المزادات في دولة الكويت

[التميمي]

السلام عليكم ورحمة الله وبركاته
شحالكم اخواني عساكم بخير ؟؟؟؟؟
ابي اسألكم عن المزادات في دولة الكويت اذا عندكم مواقع حطوها لي لاهنتوا
ولكم جزيل الشكر

[تمام]

حياك الله اخوي
والاخوان الي بالكويت مايقصرون يفيدونك
نقلت الموضوع لمنتدى المزادات للفائدة

[فالح العجمي]

هلا اخوي التميمي

المزادات
كثيره في الكويت بس هذا بعض ما عرف

1-مزاد الوطري يقع في منطقه كبد الاسطبلات
2-اربع مزادات على طريق السكراب
وسمحلي اخوي هذي بعض اللي اذكرهم
ويسمحولي اخواني اهل المزدات اللي ما ذكرتهم
اخوك
فالح العجمي

[بو عابد]

مزادات الكويت كثيره
1- مزاد الوطري (اصناف) اسبوعياً
2- مزاد العناز (اصناف) اسبوعياً
3- مزاد الربيعه (شاميات) اسبوعياً
4-مزاد بو علي (غنم ومعزه) يومياً
5- مزاد بو فلاح (غنم ومعزه) يومياً
6- مزاد بو عيسى (غنم ومعزه) يومياً
7-مزاد العجمي (غنم ومعزه)يومياً
8- مزاد العتيبي (غنم ومعزه)يومياً
9-مزاد العازمي (غنم ومعزه)يومياً
10- مزاد التعاون (غنم ومعزه)يومياً

وفي بعد بس حالياً فاقد الذاكره :)

بس الاكثر المزادات جمهور وحلال طيب هو الوطري والعناز (شغل صنف) والربيعه شاميات خصم

ان شاء الله اكون قد جاوبت على سؤالك

تحياتي

[بو عابد]

ونسيت اقول شغله ؟
وسنوياً مزايين اغنام نعييم صنف واللي راح يسويه البصمان+ابو فلاح وتبدأ برمضان القادم

تحياتي

[المطيري305]

اخوي فيه مزادات كثيره في الكويت

واشهرها مزاد ملفي الديحاني على طريق كبد مال الصفاه تكمل يمين تلقاه على يسارك

وهو نفسه مزاد الوطري بس انفصل عن ملفي

[alajmiktv]

مزادات الكويت كثيره
1- مزاد الوطري (اصناف) اسبوعياً
2- مزاد العناز (اصناف) اسبوعياً
3- مزاد الربيعه (شاميات) اسبوعياً
4-مزاد بو علي (غنم ومعزه) يومياً
5- مزاد بو فلاح (غنم ومعزه) يومياً
6- مزاد بو عيسى (غنم ومعزه) يومياً
7-مزاد العجمي (غنم ومعزه)يومياً
8- مزاد العتيبي (غنم ومعزه)يومياً
9-مزاد العازمي (غنم ومعزه)يومياً
10- مزاد التعاون (غنم ومعزه)يومياً

وفي بعد بس حالياً فاقد الذاكره :)

بس الاكثر المزادات جمهور وحلال طيب هو الوطري والعناز (شغل صنف) والربيعه شاميات خصم

ان شاء الله اكون قد جاوبت على سؤالك

تحياتي

وهذي المزادات يا بو عابد وين محلها واماكنها

[k7elan]

على فكرة مزاد العناز واللي يشتهر بالماعز العارضي مكانه ورا ملفي الديحاني تمشي على القار وتخلي ملفي على يسارك وتكمل سيدا ليمن تجيك لوحتين حق العناز كبار وملونة له تلف يمين وتلقاهم حاطين لوحتهم وفاتحين بابهم



وترون من وجهة نظري ان الاقوى هو ملفي الديحاني وله حضور والبصمان اغلبهم عنده يوميا الا السبت اجازة

[سعود الخليل]

