المساعد الشخصي الرقمي

مشاهدة النسخة كاملة : حاله غريبه بالنسبة لي - موضوع مدعم بالصور



الشبط
15.04.2009, 11:22 PM
مساء الخير اخواني ...



اليوم دعاني جاري نتقهوى سوى .. ويوم جيته لقيته بلشان بواحد من البهم اللي عنده ... وحالته الصحيه مرره دمار ... وكان جالس يرضع الصغير بنفسه .. لأنه مارضع ( في الوقت المعتاد لرضاعته )

جلست أشوف وش وضعه .. طبعاً عليه حراره بس موب زياده .. وهزيل جداً .. ويثغي بصوت مكتوم

خلال جلستي وبفتره قصيره .. مات الصغير .. بهدوء .. بس يوم دققت في الوصع عشان أشوف السبب لقيت العيون غايره بزود ( وللمعلوميه كانت غايره من قبل مايموت )

مادري وش السبب صراحة ... قلت أبصور الوضع يمكن أحد من الاخوان او الاطباء الافاضل عنده خبر في الموضوع أو تصور عام عشان يشرح لنا الحالة ...

لأنه وبأختصار .. هذا موب أول واحد اللي يموت بهالطريقه ...


والله يعطيكم العافيه ... وهذي الصور بين ايديكم !!



http://www6.0zz0.com/2009/04/15/19/287279700.jpg



http://www6.0zz0.com/2009/04/15/19/807989295.jpg

(الصبيعى)
15.04.2009, 11:33 PM
بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

اخوى الشبط اذا الحالة هذى متكرره هذا نقص النحاس يمكن صاحبك مايطعم او يوضع فيتامينات بالماى او سوء تغذية بس الحالة هذى اقرب ماله النحاس .

وعلاجها سلينيوم 1سم بالفم + 1سم بالفم ad3e .
والله اعلم.

د.بخيت وناصر والاخوان يفيدونك اكثر منى.

موفق بإذن الله ... لك مني أجمل تحية .

الشبط
16.04.2009, 02:30 AM
يعطيك العافيه اخوي الصبيعي ...


كلامك انا اتصور انه مضبوط .. بس مادري ليه عندي احساس ان فيه شغله ثانيه في الموضوع .. لأنه لو وصفت لك ( ولا يهون الاخوان ) الوضع العام للمراح ...
المعزى بشكل عام مصابه بالهزال ... وفيه تانكي المويه في وسط المراح اللي مسبب تحته بركه طينيه طول الوقت ... وانا من خلال خبرتي البسيطة أتصور ان هالبركه مصدر خصب للأوبئة والامراض ..

الرجال بكل صراحه مجتهد .. ويسوي شغلات كثيره في سبيل ان صحة المعزى تتحسن بشكل عام


والله يعطيكم العافيه ... ولا يوريكم مكروه

(الصبيعى)
16.04.2009, 02:39 AM
بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

اخوى الشبط عجل اوصيط لازم تبلغة يخلى مكان التانكى خارج محصر الحلال + يعطيهم سوبر افوميك او فكترين تحت الجلد 2سم ويكرر بعد اسبوع احتال كبير فيهم الديدان.
موفق بإذن الله ... لك مني أجمل تحية .

شرقي
16.04.2009, 02:57 AM
هلابك اخوي الشبط من خلال وصفك للحاله والصوره هي ان صاحبك ماطعم عن التسمم المعوي والدموي ومثل ماقال اخوي الصبيعي انه نقص نحاس وهذه من علاماته ايضا اما بالنسبه للمراح وان المعزا هزيله مثل مقال اخوي الصبيعي واضيف لو يغير مكان مراح الغنم او على اقل تقدير يقوم بتنظيفه وحط فيه كم رد رمل اسف على الاطاله

alqroni
16.04.2009, 05:52 AM
طريقتك في عرض المشكله ررررائعه أخي الشبط
مشكووور
والشكر موصول لأخي الصبيعي
فجزاكما الله خيرا

بوياسر
16.04.2009, 10:40 AM
بالنسبه للجفر
هل كان فيه شلل في قوائمه الخلفيه؟
هل كان صوت تنفسه طبيعي؟ او كان فيه صوت بلغم؟

اضم صوتي لصوت الاخوان
ارضيه المراح لازم تكون نظيفه و جافه
و التطعيمات ضروريه خاصه الدموي و المعوي
و كذلك ادويه الطفيليات (الدود)

الشبط
16.04.2009, 11:31 AM
اخوي الشرقي هلا ومرحبا ...
بالنسبة للتطعيمات بصراحه ماعندي خبر فيها .. ولا أدري هل تم تطعيم الدموي والمعوي والا لا ... أشكرك على استجابتك والله يعطيك العافيه ...


اخوي القروني ..
كلامك وسام اعتز فيه .. والغايه الفايده توصل للجميع وبالطريقه المناسبه .. وإن شاء الله أكون سويت شي يستفيدون منه غيري ..
ويمال العافيه


بو ياسر ...
كلامك في الصميم ...
بالفعل كان الجفرر جالس خلال فتره تواجدي وحاول التحرك لكن القوائم الخلفيه ماكانت تساعده ابد .. (( وانا توقعت انه ضعف عام .. أو شي من هالقبيل )) ... وطبعاً انت تقول ان تنفسه موب طبيعي وذكرت بالموضوع ان صوته مكتوم خاصة لا جاء يثغي ..

