المساعد الشخصي الرقمي

مشاهدة النسخة كاملة : الصخال يطلع من اذنابهم ديدان ويموتون



عافت
29.11.2013, 12:15 PM
السلام عليكم

الصخال ماتو والعوض من الله

الصخل قبل يموت يطلع من ذنبه ديدان ولايقدر يتحرك لين يموت

نظفت اذنابهم وعطيتهم بنسلين لكن المشكله من داخل لان الديدان داخل الذنب


ياليت اللي مرت عليه الحاله يسعفنا بالعلاج

منورين
29.11.2013, 08:22 PM
السلام عليكم
وانا عندي شاة اليوم ماتت كلمني العامل يقول الدود مثل النمل يطلع من حياها
ولي اسبوعين اعطيها افموكيك اردني النوع واشربها ثوم ثلاث ايام كل اسبوع ومانفع
وش الحل يالربع لو صار مثل كذا والاجراءات الوقائيه لباقي الحلال
وقد ماتن ثنتين قبل هذي لكن من شهرين والظاهر المشكله وحده

ماجد..
29.11.2013, 08:39 PM
المراح عندك مو نظيف والشي الثاني شوف حول المراح في دبارين لان الدبران يخرق سبل الغنم ويبيض بوسطها ويفقس البيض جوات السبله
ويبدا الدود يتغذا ويعدم الشاه الحل الوحيد توسع الفتحه الي بها الدود وتفخها بالفليت وترش الدود ايضن بجره واقتل عششة الدبران احرقها

وليد راعى الحلال
30.11.2013, 01:53 AM
استخدم القطران الخفيف وراقب البهم برفع الليه وشيك عليهم

سلطان صنت
05.12.2013, 11:43 PM
غسل اذنابها جيد ودور لك رماد حق النار وارفع الذيل وضرب بالرماد لين يطبع عليها باذن الله راح تشوف الفرق بلي علاجات وخرابيطهم

ابوعلاء22
06.12.2013, 03:37 PM
حصلت معي ياصاح نفس المشكله والحمدلله تغلبنا عليها بالريد اقسم بالله انه فعال بشكل لايوصف للديدان الي يسببها الذباب خصوصا ايام البرد بس اول شي نظف المكان بقطن او قماش ورش ريد من بعيد يمنع الذباب الي يجي على اسهال البهم وثانيا يقتل البيض الي تحت ذيل الصغير لانه يختفي ولابد انك تعطيه فيتامينات ومظاد حيوي لان احتمال يكون دخل لللبطن بس لاتخاف مع الفيتامين والمظاد يموت كل الديدان الي بالدبر اهم شي ماتكون دخلت اعمق في الامعاء وفيه علاج ثاني بودره بس جربناه ماطلع زي الريد الريد اقوى بكثير والافضل انك تخرج الصغار وترش الموقع وتحارب الاسهال اول باول .... ودمتم

عافت
07.12.2013, 09:23 PM
الله يجزاكم خير
ويرحم والديكم

ع ع 07
08.12.2013, 01:12 AM
من تجربة اذا كان الدود في الليه خذ بنزين وضعه في ابره بعد ابعاد الدبوس وضع الابره في اي فتحه تشاهد الدود فيها . واضغط الابره بحيث يدخل البنزين داخل الفتحات التي سببها الدود . رايح تلاحظ الدود يخرج ميت وكرر العمليه عدة مرات الى ان تتاكد من موت جميع الدود ونظافة الليه او السبله او الذنب . وبعدها عالج الفتحات بقطران او اي علاج اخر. المهم اغلاق الفتحات .