والله بنظري انا

ان مزاد ابو فلاح هو الافضل والانسب من ناحية السعر

لان مزاد ابو فلاح تجيه معزة ويجيه غنم وصنف طيب بعد

بس بسعر نقدر نشتريه

اما مزاد العانز ومزاد ملفي الديحاني والوطري والله انا اقول خيال وفوق الخيال

خصوصا بعد اللي شفناه مؤخرا

في مزاد ملفي لما جت فحولة البصمان

ومزاد ابو علي على طريق السكراب بدا هالمزاد يتحول الى صنف

وخصوصا غنم

ان شاء الله بفصل موضوع مستقل عن مكان كل مزاد بالكويت

وبالتفصيل ان شاء الله

الله لا يهينكم وبيض الله وجيهكم

[بو عابد]

وهذي المزادات يا بو عابد وين محلها واماكنها

كلها بجيد وطريق الصليبيه للاعلاف
بس البلديه شالتهم قبل شهر تقريباً وراحو لـ جبد

روح جبد وتشوف لوحات اعلانيه وهياطيه:)

تحياتي واسمحلي على التاخير انا كنت مسافر السعودي اشتري معزه :)

[عادل العجمي]

يعطيكم العافيه كذللك في مزادات في منطقة الوفره على طريق الوفره كيلو 8 + كيلو 9 + 10

1- مزاد العجمي كيلو 8

2- مزاد حمود العتيبي كيلو 9

3- مزاد العازمي كيلو 10

المزادات يوميا وفيها مايصركم ويرضيكم من غنم او معزا والاسعار ممتازه جدا جدا وفيها صنف

والجلابه بياعه يعني على اي سعر يبيع والبيع سمح عندهم


وسامحوني اذا كان في تقصير والسلام عليكم ورحمه الله وبركاته // اخوكم عادل العجمي ابو فهد

[سنافي وراعي معزه]

انا اجول اصبروا والخير جاي الشهر المبروك وبعده تهدي البلديه وترخي وترجع المزادات بكل مكان تخبرونه بعد كل صلاة مزاد يشتغل وينتهي عند اذان الفرض الي بعده وبعد الصلاة يبدي مزاد ثاني مثل الدخيل والبيجر وبو فلاح والمزادات بزدياد كل شهر وبشركم كل الي تبونة موجود بالكويت بس علي اصولة ولا يهونون ربعني بدول الخليج

[محمد الصلال]

بسم الله الرحمن الرحيم
اخواني أعضاء منتدي السوريات


مبارك عليكم الشهر
كل عام وانتم بخير

سوف يتم عروض ( غنم الصلال ) لعبدالكريم الصلال ابو نواف
وذلك في يوم الخميس الموافق 11 اكتوبر 2007
في مزاد مرزوق الوطري في منطقة كبد وذلك الساعه 9 مساء

للا ستفسار 9528757

[الدعجاني]

نبي اخبار المزادات ياجماعه وينه انا جديد عليه الله يبارك فيكم

[ابوفالح]

السلام عليكم جميعا...

السوق الحين سوق ضحيه وكلن قام يجمع للعيد ..اما المزادات راكده شوى بعد سالفه العلف

[دباس العتيبي]

السلام عليكم اول شي بجبد الي نشووفه تطبيل في المزادات يعني ان عرفك الدلال وانت من ربعه ابشر بالي يرفع السعر ولو الله يفكنا من الشريطيه الي تخم الي في السووق من مرض وحيل وتقوول لك مضرع حنا بخير بس ما اقوول انتبهووو من الشريطي ترى ذمته وسيعه يلقط من السووق الرخيص الي يقوول راعيها ما تلد بالمره ويشتريها برخيص ويركض للمزاد ويقوول والد عنده شووف عيني محد قال لي

[دباس العتيبي]

مبين الشريطي عيوونه تلاقط تقوول حرامي الماخووذ

[خروف مصرقع]

