المساعد الشخصي الرقمي

مشاهدة النسخة كاملة : هل هناك مشكلة عند فطام التيس بعمر شهرين



موادع 1
09.12.2013, 01:36 PM
اخواني الافاضل
السلام عليك ورحمة الله وبركاته

معروض علي عدد 15 تيس بعمر شهرين واسبوع تقريبا
وارغب بشرائها لغرض التربية
فهل تكسر لو سحبتها من امهاتها بهذا العمر
علمآ بانها تاكل شعير وبرسيم
بانتظار آراء المجربين واهل البخص
وسامحوني لو كان الموضوع في غير مكانه المناسب
احترت كثيرا وين اكتبه

وفقكم الله

ابوريم999
09.12.2013, 02:04 PM
فية ناس تعزل البهم على شهرين وشهرين ونص
لو ان الوقت للعزل هو ثلاث شهور
لكن العزل يعتمتد اكثر شي على صحه البهم وجرمه
اذا جرومها طيبة ومافيها صغير بنية اتوقع انها ماتكسر

ابو فيصل عويد
09.12.2013, 02:39 PM
الا بتكسر مافيها كلام

راعي القصيم
09.12.2013, 10:28 PM
اذا التيوس متغذيه وجرومها وصحتها زينه وسمان ماعليها خلاف بمشيئة الله

وهذا الأمر يحتاج إلى رجل خبير ويعرف الحلال والفرق بين الصحيح والغير صحيح

أبو حااتم
09.12.2013, 10:55 PM
انا مع راي اخوي راعي القصيم

بيضانثيل
09.12.2013, 10:59 PM
السلام عليكم ...
المعروف لدى الجميع . ان الفطام بعد ثلاث شهور .

ابوبكرالرويلي
10.12.2013, 11:45 AM
الصح تكمل ثلاثه اشهر رضاعه اقل شي كي لا ينكسر عظمها والله اعلم

Alshibl
10.12.2013, 12:11 PM
اذا صحتها وجرومها كبار ماعليها الحب والبرسيم يعوضها عن الحليب

مغربي200
10.12.2013, 01:22 PM
لا شيء يمكن يعوض التيوس عن الرضاع الافضل تنهي الرضاعة لانها يمكن صحتها تتراجع والافضل اخي تنتظر تكتمل مدة الرضاعة ولا تتسرع فرق الثمن لا تغتر به

موادع 1
11.12.2013, 11:06 AM
الله يجزاكم خير ويحرم وجوهكم عن النار
اللي رد واللي قرا ومشى
اساله تعالى ان يبارك لكم في الحلال والعيال
وان يجزل لكم الاجر والمثوبه