المساعد الشخصي الرقمي

مشاهدة النسخة كاملة : اضرارتطعيم معوي على الحلال؟؟



نهضة إنسان
02.01.2013, 11:34 PM
السلام عليكم جميعا..
حاليا سوف اعمل تطعيم معوي لجميع الحلال بإذن الله؟؟
لكن الخوف من التطعيم لأن البيطري يقوم بالتطعيم" بالمسدس" عشان يكسب الوقت وينتهي بسرعة ؟؟لكن اشوف الحلال يكون بعدها تعبان ويموت من الحلال؟
هل التطعيم المعوي له اضرار ؟؟ على الدفيع والمتابيع والبهم؟؟
الفائدة منكم وبارك الله فيكم

كدااااد
02.01.2013, 11:51 PM
بالنسبه للبيطري اللي تموت الغنم بعد تطعيمه لها هذا ماعنده سالفه الا اذا كان بها مرض عارض صادف التطعيم

التطعيم بالمعوي لا يضر الحلال الدفيع ابد توكل على الله وطعم

بالنسبه للمسدس كلنا نستخدم مسدس التطعيم لكن الابره افضل مقاس للصغار 10 لو هي متعبه

لا تطعم مادون الاسبوعين عمراً

خالد العقيل
03.01.2013, 06:09 AM
المعوي يتعب الحلال بالحيل ياخذه ثلاث ايام ماودك تشوفه بعد التطعيم احاول اصد عن الحلال واشغل نفسي بأي

شي عنه نصيحتي للي بيطعم معوي يتابع حلاله من ناحية الحراره تطعيم فايزر اكثر ايتعب الحلال مع اني لا استعمل غيره

كبير
03.01.2013, 07:52 AM
يشهد الله يا اخوان ماعمري طعمت حلالي من اي نوع من التطعيمات وما شفت من الله الا كل خير فعلا هي اسباب والوقاية خير من العلاج والاحتياط واجب لكن اذا نظرت الي اهلنا الي عهد قريب حلالهم في زود ولازاد حسن الظن بالله الاخير وبركة في الحلال وجهت نظري الشخصية وقناعة عندي وكل له راية وصلي الله علي محمد

نهضة إنسان
04.01.2013, 12:13 AM
الأستاذ/ كداد معلومات مهمة لكن هناك في اعراض تتم بعد التطعيم ايش الحل فيها؟؟

سنآفي
04.01.2013, 02:18 AM
بالنسبه للبيطري اللي تموت الغنم بعد تطعيمه لها هذا ماعنده سالفه الا اذا كان بها مرض عارض صادف التطعيم

التطعيم بالمعوي لا يضر الحلال الدفيع ابد توكل على الله وطعم

بالنسبه للمسدس كلنا نستخدم مسدس التطعيم لكن الابره افضل مقاس للصغار 10 لو هي متعبه

لا تطعم مادون الاسبوعين عمراً

أوافق الأخ كدّاد بكل ما تفضّل به

وأقترح وضع فيتامين بالماء قبل التطعيم بيومين وبعده كذلك لتجنّب أي عرض لا قدّر الله ورفع المناعة

تطعيم المعوي آمن وإذا تم استخدامه بشكل صحيح فلن تواجه أي مشاكل

تحيآتي لكم ..~

اابوفيصل
04.01.2013, 09:23 AM
انا كل سنه احصن الحلال معوي و لا يوجد مشاكل مع الدفيع او غيرها

حتى تقوي مناعة الحلال عطهم ( هـ سالينيوم مع الماء ) قبل التحصين بيوم

.. ابو سلمان ..
04.01.2013, 02:00 PM
*

بعد ماحصنت حلالي عن المعوي شاهدت الحلال في اليوم الثاني مصاب بخمول واعتقد حراره ماتسبب في تحتت وتساقط للشعر بسبب الحراره ولكن الدفيع لم يصيبها شي ابدآ

بالنسبه للصغار احذر ثم احذر من تحصينها الا اذا اعمارها من العشرين يوم وفوق .. لاني من تجربه حصنت ثلاثه كانت اعمارها على يومين وفي اليوم الثاني توفت بسبب قوة العلاج والتحصين

نزيه
05.01.2013, 11:44 PM
الحمد لله لي اكثر من اربع سنوات اطعم حلالي معوي مرتين في السنه مالاحظت شي حتى الصغار بعمرشهر
وياسلام عليك ياكبير ونعم بمن توكلت عليه

آبوو شهد
06.01.2013, 12:25 AM
توني طعمت الدموي قبل يومين

وطعمت المعوي قبل شهر ونص


ولاصار شي ولله الحمد

يتم تطعيم الحلال كالتالي:

من عمر شهرين الى ست شهور = 1سم

من عمر ست شهور واعلى =2 سم



التطعيم تحت الجلد


ويفضل يكون بعد العصر

ابن فهيد ^
06.01.2013, 04:23 PM
انا طعمت معوي + دموي + طاعون حتى الآن

واللهم لك الحمد والمنه ماواجهت اي مشاكل لا بعد التطعيم ولا على الدفيع

ونقطه مهمه تفضل بها اخوي ابو شهد التطعيم مايكون في وقت حآر

لاني مره رحت لبيطري باخذه الظهر ورفض قال بعد العصر بساعه مرني
عشان يكون وقت مسيان وبراااااد على الحلال ،، والله يبارك في حلال كل مسلم

سلام وانشد
07.01.2013, 12:07 AM
السلام عليكم جميعا..
حاليا سوف اعمل تطعيم معوي لجميع الحلال بإذن الله؟؟
لكن الخوف من التطعيم لأن البيطري يقوم بالتطعيم" بالمسدس" عشان يكسب الوقت وينتهي بسرعة ؟؟لكن اشوف الحلال يكون بعدها تعبان ويموت من الحلال؟
هل التطعيم المعوي له اضرار ؟؟ على الدفيع والمتابيع والبهم؟؟
الفائدة منكم وبارك الله فيكم

ياخوي الخوف ماهو من التطعيم تطعيم المعوي بإذن الله سبب في سلامة البهم من الاسهالات وانتم بكرامة
الخوف واللي يجب الحذر منه ابره التامتيك (المسدس ) اللي تكون مع البيطري لانه يطعم بها حلال في اماكن مختلفه وربما يكون بعضه به
مرض والبيطري ما يعقم الابره بين كل استخدام واخر وينقل المرض من مراح الى اخر
نصيحة للجميع اشتر الابره وخل البيطري يطعم بها وتحفظها عندك وبذلك تسلم من الامراض