مشكورين يا اخوان علي المعلومات الطيبه

[راعي صنف سوري]

hiugutflm;m;lm/.m;m,m.m;k

[دفاش]

السلااام اقوى مزاد في الكويت العناز والوطري

[دفاش]

على فكره ديربالك من التلاعب الي في المزادات ورفع السعر الخيالي اخوك راعي دفاش

[عياد الخمعلى]

أشهر مزاد بالكويت مزاد ملفى الديحانى وقد أنظم لة مؤخرا عبداللة هايف وهو رجل غنى عن التعريف ويتمتع الأخويين بالخبرة و الدراية بالحلال والاسعار طيبة ومعقولة يشترى منهم أصحاب الصنف واصحاب الدخل المتوسط وأجمالا اسعارهم مناسبة للجميع

[احمد العدوانى]

نذكركم ببيعة العدواني

اليوم الموافق 15-9-2008

بمنطقة كبد الكويت يمين الجمعية

وحيا الله الجميع


اخوكم: احمد العدواني
009656060601
009659603162

[فهدتركي الحربي]

الاخ احمد العدواني مساك الله بالخير بخصوص مواقع المزادات اسهل دخول لها للقادم من السعودية من جهة حفر الباطن او القادم من النعيرية وهل الي بيشتري سهل يخرج الحلال للسعودية.
اخوك فهد الحربي

[ابوقبلان]

والله انا من المعجبين بمزاد الوطري لان فيه غنم صنف وخووووووش افحل

[ابوقبلان]

ياشباب منو يعرف الغنم العرب الصنف

[ابوقبلان]

يابناخي تعرف عن الغنم العرب الصنف

[ابوقبلان]

منو يعرف للغنم العرب الصنف السود

[ابوقبلان]

السلام عليكم ورحمة الله وبركاته كيف الحال ياشباب

[سعد طلال]

انا عرف مزاد
فهد بن صليهم العازمي علا طريق السطبلات كل يوم الساعه 5 يبدا معزا وغنم
وسلام

[ابوقبلان]

والله انا اقول ان مزاد الوطري هو الافضل لانه فيه كل شي غنم ومعزه والله ولي التوفيق

[ابوقبلان]

الصنف اسود ولون اليل كاسيها وطرد وراها بروحاتي وجياتي

[راعي الإبل]

شكرا للخوان المجيبين عن استفسار الاخ

[بو برجس]

الله يعطيكم العافيه

ويمكن وضعت الاعلان مو محله بس اللي يخبرله غنم نجد بيض بالكويت للبيع ارجو الاتصال على : 99010619

ولاهنتو ...

[محمد الخالدي]

الربع سبقوني وكفو ووفو ، الله يجزاهم عني كل خير

[ابوفلاح]

جزاكم الله خير جميعا واشكر العضو ابو عابد على المجهود الرائع وجميع الاعضاء

[الوقيتان]

يعطيكم العافيه على التوضيح

[سعود الجويسر]

السلام عليكم ورحمه الله وبركاته
ماشاالله علي مزاد الكويت بيارك الله فيكم
اخوني حيكم في اكبر مزاد في الرياض النجد ابوعبدالعزيز بيع النوادر السلاله الممتازه فتح الباب من الف رقم 05035333512

[سعود الجويسر]

السلام عليكم ورحمه الله وبركاته
الي اخوني اهل الكويت بيارك الله لكم في المزدات تشجيع مربين النوادر احيكم علي زيره اخونكم في الرياض علي مزاد النوادر العوارض كل شهر النجد شركه النافع للمواشي اخوكم ابوعبد العزيز

0535333512 حيكم الله يوجد صاله للضيوف في مزادكم الثاني نتوصل برقم لجنه ابراهيم 0505238166

[راعي الكرز]

السلام عليكم ورحمت الله وبركاته انا اخوكم ابو محمد من الامارات سوال بس فيه نجد في هل مزادات ولا اين تقع انجد في الكويت وجزاكم الله خير للتواصل اتصل علي ارقم اتالي 00971509411132