المساعد الشخصي الرقمي

مشاهدة النسخة كاملة : ناقه ماتعشر وش الحل



ابوناصر6644
19.12.2013, 12:27 AM
ناقه اضربها البعير مرتين ولافايده والصيد قطعناه عنها ولانفع وللعلم الناقه مرتين وهي تلد وهي حالها طيب شحم

ضليع
19.12.2013, 12:56 AM
لازم تنضف حافظه الناقه لان فيها اكرمك الله بول البعارين وبعد ثلاثه ايام عرضها البعير بإذن الله تعشر. الله يوفقك

مغربي200
19.12.2013, 11:29 PM
اخي عليك ان تنقع شوية شعير ليلة كاملة في الماء واعطيه لها صباحا وان شاء الله دوام عليه وستطلب البعير هو ينقي الرحم ان فيه ميكروبات ويهيج الناقة والله يوفقك

دريمز
21.12.2013, 12:27 AM
انا كانت عندي نفس الحاله تقريبا ٤ او ٥ مرات يضربها البعير ولا تلقح . قطعنا منها ولا فيه فايده . بعدها اعطيتها كورس مضاد حيوي جنتمايسين لمدة ٥ ايام وقبل لاعرضها على البعير اعطيتها ٦ ملي هرمون اسمه رسبتال والحمد لله لقحت .

ابن حبيان
21.12.2013, 01:11 AM
يمكن عسرتوها علا البعير وهي ماهي بميسر اعزلها وخلها علا التبن لاتعطيها غيره شي والما وجب لها وقت ثابت كل يوم لاتخليه في الحوض لاطاح المطر بإذن الله وغسلها فاقطع الموالي الي تحت كله اول ماتدخل عليهااعزكم الله اما الي فوق انتبه وانا اخوك لاتقطع منه شي لان اساس القاح علا الله ثم عليه لاخلصت حط ملح علا الي شليت وافركه بعدها خلها تمسي مع البعير بدون قياد كم ليل في شبك وسيع ويفضل تحط معها ظريبتين وثلاث انكان عندك ظرايب عشان مايظربها البعير الا قدهي ميسر تبرك للبعير ويضربها لااستوت لاشفت اثر بركة البعير علاسنامها ادر ان البعير اضربها وانت منت بعندها

ابن حبيان
21.12.2013, 01:30 AM
لاتأكدت انها اظربها ردها مع اماتها لين تستتم حسبتها وفك البعير عليها وان شالله بيجنبها ويفظل لاصار البعير وقت الهداد يعزل مع الظرايب بدون قياد علا اساس يظرب الميسر من البل ويخلي الي مابعد يسرت لين تستوجب بإذن الله علا ذالطريقه ان تلقح ماقطعت منها الا نادر وسبحان الله البعير يحسبلها ويعيد عليها ان لقحت جنبها ولاظربها هذا ماتعلمته من الوالد الله يطول في عمره والسامع والحمدلله مشيت علا خبرته واكثر اهل البل الي يعرفونه ويثنون علا ذا الطريقه
حبيت انقلها لكم عساان تفيد جميع إخواننا المسلمين جميع ويلحق أجر هاذي االمعلومه لراعيها واعذروني علا الأطاله*

ابوناصر6644
18.02.2014, 11:10 PM
كل من شارك في الموضوع الله يعطيكم العافيه ويجزاكم خير
مواضيعكم كثير الي استفاد منها