المساعد الشخصي الرقمي

مشاهدة النسخة كاملة : اغماء وتسارع نبضات القلب



تمام
22.04.2009, 09:58 AM
الاطباء الاعزاء
حصل عندي قبل يومين حاله غريبه لطلي صغير عمره 5 شهور
حالته الصحيه ممتازه وياكل ويشرب تمام التمام
فجاءة غبت العصر عن حوش الطليان دقايق لما رجعت حصلت الطلي ممد وتنفسه بطئ وضربات القلب متسارعه والعين بيضاء قلت اكيد واحد من الطليان الكبار ضاربه واسرعت جبت السكين ابلحقه واذبحه شوي قل تسارع النبضات وبداء يرجع طبيعي ورجعت العين لطبيعتها وقام الطلي يمشي طبيعي لكن تحس انه مجهد شوي
تركته وبعد عشر دقايق طاح مرة ثانية ونفس الطريقه الاولى لما جيت اذبحه شوي ورفع راسه وقام لكن يترنح اكثر من المرة الاولى
اتصلت على البيطري وقال ممكن عنده مشكله بالجهاز العصبي عطه كاربورال يوم ورا يوم ومضاد التهاب كل يوم
طبعاً بعد اول جرعة علاج نفق الطلي ( مات) والفتره بين اول سقوط والموت ساعات وبعد موته انتفخ بطنه وخرجت احشاءه خلال ساعات رغم ان الجو بارد
والحمد لله لم تظهر لي اي حالات مشابه لا قبل ولا بعد

هل ممكن يكون جلطه

د.بخيت
22.04.2009, 10:12 AM
السلام عليكم ورحمة الله وبركاته
حياك الله اخوي تمام وابرك الساعات اللي عرجت فيها على المنتدى

باختصار ..
انا اعتقد والله العالم ان اللي اصاب الطلي هو احد امراض التسمم المعوي ،

حبيت اعرف :
نوعية العلف
اخر تحصين للتسم المعوي

الأفندي
22.04.2009, 10:32 AM
الله يعوض عليك بخير إن شاء الله يابوعبدالله

تمام
22.04.2009, 10:34 AM
الاعلاف ماتغيرت من فتره طويله
برسيم جاف + شعير
المعوي كان الدور على الطليان قبل يصيبه المرض
لاني طعمت دمي قبل 10 ايام وبديت اطعم معوي لكن مالحقه الوقت ماكفى

د.بخيت
22.04.2009, 10:42 AM
الله يعوض عليك بالخير وترى البركة في باقي الحلال

احتمال انه تسمم معوي ، بس لحق باقي الصغار اللي اعمارهم فوق 3 شهور

تمام
22.04.2009, 11:56 AM
جزاك الله خير
استكملت امس التطعيم لكامل القطيع ولله الحمد
ماقصرت الله يبيض وجهك

alqroni
22.04.2009, 02:08 PM
الله يعوض عليك بخير إن شاء الله يابوعبدالله

د.بخيت
24.04.2009, 09:31 AM
السلام عليكم
الله يتمم لك بالخير اخوي تمام ،
وجهك ابيض اخي الحبيب..


بالنسبة للأعلاف :
إذا كنت معتمد على البرسيم والشعير فقط فأنصحك ان تظيف لو كل شهرين مره الفيتامينات والاملاح والمعادن السائلة في ماء الشرب علشان تعوض النقص الذي قد يحدث..

ايضا مركز الوافي فيه اغلب المعادن والأملاح والفيتايمينات الضرورية للأغنام..

الله يبارك لك فيهم...