من وجود الثعابين
لكن للتخفيف منها
عليك بالديزل

تمام
02.03.2010, 10:00 AM
الله يستر عليكم اخوي
اول شي لاتنس الورد وعلمه العامل
كثر من القنافذ تفتك من كل الخشاش ولا توذي الناس
عليك بطريقة ابوفهد بالبرميل وممكن تسلق بيض ولا تقشره وحطه بالبرميل ويطبون على طول واللي تاكلها غالباً تموت

صادق الوعود
02.03.2010, 06:05 PM
http://www.m5zn.com/uploads/2010/3/2/photo/gvewhbsi56d.jpg (http://www.tobikat.com)الاخ رايق ابشر عندي قنفذ وهذا جوالي 0554202717 اتصل بي وارسله لك باسرع وقت مجانا وبدون مقابل والارسال على حسابي ونا اخوك بس ابي دعواتك وترى القنافذ ماتاكل الا الديبان والافاعي اكلتها المفضله ابشر بسعدك

صادق الوعود
02.03.2010, 06:55 PM
عندي قنفذ مستعد ارسله لك مجانا اتصل بي وهذي صورته http://www.m5zn.com/uploads/2010/3/2/photo/gvewhbsi56d.jpg (http://www.tobikat.com)

صادق الوعود
02.03.2010, 06:57 PM
عندي قنفذ اذا تبيه اتصل بي وارسله لك مجانا صورته الي فوق بتاريخ الليله الاربعاء تحياتي

صادق الوعود
02.03.2010, 07:10 PM
http://www.m5zn.com/uploads/2010/3/2/photo/j38t1rfk55q2c8.jpg (http://www.tobikat.com)

دجاجكو
09.03.2010, 09:18 AM
:a:aاهنيك يا راعي القنفذ

الصباح
14.03.2010, 03:48 AM
اخوي انثر الشيح حول السكن او خذ من المشتل شتلات شيح وازرعها حول السكن

مزرعة عالية الشرق
15.03.2010, 02:07 AM
شجرة الشيح ...........؟؟ هل لها مسمى آخر

مااجد
21.03.2010, 09:01 PM
الاذكار تحمي باذن الله انا قبل يومين قبل المغرب بالمزرعه ولقيته عند رجلي

نواف العلي
23.03.2010, 12:08 AM
عليك بزي ما قالوااااااااااا (( الرشااااااااااااد ))

عبدالمجيد ابو سليمان
06.04.2010, 01:05 AM
جزاكم الله خير

علا عجور
16.04.2010, 05:34 PM
نعم مالك الا القنفذ لانه ياكل الديبان والعقارب والله يحفضك من كل شر

ماجد بن العلي المحمدي
17.04.2010, 04:31 PM
والله ما قصرو الاخوان الله يجزاهم كل خير

بغيت اقول ولكن الاخوان مكفين وموفين

المزن
18.04.2010, 02:23 AM
ديزل قطران زيت محروق
زيت عافيه الديبان ماتحب ريحته
تهج

دحيم الفزعه
24.04.2010, 11:45 AM
عليك بالقنفذ ثم القنفذ ثم القنفذ وهذا شنبي إذا حصلت ثعبان يوطوط حولك .

وصايف
24.04.2010, 12:17 PM
طيب القنفد مو خطير علينا احنا لما نتجول عند الحلال

اخاف بكحلها واعميهاااااااا

سعد عبدالله
24.04.2010, 09:41 PM
طريقة بوفهد
والله يستر عليكم
موفق خير

ابو زيدان
24.04.2010, 11:12 PM
أن شاء الله ما عليكم الا العافية والثعبان من عادته يهرب من الأنســـــــــــان ولا يهاجمه إلا إذا آذاه

مر عينــا زمــان ما يمــــــر أسبوع الأ وأثنين ولا ثلاثة من الكوبرا العربية بغرفة الحمـام والدجاج

ومن كثرها تعودنا عليها وصرنا نقتلهـا مثل السلام عليكم

وبعنا الحمام والحمد لله خفت ، أهم شيء رش ديزل ووسع بالك والحذر مطلوووب

ابورشيد ر
17.05.2010, 05:51 PM
اخوي القنافذ ممتازه ومأمونه وماتضر ابدا
ثانيا اذا مالقيت القنافذ احفر حفره وادفن فيها برميل وحط فيه بيض خربان وكب فيه تونه وكب زيته علي جوانب البرميل من الداخل لأن ريحة التونه تجذب الثعابين
وممكن تسلق بيض وغزز فيه دبابيس وكثر بياكلها الثعبان وتشقق بطنه
ممكن تجيب لك فار او جربوع ميت وتربطه بخيط سناره وتطوله وتربطه بشجره اوطنب بعدين تجي من بكرا تلقي الحيه قاعد تستناك
ممكن تخلط زيت محروق وديزل وجره وترشها حول البيت تفكك من كثير

على راسي
10.08.2011, 02:21 PM
انا اشوف ان الامر عادي جدا وطبيعي ولايحتاج الى كل هذه الحيطة الثعابين لايمكن ان تزال بشكل نهائي من اي مزرعة ولايوجد اي حل لها سوى تركها وقراءه الاوراد 000 ومن مميزات الثعابين انها تقضي على الجراذي ولاتهاجم الاخرين الا لو قمت بدعسها برجلك دون ان تدري او مددت يدك في مكان تواجدها الذي قد يكون شرب يرسيم او ورقيات 000 كل ماذهبت الى المزرعه ، في نهاية كل اسبوع اجد العمال قد قتلو حولي اربع ثعابين ولازال لدي الان صل اسود قريب من البيت لا اعرف ابن مكانه وشاهده العمل اكثر من مرة ولكنه في كل مره يهرب 0000 عموما اتكل على الله واقرأ اورادك وخذ الحيطة والله خير الحافظين

سلملم
10.08.2011, 10:13 PM
الله يستر علينا ويكفينا شره

هذا وأنا ناوي أحط حمام بالمزرعة و ودجاج

مشاعلة
10.08.2011, 10:55 PM
السلام عليكم ورحمة الله وبركاته

بعض الثعابين غير خطره وغير سامه ، فليتك أخذت الثعبان واحضرته لمن يعرف انواعها ويرشدك على أفضل طريقة للتعامل معها

انا وجدت فرخ ثعبان صغير ووضعته في اناء ولكن العيال ضيعوه ولا اعرف وين امه ؟ وان شاء الله مافيه الا العافية

يستحسن وجود ادوات الاسعافات الاولية في المزرعة لأي طاريء وبذل الاسباب للقضاء على الزواحف والخشاش وقرائة الاوراد والله خير حافظا وهو ارحم الراحمين

وشكرا للجميع فقد استفدت كثيرا وسوف اجلب عدد من القنافذ في المزرعة بمشيئة الله و لعلها تبقى ولا تذهب بعيدا .:MonTaseR_15:

ابو بثينه
11.08.2011, 09:36 AM
اغلب الثعابين المنتشرة في المزارع هي من النوع الارقم، وهو غير سام ومفيد للقضاء على القوارض وتنظف المزرعه

بحراوي ينبع
12.08.2011, 08:45 PM
عليك بالقنفذ فعال الي درجة متصورها