المساعد الشخصي الرقمي

مشاهدة النسخة كاملة : الضرمة المخصصه للغنم الحريات عااااااااااااجل



أبو ريان1
26.12.2012, 10:25 PM
السلام عليكم
عندي غنم حريات عدد 130 راس احط لها الظهر

ظريبة تبن اعزكم الله وفي العصر احط لها كيسين

شعير ومن امس شرهت علي اكلها ماصارت تخلص الشعير

صار يزود الشعير وراها واجد ماتاكله مع العلم اني جنوب الطايف

والديره يابسه مافيها حيا ولا ربيع علشان اقول ممكن تحصل شي سادها

عن الشعير وجونا بارد وهل للجو دخل في اكل الغنم وياليت تفيدوني وش الاسباب

مع العلم اني لم الاحظ في الغنم شي تعبان وهل ظرمتي زايده علي الغنم والا طبيعيه

بانتظاركم ولله يسر اموركم اجمعين ويخلي لكم مالكم وعيالكم

جامع الأخبار
26.12.2012, 10:31 PM
نعم التبن زاد عشان كذى تترك الشعير
وافضل تخلي الشعير كيس ونص

ابوحسناء
26.12.2012, 11:16 PM
اخي الكريم كم بالة تبن تعطيها وبالنسبة لايام البرد الغنم يكون اكلها قليل وخصوصا الصباح ونفسيتها تعبانه غالبا يكون بسبب التهاب المفاصل ويسمونه ضلاع ولوتلاحظ عليها مشيتها ثقيلة وفيها عرجة بسيطة لكن العصر تكون دفيانة وحالها يزين شوي

أبو ريان1
27.12.2012, 06:52 AM
اعطيها بالة تبن وحده طول 80 سم

تركي المنصوري
28.12.2012, 08:25 AM
ابو ريان خل التبن صبح بدري وبعد العصر كيس ونص شعير

أبو ريان1
28.12.2012, 08:38 AM
رايك علي راسي

بس وش الحكمه اني اخلي التبن

الصباح بدري هل هو احسن لها

ولا ليش ممكن توضح لي يالغالي

وشكراااااا ع المرور

مخلد القثامي
28.12.2012, 08:11 PM
حبه ونص تبن الصباح بعد ما ترجع من المسراح من الساعه 10 وحول

والعصر كيس ونص شعير

سنآفي
28.12.2012, 08:49 PM
أقترح مثل ما تفضّل الأخوان ربطة ونصف تبن بوجه العدو الصبح
و كيس ونصف شعير العصر

والحكمة من ذلك هو انها من العصر اليوم إلى الظهر بكرا تكون جوعانة والظهر والعصر يجيها علف كثير بوقت واحد

تحيآتي لك ..~

د.بخيت
28.12.2012, 08:49 PM
اخوي ابو ريان
الشعير زايد عليهم كثير والتبن ما فيه فائدة كبيرة لهم وبهالطريقة تخسر نفسك وفي نفس الوقت مضرة للغنم زيادة شحم وقلة فيتامينات وغيره

الرأس يحتاج الى 300 الى 400 جرام شعير فقط
البرسيم كيلو ونص الى 2 كجم

فيكون احتياج الحلال عندك كالتالي
الشعير ( 130 في 300 جرام = 39 كجم ) فقط يعني اقل من الكيس
البرسيم ( 130 في 1.5 كجم = 195 كجم )
التبن ( 130 في (ربع كجم ) = 32.5 كجم
احسباالضرمه ـ كم كيلو هي ومنها تقدر تحسب الكمية
الجلد تحتاج الى كمية اقل من هذه الكمية بمقدار الربع تقريبا
الصبح تبدأ بالبرسيم والظهر الشعير وأليل التبن
انتبه من ألماء هالايام لا تخليه من المغرب تكب الماء الى يوم ثاني الصبح وانتبه الصباح أيضاً لا يكون الماء بارد

أبو ريان1
29.12.2012, 01:32 PM
سلمتم جميعا علي التواجد والادلاء

بالهنصايح الحلوه والله يعطيكم الف عافيه

طيب يالربع اش احسن شي مع الشعير التبن

والا البرسيم لاني جالس افكر اغير التبن بالبرسيم

واعطي الجنبات برسيم لان فيه ناس قابو التبن مامنه

فايده وقالوا عط الغنم الصباح برسيم وبالليل عطها

شعير وسلامتكم

سنآفي
29.12.2012, 07:02 PM
سلمتم جميعا علي التواجد والادلاء

بالهنصايح الحلوه والله يعطيكم الف عافيه

طيب يالربع اش احسن شي مع الشعير التبن

والا البرسيم لاني جالس افكر اغير التبن بالبرسيم

واعطي الجنبات برسيم لان فيه ناس قابو التبن مامنه

فايده وقالوا عط الغنم الصباح برسيم وبالليل عطها

شعير وسلامتكم


طبعاً البرسيم أفود بكثير

والحقيقة في الفترة الماضية وجدت ان اسعار البرسيم والتبن متقاربات جدّاً

البرسيم يحتوي معادن ونسبة من الفيتامينات والأملاح المعدنية ( يعتمد على نسبة كل عنصر في التربة المزروع فيها البرسيم )

لذلك لو تبغى شوري بالنسبة للرغث والدفيع عطها برسيم وبالنسبة للجلد عطهم رودس أفضل من التبن وأوفر

ولو استطعت انك تستبدل الشعير بمركبات الصوامع أفضل بكثير ،، لأنها تحتوي على أهم العناصر للماشية

استأذن الأخ عبد المجيد بعرض هالصورة :

http://im19.gulfup.com/kOfi1.jpg

تحيآتي لك ..~

أبو ريان1
30.12.2012, 01:15 AM
جزاك الله خير ودمت بالف ود يالسنافي


وبصراحة مجهوداتك تشكر عليها