المساعد الشخصي الرقمي

مشاهدة النسخة كاملة : اسعار البرسيم في مزارع الشيحيه وبسيطا


مسترزق
07.06.2011, 03:45 AM
السلام عليكم ورحمه الله وبركاته
.
.
.
كم سعر البرسم في مزارع الشيحيه ؟
وكم طول الشد ؟
وكم التوصيل للرياض؟
ووصف للمزارع ؟


.
كم سعر البرسم في مزارع بسيطا طبرجل ؟
وكم طول الشد ؟
وكم التوصيل للرياض؟
ووصف للمزارع ؟


ارجو افادتي بما تعرف اخي
ارجو افادتي بما تعرف اخي
ارجو افادتي بما تعرف اخي

شمروووخ
09.06.2011, 01:11 AM
سعر البرسيم بالقصيم على حسب نوعية الشد

انا نزلت برسيم طيب شد طيب طوله من 90 الى متر تقريباا 12 ريال واصل للمزرعه

يعني بالمزرعه يكون من 9 ريال الى 10 ريال فقط بمزارع الفويلق

واليوم كلمة خويي يشتغل بالاعلاف يحمل من مزارع الشيحيه على 9 ريال ويمدح البرسيم ويبيع من 11 ريال الي 11ونص

اما بالنسبه لتوصيله لرياض والله مدري كم سعره

هذا رقم الرجال للاستفسار ولتعامل معه

0503132833 ابو يوسف

أبو مراد
09.06.2011, 04:06 PM
كم اسعار برسيم تبوك

كـــحـــيـــلان
10.06.2011, 04:39 PM
كم اتوصل لزلفي

تركي المقاطي
11.06.2011, 03:18 AM
بسم الله الرحمن الرحيم

تحيه طيبه

بتكلم عن زيارتي لمنطقه القصيم

للبحث عن البرسيم والتبن

مريت المذنب يوم الخميس والبرسيم ياخوان والله لقيته بالمذنب قليل جدا مرت مزرعه الشهابي ولم اجد برسيم محصود وجنب مزرعه الشهابي مزرعه محصوده برسيم وطيب جدا جدا

بس لقيته مبيوع كله اتوقع تلبين خاص وبسعر مرتفع واتجهت الى مزرعه تبعد عن المذنب 25 كيلو باتجاه الجنوب ولقيت برسيم طيب جدا وشده ممتاز وسعره 16 ريال

من يوم سمعت السعر صراحه زعلت وطلعت من المزرعه واتجهت الى منطقه الشيحيه والله ياجماعه لقيت عده مكاتب لبيع الاعلاف انواع واشكال في اللبن

تبن وبرسيم وذره (قصب ) ورودس اطيب برسيم لقيته بسعر 11 ريال والوسط 9-10 ريال والردي 8 ريال بس بكل امانه اطيب برسيم عندهم 11 ريال طوله 85-90

بس الشد مختلف عن شد المذنب شد المذنب طيب طيب جدا والتبن لقيت الطيب 9 ريال والوسط 8-8.5 ريال ودخت من كثر اللفلفه بالمكاتب ولا لقيت البرسيم اللي بالخاطر

ورجعت الى المذنب الى صاحبي ابو 16 ريال وبحبه خشم وطلايب نزل نصف ريال واخذت 1000 لبنه على 15.5 ريال

من غير التحميل والنقل

والله على مااقول شهيد يعلم الله ان هذا اللي حاصل ياجماعه لاتقولون ضحك عليك او نصب يعلم الله ان كنت مستاجر مزرعه فيها برسيم 3 رشاشات لمده سنتين واعرف خفايا البرسيم وشده

وطيبه من رداه

اتمنى اني ضفت حاجه تخدم هالموضوع وتخدم الاعضاء

تحياتي وتقديري

تاجروقناي
11.06.2011, 03:55 AM
بسم الله الرحمن الرحيم

تحيه طيبه

بتكلم عن زيارتي لمنطقه القصيم

للبحث عن البرسيم والتبن

مريت المذنب يوم الخميس والبرسيم ياخوان والله لقيته بالمذنب قليل جدا مرت مزرعه الشهابي ولم اجد برسيم محصود وجنب مزرعه الشهابي مزرعه محصوده برسيم وطيب جدا جدا

بس لقيته مبيوع كله اتوقع تلبين خاص وبسعر مرتفع واتجهت الى مزرعه تبعد عن المذنب 25 كيلو باتجاه الجنوب ولقيت برسيم طيب جدا وشده ممتاز وسعره 16 ريال

من يوم سمعت السعر صراحه زعلت وطلعت من المزرعه واتجهت الى منطقه الشيحيه والله ياجماعه لقيت عده مكاتب لبيع الاعلاف انواع واشكال في اللبن

تبن وبرسيم وذره (قصب ) ورودس اطيب برسيم لقيته بسعر 11 ريال والوسط 9-10 ريال والردي 8 ريال بس بكل امانه اطيب برسيم عندهم 11 ريال طوله 85-90

بس الشد مختلف عن شد المذنب شد المذنب طيب طيب جدا والتبن لقيت الطيب 9 ريال والوسط 8-8.5 ريال ودخت من كثر اللفلفه بالمكاتب ولا لقيت البرسيم اللي بالخاطر

ورجعت الى المذنب الى صاحبي ابو 16 ريال وبحبه خشم وطلايب نزل نصف ريال واخذت 1000 لبنه على 15.5 ريال

من غير التحميل والنقل

والله على مااقول شهيد يعلم الله ان هذا اللي حاصل ياجماعه لاتقولون ضحك عليك او نصب يعلم الله ان كنت مستاجر مزرعه فيها برسيم 3 رشاشات لمده سنتين واعرف خفايا البرسيم وشده

وطيبه من رداه

اتمنى اني ضفت حاجه تخدم هالموضوع وتخدم الاعضاء

تحياتي وتقديري

بارك الله فيك كفيت ووفيت :MonTaseR_224:

عمر عمار
11.06.2011, 02:16 PM
بيض الله وجهك يا تركي المقاطي
المفروض إنك تضيف المشاركة بموضوع مستقل لتعم الفائدة
ولو أضفت صور للبرسيم يكون أفضل الله يعطيك العافية

المغوار
12.06.2011, 01:28 AM
الله يجزاك خير اخوي تركي لكن الي شريته من المذنب كم طول اللبنه

تركي المقاطي
12.06.2011, 02:37 AM
ابشرو ولا يهمك نصور لكم البرسيم ولو تبون رقم راعي المزرعه اللي شرينا منه حاضرين

ومقاسه 90 سم برسيم صافي