المساعد الشخصي الرقمي

مشاهدة النسخة كاملة : ساعدوني رحم الله والديكم



نعيمان
18.12.2012, 08:39 PM
يا جماعة الخير عندي اربع من الماعز اجهضت ورمت عيالها ميتين خلال اسبوعين ....وفيهن 2 بكار اول مرة يلدن ....الامهات بعد الاجهاض الحمد لله سليمات وياكلن
لكن المشكلة ابي اعرف سبب الاجهاض مع العلم ان الاجهاض يصيبهن وهي باقي تقريبا اسبوعين على الولادة او اقرب ممكن 5 ايام مع العلم اني مكرمهن بالحيل برسيم وشعير وسرحة في الجبال ومكعبات الاحمر في كل مكان وسبق اني طعمتهن جدري قبل شهر تقريبا وهذي اول مرة اطعم جدري بسبب انتشارة في المنطقة ......ارجو المساعدة علشان الحق على الباقيات والحمد لله على كل حال .

مقحص
18.12.2012, 09:20 PM
اخي ياليت توضح اكثر بخصوص اكرام العلف شعير وبرسيم
العدد كم والكميه من العلف كم .؟
لان يتضح لي انك مخطئ من جهتين واللي سببت عندك سلمك الله عرض الاجهاض
تسمم حمل واضح وتسبب في الاجهاض عندك بسبب نقص العلف
او
التعب اللي تلاحظه عليها من السرحه والسبب انك تشوف بعض الامهات اخر شهر تتعب وتكون قليلة حركتها ولابتحب الحركه
وانت اجبرتها بالسرحه خصوصاً للي دافع باثنين تعب واجبار على المشي ولاتنسى منها البكر واول بطن اكيد صعوبه بالحمل وثقل تواجه لو بواحد بطنها

فحذرك من نقص العلف للدفيــع
وسرحتها واجبارها على الارهاق
الدفيع لاتسرحها ابداً خصوصاً للي اخر شهرين وتشوف دفيعها بدى يبين ابداً ابداً
واتمنى تعم الحلال ببعض الفيتامينات خصوصاً في اخر شهرين كل خمس ايام شهرياً بعد التعطيش
اتمنى افدتك بشي
والله يوفقك ويعوضك يااارب

نعيمان
18.12.2012, 09:49 PM
اخي مقحص اشكر لك اهتمامك وسرعة الرد... بالنسبة للسرحة وحدة من اللي اجهضت جفرة بكر ما تسرح مع الحلا ل نهائيا من سنة تقريبا ودايم العلف يبقى عندها في المعالف من الشبع ...بالنسبة من كمية العلف انا متاكد من كفاية الحلال ونصيبه منه ...لكن المكعب الاحمر هل يحتوي على كل الفيتامينات اللي تحتاجه الدفيع والله هناك فيتامينات تضاف في الماء لتثبيت الحمل ؟؟؟؟؟؟؟؟؟؟

مقحص
18.12.2012, 10:25 PM
والله يخوك شف البلك الامر يحتوي مابين (9 - 13 ) فقط واتوقعه اقل لاني ناسي العدد
لكن احترازياً انصحك بالفيتامنات الاوربيه فيها عدد اكثر من معادن وعناصر للفيتامنات
بينما فيه فيتامينات بودره انا استخدمها من فترة شي فيه 23 وشي فيه اكثر وفيه اقل
حاول تشو اللي فيها يكون العدد اكثر وبنفس الوقت صناعة اوربيه انصحك فيهاوتعطيها للحلال بصفه شهريه وتكثفها اخر شهرين من الولاده
تنفك برفع المناعه ومقاومه للامراض ان شاء الله خصوصاً عند تغير الفصول كلك دعم الدفيع لاي فيتامين ينقص عليها
عندك فيتامين هـ س بودره اردني طيب جداً لثبيت الحمل واقع خمس ايام بالشهر واذا تبي تكثفه تخلطه مع الفيتامين اللي قلت لك (مع ان الاوربي يحوي هـ س ) لكن بنسبه اقل
بلكات الاملاح طيبه ولا اقدر انكرها ابداً لكن
طريقه حلوه تحطها بالمراح عندك فوق خشبه او ترفعه عن الارض فضلاً عن انك تعلقها (لان من طبع الغنم تبحث وتاكل ) تشوفها وتمر عليها كثير افضل من انها معلقه تكون
كذلك مشكلة الحلال وتعاملها معه انها ماتلجأ لها الا في حالة نقصت عليها الاملاح من نفسها (بكذا تكون اجبرتها تلحس منه كثير لو ركنته على الارض )
بخصوص الجفره وغيرها ذكرت لك سابقاً الاسباب
واذا تبي تشوف حلالك شبعانه او لا لاحظ دمنها كرمت اذا حصلته دمن طبيعي لكن يكون شكله متجبن غالباً وحجمه اكبر (فهذا ذراق شبعه) بتعرف حلالك شبعان ولالا
والي اجهضت عندك كلها
علاجها
تعطي مضاد حيوي طويل المفعول باللحم 4 سم للجميع وتكرره عقب اسبوع + بنسلين في اول مره 4 سم للجميع لخفض اي التهابات لاقدر الله
والحليب انتبه وتجنب انك تحلبها (حتى لو شفتها مليان ) مابيمر شهر بالكثير الا غرزت من جديد ان شاء الله
وبكذا ان شاء الله تلحق انها تقرع وتمسك قبل موسم برود الفحول (شهر اربعه وطالع )
والله يعوضنا وياك

نعيمان
19.12.2012, 12:52 AM
الله يجزاك خير اخي مقحص عزالله انك كفيت وفيت وان شاء الله ابنفذ نصايحك كلها بعون الله