المساعد الشخصي الرقمي

مشاهدة النسخة كاملة : ياهل الخبره .. ديس العنز احس فيه ورم زي الكوره الصغيره من داخل ..



راعي تاكسي
10.12.2013, 02:07 AM
اسعد الله اوقات الجميع

في بداية ولادتها تركتها مع ولدها وكان ديسها مليان حليب لدرجة الانفجار ، وتركتها يومين علي هالحاله وعلفها برسيم وشعير ، وبعدين حسيت انه كثير علي ولدها وصرت احلب منه واخففه ، وبعدين صرت احطها تبن(في وجه العدو) بدل البرسيم وخف حليبها كثير عن اول ، وخفت ينقطع ورجعت اوكلها برسيم ، والديس تقريبا بدا وضعه طبيعي وصار حليبه خفيف واخاف مايكفي ولدها ، بس المشكله اني لما المس الديس احس في زي الكور الصغيره (خراج) داخل الديس طبعا .

مع العلم ان الديس يحلب بس حليبه ماهو واجد ، وهالورم اللي داخل من جهة وحده بالديس فقط اما الثانية ملمسها اسفنجي وعادي .

هل هالوضع طبيعي بهالشكل او فيه مشكله ممكن تضر الديس مستقبلا ، عشان نتلافى الوضع قبل مايكبر ويخرب الديس .

اتمنى افادتي
وجزاكم الله كل خير

متفااائل
10.12.2013, 02:43 AM
الوضع هذا طبيعي نتيجة تركك للحليب الزائد فيها سابقاً.. والحل بسيط جداً ومجربه انا وبأذن الله ينجح
خذ لك زيت زيتون اي نوع ويفضل الإسباني اللي في علبه خضرا ودفيه على النار بحيث يكون دافئ وامسح ديس العنز في اليوم مرتين لمدة ٣ ايام وبين المسحتين أغسل الديس بماء دافئ وملح مقدار الملح -فنجال شاي -على ٥لتر ماء
ورح تشوف التحسن من ثاني يوم بمشيئة الله.. وتذكرني بخير

راعي تاكسي
11.12.2013, 01:20 AM
الله يجزاك بالخير ياخوي متفائل

بس لو تركت الوضع زي ماهو هل له تأثير علي الديس مستقبلا والا عادي ؟؟

أبـو سعد
11.12.2013, 01:32 AM
اخوي راعي تاكسي ما قصر اخونا متفائل بس اتوقع الحالة الي عندك ما تحتاج لطريقة اخونا متفائل الان لانها بسيطة جدا كل الي عليك تسويه دقها ابرة بنسلين مخلوط بخافض حرارة 5 سيس لمدة 3 ايام ، وممكن لو خليته يطيب من حاله بس اهم شي لا تخلي فيها حليب ، لكن منت خسران اذا دقيتها بنسلين

راعي تاكسي
12.12.2013, 01:16 AM
يجزاك بالخير اخوي ابو سعد

ونصائحكم بعين الاعتبار

تحياتي للجميع

ابوعباده
16.12.2013, 12:28 AM
مرت علي نفس الحاله ف غسلته ب مويه وملح والحين تمام