اتمنى يكون عندك او احد الاخوان عنده التصور الواضح للحالة ... وان احتجتوا اي معلومه ممكن أني اوفرها بخصوص تاريخ المراح ( بس طبعا ابتآخر لأني أبسآل الرجال )

والله يعطيكم العافيه

المحقق عارف
16.04.2009, 01:50 PM
اخوي الكريم الشبط

ممكن تكون الولاده الاولي وهي تكون بعض الحالات تموت
لاكن ممكن الاطباء يفيدوك فيه ملاحظة سبب الانتفاخ بجوار الخشم

راعي الإبل
18.04.2009, 12:02 PM
طريقتك في عرض المشكله رائعه أخي الشبط
مشكور والشكر موصول لأخي الصبيعي
جزاكم الله خير

د.بخيت
18.04.2009, 02:31 PM
السلام عليكم ورحمة الله وبركاته
حياك الله اخوي الشبط...
للمعولة العامة ان نقص النحاس لا يسبب الموت على الاقل بهذه الطريقة إلا إذا كان هناك اسباب اخرى مثل وجود الطفيليات الداخلية او الاصابة باحد امراض التسمم الدموي اوالمعوي او الاصابة بالبكتيريا او الفيروسات..
وبالنسبة لوجود الطفيليات الداخلية يعتمد على عمر الصغير فإذا كان الصغير قد بدأ في الاكل يعني تعدى عمر الشهر فوجود الطفيليات وارد أما إذا لم يكن قد بدأ في الاكل فالاحتمال ضعيف جدا ، ولكن لايمنع وجودها خصوصا الكوكسيديا.
اكثر الاحتاملات انه مصاب بالتسمم الدموي او الالتهاب الرئوي خصوصا انك ذكرت ان صوت الصغير كان ضعيف ومكتوم..
وتبقى هذه احتمالات ,,
وننتظر ردك من سؤال صاحبك واهم سؤال هو .. هل حصن ضد التسمم الدموي والمعوي؟؟

أسأل الله له ان يرفع الضر عن حلاله ويبارك له فيه وفي حلالكم وحلال المسلمين ..

الشبط
19.04.2009, 12:00 AM
أشكركم أخواني على الأستجابة ... وبالاخص الدكتور بخيت ( ولا يهون الباقين ) ..

سألت الرجال وبالفعل لم يتم تطعيم الحلال ضد الدموي والمعوي .. وقد تم أخراج تانكي المويه وردم المراح بالكامل مثل ماجاء بتوجيهات الاخوان ماقصروا ..



سؤالي الأهم للأخوان المختصين ..

وش مدى أهمية التطعيمات الاساسية ( الدموي - المعوي - القلاعية ... الخ ) وكيف آليتها خاصة في ضل وجود قطيع من الماعز متفاوت الاعمار ( من أسبوع وأكبر ) .. وبعضها دفيع ومقربه وبعضها في الشهور الأولى او اللي لا يعلم ضمها للقريع إلى اللي خلقها ..
كيف الواحد يقدر يسوي الكنترول اللازم لعمليات التطعيم .. خصوصاً ان الحلال متحرك .. وأحتمالية اللخبطة واردة جداً ؟
(( سؤالي هذا من كثر مالخبطت في موضوع التطعيمات .. وحست الدنيا :d )


بارك الله فيكم ... والله يجعله في موازين أعمالكم
تحيتي لكم

د/ناصر طبيب بيطري نجران
19.04.2009, 01:08 AM
السلام عليكم/ ماقصر الاخوان جميعا جزاهم الله خيرا عليب الردود الرائعه
*بالنسبه للتطعيمات /الهدف منها وقايه القطيع من الامراض الوبائيه والتي اذا ظهرت بالقطيع تؤدي الي مشاكل عاليه من نفوق وغيره بنسبه عاليه*
* بالنسبه للتطعيمات المهم ان تبدا بها حاليا وليكن تبدا بالمعوي للدافع وباقي القطيع بعده الدموي وهكذا بحيث ان تكون الفتره بين كل تطعيمه لا تقل عن اسبوعين
الصغار تبدا التطعيمات بعد عمر شهر ونصف بالنسبه للدموي او المعوي
* يفضل اعطاء الحوامل جرعه نحاس وجرعه ه سلنيوم
والله يبارك لك في حلالك

ابو ري
19.04.2009, 03:12 AM
بالنسبة للخبطه بالتطعيمات عند التطعيم خذ معاك بويا بخاخ والي يتم تطعيمها عطها بخة وصلى الله وبارك

(الصبيعى)
19.04.2009, 04:10 AM
بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

اخوى الشبط جزاك الله خير انك حطيت الموضوع ونصحت راعى الحلال انا مازيد عن اللى قالوه الاخوان ومثل ماقالك اخونا ابو رى اللى طعمها حط عليها بويا ( صبغ ) على ظهرها عشان ماتلخبط والتطعيم يفيد المضرع والجنين اللى بطنها ولاتنسى ابرة النحاس .

موفق بإذن الله ... لك مني أجمل تحية .