المساعد الشخصي الرقمي

مشاهدة النسخة كاملة : كسر فوق الركبة وش الحل يا النشامى



hashiburger
12.01.2013, 10:56 PM
السلام عليكم

عنز جنوبية عندي اليوم اشوفها رافعة ايدها اليسار أظنها مكسورة من النطح
و أظنه فوق المفصل عشان فيه ورم خفيف بين الكتف و المفصل

رحت للطبيب يقول ماله حل بالجبيرة و لا تثبت و يقول ما لها الا علاج شعبي
قالي اربط عليها كم خشبه و اعطيه بنسلين و كالسيم

و اتوجه الى اهل الخبرة اللي مرت عليهم مثل هالحالة و عالجوها
و الى الاطباء الكرام ان يعطوني افضل الحلول لعلاجه وشكرا لكم جميعا

ذييبان
12.01.2013, 11:19 PM
جباره بالطريقه المعروفه مع مراعاة ان تورمت ارخي الجبيره
شوي وتراها سهله وعشرة ايام ان شاء الله وهي مع خواتها

hashiburger
12.01.2013, 11:38 PM
جباره بالطريقه المعروفه مع مراعاة ان تورمت ارخي الجبيره
شوي وتراها سهله وعشرة ايام ان شاء الله وهي مع خواتها

اشكرك يا ذيبان بس يقولون الجبيره ما تثبت او تطيح

هل ممكن تجبير كامل اليد من اسفل الى اعلى الكتف؟ هل تثبت بهذه الطريقة؟

كاتب قصيد
13.01.2013, 02:52 AM
اسمع وانا اخوك

الكسر اذا كان فالساق سواء في اليد او في الرجل هذا موضوعه ان شاء الله بسيط يحط له جبيره وكم اسبوع ويجبر وكل ما كانت البهيمه صغيرة سن تجبر بسرعه لكن كبير السن صعب جدا يجبر والفحل اصعب شي يجبر يبطي جدا

لكن دامك تقول الكسر فوق المفصل فهذا اعتقد صعب اذا كان بالقرب من الكتف او في الفخذ لانك مهما سويت من جبيره فسوف تسقط لانه مكان عضل وتحته لحم وعظم صعب تمسك تطيح الجبيره واذا كان العظم تشوفه متفاخت يعني كسر كسر فهذي طال عمرك صعب تجبر علشان اختصر عليك المجهود

وهذا الكلام من واقع تجربه علشان ما تكلفك من الجهد الكثير وانصحك ان كانت تنذبح اذبحها وحطها فالثلاجه

راعي عناق
13.01.2013, 09:29 AM
الله يشفيها

اظن ما فيه أمل يطيب الكسر لو بجبيرة خشب

و الله اعلم

وطني بلدي
13.01.2013, 10:54 AM
اخي الكريم

الله يبارك لك في حلالك

تقدر تجبرها وصارت معي لكن يبي لك طول وقت

نعم حط لها جبس لكن تصير الرجل فيها ميول ماهي معتدلة وبكذا يمسك الجبس وما يطيح ولازم بنسلين 15 يوم على الاقل مع مسكن وتعزلها في مكان قليل الحركة ولا احد يدخل عليها يحركها بقدر ما تكون ساكته

اما الجبيرة العادية تنفك ويتحرك الكسر وكانك ما سويت شي

hashiburger
13.01.2013, 11:15 AM
شكرا لكم اخواني على تفاعلكم... اخوي وطني بلدي مشكور على المعلومة
بالفعل انا عازلها من البارحة و إن شاء الله بروح للدكتور يسوي لها
جبيرة و يثني المفصل شوي حتى ما تصير على استقامة وحده
كذا اللي قصدت اخوي وطني بلدي؟

hashiburger
13.01.2013, 03:14 PM
الحمد لله شافها الدكتور و يقول يمكن تجبيره لانه شعر فوق المفصل بقليل و جبرها تجبيره عاديه من تحت المفصل الى اعلى اليد
و يقول يمكن يتحجر المفصل بعد فك الجبس و يرجع مع التدليك و العلاج الطبيعي
و اشكر كل من شارك و افادني بخبرته

آبوو شهد
13.01.2013, 07:16 PM
شوف الكرتون المقوى

بيساعدك ع الجبيرة

ولايحتاج جبس ان شاء الله